Faarfannaa

 2 Dogoggora koo irraa guutummaatti na dhiqi,+

Cubbuu koo irraas na qulqulleessi.+

 3 Sababiin isaas, ani balleessaa koo akka gaariittan beeka,

Cubbuun koos yeroo hundumaa fuula koo dura* jira.+

 4 Ani hundumaa caalaa si irratti,* eeyyee, si irratti cubbuu hojjedheera;+

Wanta si duratti hamaa taʼes raawwadheera.+

Kanaafuu, ati yeroo dubbattu qajeelaa dha,

Murtiiwwan kees sirrii dha.+

 5 Kunoo, ani yakkamaa taʼee dhaladheera,

Haati tiyyas cubbuu keessatti na ulfoofte.*+

 6 Kunoo, ati dhugaa keessa namaa jirutti ni gammadda;+

Keessa namummaa koo* ogummaa dhugaa barsiisi.

 7 Qulqulluu akkan taʼuuf, hiisoophiidhaan cubbuu koo irraa na qulqulleessi;+

Cabbii caalaas akkan addaadhuuf na dhiqi.+

 8 Lafeewwan ati caccabsite akka gammadaniif,+

Sagalee gammachuu fi sagalee ililchuu akkan dhagaʼu godhi.

 9 Fuula kee cubbuu koo irraa garagalchi,*+

Dogoggora koo hundumaas na irraa haqi.+

10 Yaa Waaqayyo, garaa qulqulluu na keessatti uumi,+

Hafuura haaraa cimaa taʼes na keessa kaaʼi.+

11 Fuula kee duraa na hin gatin;

Hafuura qulqulluu kees na irraa hin fudhatin.

12 Gammachuu fayyisuu keetii naaf deebisi;+

Fedhii siif ajajamuu na keessatti kakaasi.*

13 Cubbamoonni gara keetti akka deebiʼaniif,

Ani warra balleessaa raawwatan daandii kee nan barsiisa.+

14 Arrabni koo gammachuudhaan qajeelummaa kee akka labsuuf,+

Waaqa fayyinaa koo kan taate yaa Waaqayyo,+ dhiigaan itti gaafatamuu irraa na oolchi.+

15 Afaan koo ulfina kee akka labsuuf,

Yaa Yihowaa, akkan dubbadhu naaf heyyami.+

16 Ati aarsaa hin barbaaddu, utuu akkana taʼee silaa aarsaa nan dhiheessan ture;+

Ati aarsaa guutummaatti gubamutti hin gammaddu.+

17 Aarsaan Waaqayyoon gammachiisu, hafuura cabe dha;

Yaa Waaqayyo, ati garaa cabee* fi bullaaʼe hin tuffattu.+

18 Fedhii keetiin Xiyooniif wanta gaarii godhi;

Dallaawwan Yerusaalem ijaari.

19 Achiis aarsaawwan qajeelummaatti,

Aarsaawwan gubamanii fi aarsaawwan guutummaatti dhihaatanitti ni gammadda;

Sana booda qotiyyoowwan iddoo aarsaa kee irratti ni dhihaatu.+