-
“Mudziwe Chikondi cha Khristu”Yandikirani Yehova
-
-
“Atate, Akhululukireni”
16. Pamene Yesu anali pamtengo wozunzikirapo, kodi anasonyeza bwanji kuti anali wofunitsitsa kukhululuka?
16 Yesu anasonyezanso chikondi cha Atate ake m’njira ina yofunika kwambiri. Iye anali “wokonzeka kukhululuka.” (Salimo 86:5) Umboni wa zimenezi ndi zimene anachita pamene anali pamtengo wozunzikirapo. Kodi Yesu analankhula zotani ngakhale kuti anali atatsala pang’ono kufa imfa yochititsa manyazi komanso ankamva ululu chifukwa choti anali atamukhoma ndi misomali? Kodi anapempha Yehova kuti alange amene ankamuphawo? Ayi. Ena mwa mawu omalizira amene Yesu analankhula, anali akuti: “Atate, akhululukireni, chifukwa sakudziwa zimene akuchita.”—Luka 23:34.b
-
-
“Mudziwe Chikondi cha Khristu”Yandikirani Yehova
-
-
b M’mipukutu ina yakale, mulibe mawu oyambirirawa apalemba la Luka 23:34. Koma chifukwa chakuti mawuwa amapezeka m’mipukutu ina yambiri yodalirika, anaikidwa mu Baibulo la Dziko Latsopano komanso m’Mabaibulo ena ambiri. Yesu ayenera kuti ankanena za asilikali a Chiroma amene anamupachika. Iwo sankadziwa zimene ankachita chifukwa sankadziwa kuti Yesu anali ndani. Mwinanso Yesu ankaganizira za Ayuda omwe anapempha kuti iye aphedwe koma patapita nthawi anayamba kumukhulupirira. (Machitidwe 2:36-38) Koma atsogoleri achipembedzo amene anachititsa kuti Yesu aphedwe, anali ndi mlandu waukulu chifukwa ankadziwa zimene akuchita ndipo anachita zimenezo chifukwa chongodana naye. Ambiri mwa anthu amenewa sanakhululukidwe.—Yohane 11:45-53.
-