• Tsanzirani Chifundo cha Mulungu Lerolino
    Nsanja ya Olonda—1991 | April 15

    •  2. Kodi Yesu anapereka uphungu wotani pa Mateyu 18:15-17 ponena za kusamalira tchimo lalikulu?

      2 Baibulo limapereka chidziŵitso cha kulingalira kwa Mulungu, ngakhale pankhani zonga ngati chimene tingachite ngati munthu wina atichimwira. Yesu anauza atumwi ake, omwe pambuyo pake anadzakhala oyang’anira Achikristu kuti: ‘Ngati mbale wako akuchimwira iwe, pita, numlangize pa nokha iwe ndi iye; ngati akumvera iwe, wambweza mbale wako.’ Kuchimwa komwe kukutchulidwa pano sikunaphatikizepo kusamvana wamba koma tchimo lalikulu, monga ngati chinyengo kapena kusinjirira. Yesu ananena kuti ngati sitepe limeneli lilephera kuthetsa nkhaniyo ndipo ngati pali mboni, wochimwiridwayo ayenera kuzitenga kuti zikatsimikizire kuti panali cholakwa. Kodi ili ndilo sitepe lomalizira? Ayi. ‘Ngati [wochimwayo] samvera iwo, uuze mpingo; ndipo ngati iye samveranso mpingowo, akhale kwa iwe monga wakunja ndi wamsonkho.’​—Mateyu 18:15-17.

       3. Kodi Yesu anatanthauzanji ponena kuti wochimwa wosalapa anayenera kukhala “monga wakunja ndi wamsonkho”?

      3 Pokhala Ayuda, atumwiwo anamvetsetsa chimene chinatanthauza kumuchitira wochimwa “monga wakunja ndi wamsonkho.” Ayuda anapeŵa kuyanjana ndi anthu akunja, ndipo iwo ananyoza Ayuda omwe ankagwira ntchito monga amisonkho Achiroma.a (Yohane 4:9; Machitidwe 10:28) Chotero, Yesu ankalangiza ophunzirawo kuti ngati mpingo unakana wochimwa, iwo anayenera kuleka kuyanjana naye. Komabe, kodi zimenezo zikugwirizana motani ndi kuyanjana kwa Yesu ndi amisonkho panthaŵi zina?

  • Tsanzirani Chifundo cha Mulungu Lerolino
    Nsanja ya Olonda—1991 | April 15

    • a “Amisonkho ankanyozedwa makamaka ndi anthu Achiyuda a ku Palestina kaamba ka zifukwa zingapo izi: (1) iwo ankasonkhanitsira ndalama ulamuliro wachilendo womwe unatenga dziko la Israyeli, chotero ankapereka chilikizo losakhala lachindunji kwa achiŵembuwa; (2) anali odziŵika kukhala osawona mtima, ankakhala ndi chuma mwakudyerera anthu awo; ndipo (3) ntchito yawo inaloŵetsamo kuyanjana mokhazikika ndi Amitundu, kuwapangitsa kukhala odetsedwa mwamwambo. Kuipidwa ndi amisonkho kukupezeka ponse paŵiri m’C[hipangano] C[hatsopano] ndi mabuku a arabi . . . Mogwirizana ndi kunena kwa omalizirawo, chidani chinayenera kufutukulidwira ngakhale ku banja la wamsonkhoyo.”​—The International Standard Bible Encyclopedia.