Faarfannaa

83 Yaa Waaqayyo, calluma hin jedhin;+

Yaa Waaqayyo, hin callisin yookiin dhaabbattee hin ilaalin.

 2 Sababiin isaas, kunoo diinonni kee wacaa jiru;+

Warri si jibbanis gocha of tuulummaa raawwachaa* jiru.

 3 Isaan haxxummaadhaan dhoksaatti saba kee irratti mala qopheessu;

Warra siif iddoo guddaa qaban* irrattis ni mariʼatu.

 4 “Maqaan Israaʼel kana booda akka hin yaadatamnetti,

Kottaa, sabicha haa balleessinu” jedhu.+

 5 Tokko taʼanii tooftaa qopheessu;*

Si mormuudhaan walii galtee* uumaniiru;+

 6 Dunkaanonni Edoom, Ishmaaʼelonni, Moʼaab,+ Haggaaronni,+

 7 Geebaal, Amoon,+ Amaaleq,

Akkasumas Filisxeem+ jiraattota Xiirosii+ wajjin taʼanii si mormu.

 8 Asooris+ isaanitti makamteetti;

Isaan ilmaan Looxiif+ deggersa godhu.* (Seelaa)

 9 Akkuma Miidiyaan+ irratti goote,

Akkuma laga* Qiishoon biratti Siseeraa fi Yaabiin irratti goote isaan irrattis godhi.+

10 Isaan Een Dooritti+ balleeffamaniiru;

Lafattiidhaafis dikee taʼaniiru.

11 Guguddoota isaanii akkuma Oreebii fi Zeʼeeb,+

Bulchitoota* isaaniis akkuma Zeebaa fi Zaalmunaa+ godhi.

13 Yaa Waaqa koo, akka sokorruu gaggaragaluu,+

Akka hoffaa bubbeedhaan fudhatamuus isaan godhi.

14 Akka ibidda bosona gubuu,

Akka labooba gaarota waxaluus isaan godhi;+

15 Obomboleettii keetiin isaan duukaa buʼi,+

Bubbee kee isa cimaadhaanis isaan naasisi.+

16 Yaa Yihowaa, maqaa kee akka barbaaddataniif,

Fuula isaanii salphinaan haguugi.*

17 Isaan bara baraaf haa qaanaʼan, haa naʼanis;

Haa salphatan, haa badanis;

18 Ati inni maqaan kee Yihowaa taʼe,+

Guutummaa lafaa irratti kophaa kee Isa Hundaa Olii+ taʼuu kee namoonni haa beekan.