ਜ਼ਬੂਰ

55 ਹੇ ਪਰਮੇਸ਼ੁਰ, ਮੇਰੀ ਪ੍ਰਾਰਥਨਾ ਸੁਣ+

ਅਤੇ ਰਹਿਮ ਲਈ ਕੀਤੀ ਮੇਰੀ ਫ਼ਰਿਆਦ ਨੂੰ ਨਜ਼ਰਅੰਦਾਜ਼ ਨਾ ਕਰ।*+

ਚਿੰਤਾ ਮੈਨੂੰ ਅੰਦਰੋਂ-ਅੰਦਰੀਂ ਖਾਈ ਜਾਂਦੀ ਹੈ+

ਅਤੇ ਮੈਂ ਬੇਹੱਦ ਪਰੇਸ਼ਾਨ ਹਾਂ

 3 ਕਿਉਂਕਿ ਦੁਸ਼ਮਣ ਮੈਨੂੰ ਧਮਕੀਆਂ ਦਿੰਦੇ ਹਨ

ਅਤੇ ਦੁਸ਼ਟ ਮੇਰੇ ʼਤੇ ਦਬਾਅ ਪਾਉਂਦੇ ਹਨ।

ਉਹ ਮੇਰੇ ਲਈ ਮੁਸੀਬਤਾਂ ਖੜ੍ਹੀਆਂ ਕਰਦੇ ਹਨ

ਅਤੇ ਮੇਰੇ ਖ਼ਿਲਾਫ਼ ਆਪਣੇ ਮਨ ਵਿਚ ਗੁੱਸਾ ਅਤੇ ਵੈਰ ਪਾਲ਼ਦੇ ਹਨ।+

 4 ਮੇਰਾ ਦਿਲ ਅੰਦਰੋਂ-ਅੰਦਰੀਂ ਤੜਫਦਾ ਹੈ+

ਅਤੇ ਮੌਤ ਦੇ ਡਰ ਕਰਕੇ ਮੇਰਾ ਸਾਹ ਸੁੱਕ ਗਿਆ ਹੈ।+

 5 ਮੈਂ ਡਰ ਨਾਲ ਥਰ-ਥਰ ਕੰਬਦਾ ਹਾਂ

ਅਤੇ ਖ਼ੌਫ਼ ਨਾਲ ਮੇਰਾ ਦਿਲ ਧੱਕ-ਧੱਕ ਕਰਦਾ ਹੈ।

 8 ਮੈਂ ਤੇਜ਼ ਹਨੇਰੀ ਅਤੇ ਝੱਖੜ ਤੋਂ ਬਚਣ ਲਈ

ਫਟਾਫਟ ਕਿਸੇ ਮਹਿਫੂਜ਼ ਥਾਂ ਚਲਾ ਜਾਂਦਾ।”

 9 ਹੇ ਯਹੋਵਾਹ, ਉਨ੍ਹਾਂ ਨੂੰ ਉਲਝਣ ਵਿਚ ਪਾ ਦੇ ਅਤੇ ਉਨ੍ਹਾਂ ਦੀਆਂ ਯੋਜਨਾਵਾਂ ਨਾਕਾਮ ਕਰ ਦੇ+

ਕਿਉਂਕਿ ਮੈਂ ਸ਼ਹਿਰ ਵਿਚ ਮਾਰ-ਧਾੜ ਅਤੇ ਲੜਾਈ-ਝਗੜੇ ਦੇਖੇ ਹਨ।

10 ਉਹ ਦਿਨ-ਰਾਤ ਇਸ ਦੀਆਂ ਕੰਧਾਂ ʼਤੇ ਘੁੰਮਦੇ ਹਨ;

ਸ਼ਹਿਰ ਵਿਚ ਨਫ਼ਰਤ ਅਤੇ ਗੜਬੜੀ ਫੈਲੀ ਹੋਈ ਹੈ।+

11 ਸ਼ਹਿਰ ਵਿਚ ਤਬਾਹੀ ਮਚੀ ਹੋਈ ਹੈ;

ਇਸ ਦਾ ਚੌਂਕ ਜ਼ੁਲਮ ਅਤੇ ਧੋਖੇਬਾਜ਼ੀ ਦਾ ਅੱਡਾ ਹੈ।+

12 ਕੋਈ ਦੁਸ਼ਮਣ ਮੈਨੂੰ ਤਾਅਨੇ ਨਹੀਂ ਮਾਰਦਾ;+

ਜੇ ਉਹ ਤਾਅਨੇ ਮਾਰਦਾ, ਤਾਂ ਮੈਂ ਸਹਿ ਲੈਂਦਾ।

ਕਿਸੇ ਵੈਰੀ ਨੇ ਮੇਰੇ ʼਤੇ ਹੱਥ ਨਹੀਂ ਚੁੱਕਿਆ;

ਜੇ ਉਹ ਮੇਰੇ ʼਤੇ ਹੱਥ ਚੁੱਕਦਾ, ਤਾਂ ਮੈਂ ਉਸ ਤੋਂ ਲੁਕ ਜਾਂਦਾ।

13 ਪਰ ਇਹ ਸਭ ਕੁਝ ਕਰਨ ਵਾਲਾ ਤਾਂ ਤੂੰ ਹੈਂ, ਮੇਰੇ ਬਰਾਬਰ ਦਾ,+

ਮੇਰਾ ਆਪਣਾ ਸਾਥੀ ਜਿਸ ਨੂੰ ਮੈਂ ਚੰਗੀ ਤਰ੍ਹਾਂ ਜਾਣਦਾ ਹਾਂ।+

14 ਆਪਾਂ ਦੋਵਾਂ ਨੇ ਦੋਸਤੀ ਦੇ ਵਧੀਆ ਪਲ ਬਿਤਾਏ ਸਨ;

ਅਸੀਂ ਸੰਗਤ ਨਾਲ ਮਿਲ ਕੇ ਪਰਮੇਸ਼ੁਰ ਦੇ ਘਰ ਜਾਂਦੇ ਹੁੰਦੇ ਸੀ।

ਉਹ ਜੀਉਂਦੇ-ਜੀ ਕਬਰ* ਵਿਚ ਚਲੇ ਜਾਣ

ਕਿਉਂਕਿ ਉਨ੍ਹਾਂ ਦੇ ਘਰਾਂ ਅਤੇ ਦਿਲਾਂ ਵਿਚ ਬੁਰਾਈ ਵੱਸਦੀ ਹੈ।

16 ਪਰ ਮੈਂ ਪਰਮੇਸ਼ੁਰ ਨੂੰ ਪੁਕਾਰਾਂਗਾ,

ਯਹੋਵਾਹ ਮੈਨੂੰ ਬਚਾਵੇਗਾ।+

17 ਮੈਂ ਸਵੇਰੇ, ਦੁਪਹਿਰੇ, ਸ਼ਾਮੀਂ ਚਿੰਤਾ ਵਿਚ ਡੁੱਬਿਆ ਰਹਿੰਦਾ ਹਾਂ ਅਤੇ ਹਉਕੇ ਭਰਦਾ ਹਾਂ*+

ਅਤੇ ਉਹ ਮੇਰੀ ਆਵਾਜ਼ ਸੁਣਦਾ ਹੈ।+

18 ਉਹ ਮੈਨੂੰ ਬਚਾਵੇਗਾ ਅਤੇ ਮੇਰੇ ਨਾਲ ਲੜਨ ਵਾਲਿਆਂ ਤੋਂ ਮੈਨੂੰ ਸ਼ਾਂਤੀ ਦੇਵੇਗਾ

ਕਿਉਂਕਿ ਭੀੜਾਂ ਮੇਰੇ ਖ਼ਿਲਾਫ਼ ਆ ਗਈਆਂ ਹਨ।+

19 ਪੁਰਾਣੇ ਸਮਿਆਂ ਤੋਂ ਸਿੰਘਾਸਣ ʼਤੇ ਬਿਰਾਜਮਾਨ ਪਰਮੇਸ਼ੁਰ+

ਮੇਰੀ ਸੁਣੇਗਾ ਅਤੇ ਉਨ੍ਹਾਂ ਖ਼ਿਲਾਫ਼ ਕਾਰਵਾਈ ਕਰੇਗਾ+ (ਸਲਹ)

ਜਿਹੜੇ ਪਰਮੇਸ਼ੁਰ ਦਾ ਡਰ ਨਹੀਂ ਮੰਨਦੇ,+

ਉਹ ਬਦਲਣ ਤੋਂ ਇਨਕਾਰ ਕਰਨਗੇ।

20 ਉਸ* ਨੇ ਆਪਣੇ ਹੀ ਦੋਸਤਾਂ ʼਤੇ ਹਮਲਾ ਕੀਤਾ;+

ਉਸ ਨੇ ਆਪਣਾ ਇਕਰਾਰ ਤੋੜ ਦਿੱਤਾ।+

21 ਉਸ ਦੀਆਂ ਗੱਲਾਂ ਮੱਖਣ ਨਾਲੋਂ ਵੀ ਮੁਲਾਇਮ ਹਨ,+

ਪਰ ਉਸ ਦੇ ਦਿਲ ਵਿਚ ਖੋਟ ਹੈ।

ਉਸ ਦੀਆਂ ਗੱਲਾਂ ਤੇਲ ਨਾਲੋਂ ਵੀ ਚਿਕਨੀਆਂ ਹਨ,

ਪਰ ਤਲਵਾਰ ਵਾਂਗ ਤਿੱਖੀਆਂ ਹਨ।+

22 ਆਪਣਾ ਸਾਰਾ ਬੋਝ ਯਹੋਵਾਹ ʼਤੇ ਸੁੱਟ ਦੇ+

ਅਤੇ ਉਹ ਤੈਨੂੰ ਸੰਭਾਲੇਗਾ।+