ਜ਼ਬੂਰ

67 ਪਰਮੇਸ਼ੁਰ ਸਾਡੇ ʼਤੇ ਮਿਹਰ ਕਰੇਗਾ ਅਤੇ ਸਾਨੂੰ ਬਰਕਤ ਦੇਵੇਗਾ;

ਉਹ ਆਪਣੇ ਚਿਹਰੇ ਦਾ ਨੂਰ ਸਾਡੇ ਉੱਤੇ ਚਮਕਾਏਗਾ+ (ਸਲਹ)

 2 ਤਾਂਕਿ ਪੂਰੀ ਧਰਤੀ ਨੂੰ ਤੇਰੇ ਰਾਹ ਬਾਰੇ+

ਅਤੇ ਸਾਰੀਆਂ ਕੌਮਾਂ ਨੂੰ ਤੇਰੇ ਮੁਕਤੀ ਦੇ ਕੰਮਾਂ ਬਾਰੇ ਪਤਾ ਲੱਗੇ।+

 3 ਹੇ ਪਰਮੇਸ਼ੁਰ, ਦੇਸ਼-ਦੇਸ਼ ਦੇ ਲੋਕ ਤੇਰੀ ਮਹਿਮਾ ਕਰਨ;

ਦੇਸ਼-ਦੇਸ਼ ਦੇ ਸਾਰੇ ਲੋਕ ਤੇਰੀ ਮਹਿਮਾ ਕਰਨ।

 4 ਕੌਮਾਂ ਖ਼ੁਸ਼ ਹੋਣ ਅਤੇ ਜੈ-ਜੈ ਕਾਰ ਕਰਨ+

ਕਿਉਂਕਿ ਤੂੰ ਦੇਸ਼-ਦੇਸ਼ ਦੇ ਲੋਕਾਂ ਦਾ ਇਨਸਾਫ਼ ਕਰੇਂਗਾ।+

 5 ਹੇ ਪਰਮੇਸ਼ੁਰ, ਦੇਸ਼-ਦੇਸ਼ ਦੇ ਲੋਕ ਤੇਰੀ ਮਹਿਮਾ ਕਰਨ;

ਦੇਸ਼-ਦੇਸ਼ ਦੇ ਸਾਰੇ ਲੋਕ ਤੇਰੀ ਮਹਿਮਾ ਕਰਨ।

 6 ਧਰਤੀ ਆਪਣੀ ਪੈਦਾਵਾਰ ਦੇਵੇਗੀ;+

ਪਰਮੇਸ਼ੁਰ, ਹਾਂ, ਸਾਡਾ ਪਰਮੇਸ਼ੁਰ ਸਾਨੂੰ ਬਰਕਤ ਦੇਵੇਗਾ।+

 7 ਪਰਮੇਸ਼ੁਰ ਸਾਨੂੰ ਬਰਕਤ ਦੇਵੇਗਾ

ਅਤੇ ਧਰਤੀ ਦੇ ਕੋਨੇ-ਕੋਨੇ ਵਿਚ ਲੋਕ ਉਸ ਦਾ ਡਰ ਮੰਨਣਗੇ।*+