14 ਫਿਰ ਉਹ ਪਾਪ-ਬਲ਼ੀ ਦਾ ਬਲਦ ਲਿਆਇਆ ਅਤੇ ਹਾਰੂਨ ਤੇ ਉਸ ਦੇ ਪੁੱਤਰਾਂ ਨੇ ਪਾਪ-ਬਲ਼ੀ ਦੇ ਬਲਦ ਦੇ ਸਿਰ ਉੱਤੇ ਆਪਣੇ ਹੱਥ ਰੱਖੇ।+ 15 ਮੂਸਾ ਨੇ ਬਲਦ ਨੂੰ ਵੱਢਿਆ ਅਤੇ ਉਸ ਦਾ ਖ਼ੂਨ ਆਪਣੀ ਉਂਗਲ ਉੱਤੇ ਲਾ ਕੇ+ ਵੇਦੀ ਦੇ ਚਾਰੇ ਸਿੰਗਾਂ ʼਤੇ ਲਾਇਆ ਅਤੇ ਵੇਦੀ ਨੂੰ ਪਾਪ ਤੋਂ ਸ਼ੁੱਧ ਕੀਤਾ, ਪਰ ਉਸ ਨੇ ਬਾਕੀ ਖ਼ੂਨ ਵੇਦੀ ਦੇ ਕੋਲ ਡੋਲ੍ਹ ਦਿੱਤਾ। ਇਸ ਤਰ੍ਹਾਂ ਉਸ ਨੇ ਵੇਦੀ ਨੂੰ ਪਵਿੱਤਰ ਅਤੇ ਸ਼ੁੱਧ ਕੀਤਾ। 16 ਫਿਰ ਉਸ ਨੇ ਬਲਦ ਦੀ ਸਾਰੀ ਚਰਬੀ ਯਾਨੀ ਆਂਦਰਾਂ ਦੇ ਉੱਪਰਲੀ ਚਰਬੀ, ਕਲੇਜੀ ਦੀ ਚਰਬੀ ਅਤੇ ਦੋਵੇਂ ਗੁਰਦੇ ਅਤੇ ਉਨ੍ਹਾਂ ਉੱਪਰਲੀ ਚਰਬੀ ਲੈ ਕੇ ਵੇਦੀ ʼਤੇ ਸਾੜ ਦਿੱਤੀ ਤਾਂਕਿ ਇਨ੍ਹਾਂ ਦਾ ਧੂੰਆਂ ਉੱਠੇ।+ 17 ਇਸ ਤੋਂ ਬਾਅਦ ਉਸ ਨੇ ਬਲਦ ਦਾ ਮਾਸ, ਚਮੜੀ, ਗੋਹਾ ਅਤੇ ਉਸ ਦੇ ਬਾਕੀ ਹਿੱਸੇ ਛਾਉਣੀ ਤੋਂ ਬਾਹਰ ਲਿਜਾ ਕੇ ਅੱਗ ਵਿਚ ਸਾੜ ਦਿੱਤੇ,+ ਠੀਕ ਜਿਵੇਂ ਯਹੋਵਾਹ ਨੇ ਮੂਸਾ ਨੂੰ ਹੁਕਮ ਦਿੱਤਾ ਸੀ।