Faarfannaa

Geggeessaa muuziqaatiif. Maaskiil.* Faarfannaa Daawit yommuu Doʼeeg Edoomtichi Daawit gara mana Ahimelek akka dhaqe Saaʼolitti himetti+ faarfate.

52 Ati inni jabaan, gochawwan hamminaa keetti maaliif of jajja?+

Jaalalli Waaqayyoo inni amanamaan guyyaa guutuu itti fufa.+

2 Arrabni kee akka haadduu kan qarame dha,+

Hammina ni qopheessa, gowwoomsaas ni raawwata.+

3 Wanta gaarii caalaa wanta hamaa,

Wanta sirrii dubbachuu caalaas sobuu jaallatta. (Seelaa)

4 Yaa arraba gowwoomsituu taate nana,

Ati dubbii nama miidhu hundumaa ni jaallatta!

5 Waaqayyo siʼa tokkicha yeroo hundumaatiif kan si balleessu kanaafi;+

Inni butee dunkaana kee keessaa si baasa;+

Biyya namoota jiraatoo keessaas si buqqisa.+ (Seelaa)

6 Qajeelonni kana arganii ni sodaatu,+

Isattis ni kolfu.+

7 “Ilaa, nama Waaqayyoon iddoo kooluu itti galu* hin godhanne,+

Inni qabeenya isaa isa guddaatti amanameera,+

Karoora isaa isa hamaattis* hirkateera.”*

8 Ani garuu mana Waaqayyoo keessatti akka muka ejersaa* lalisaa nan taʼa;

Baraa hamma bara baraatti jaalala amanamaa isa kan Waaqayyootti nan amanama.+

9 Ati tarkaanfii waan fudhatteef, ani bara baraaf sin jajadha;+

Kun gaarii waan taʼeef, warra siif amanamoo taʼan duratti

Maqaa kee nan abdadha.+