ਜ਼ਬੂਰ

9 ਹੇ ਯਹੋਵਾਹ, ਮੈਂ ਆਪਣੇ ਪੂਰੇ ਦਿਲ ਨਾਲ ਤੇਰਾ ਗੁਣਗਾਨ ਕਰਾਂਗਾ;

ਮੈਂ ਤੇਰੇ ਸਾਰੇ ਹੈਰਾਨੀਜਨਕ ਕੰਮਾਂ ਨੂੰ ਬਿਆਨ ਕਰਾਂਗਾ।+

 2 ਮੈਂ ਤੇਰੇ ਕਾਰਨ ਖ਼ੁਸ਼ੀ ਮਨਾਵਾਂਗਾ ਅਤੇ ਬਾਗ਼-ਬਾਗ਼ ਹੋਵਾਂਗਾ;

ਹੇ ਅੱਤ ਮਹਾਨ ਪਰਮੇਸ਼ੁਰ, ਮੈਂ ਤੇਰੇ ਨਾਂ ਦਾ ਗੁਣਗਾਨ ਕਰਾਂਗਾ।*+

 3 ਜਦ ਮੇਰੇ ਦੁਸ਼ਮਣ ਪਿੱਛੇ ਹਟਣਗੇ,+

ਉਹ ਤੇਰੇ ਸਾਮ੍ਹਣੇ ਡਿਗ ਕੇ ਨਾਸ਼ ਹੋ ਜਾਣਗੇ।

 4 ਤੂੰ ਮੇਰੇ ਮੁਕੱਦਮੇ ਦੀ ਪੈਰਵੀ ਕਰਦਾ ਹੈਂ ਅਤੇ ਸਹੀ ਫ਼ੈਸਲਾ ਕਰਦਾ ਹੈਂ;

ਤੂੰ ਸਿੰਘਾਸਣ ʼਤੇ ਬੈਠ ਕੇ ਆਪਣੇ ਧਰਮੀ ਅਸੂਲਾਂ ਮੁਤਾਬਕ ਨਿਆਂ ਕਰਦਾ ਹੈਂ।+

 5 ਤੂੰ ਕੌਮਾਂ ਨੂੰ ਝਿੜਕਿਆ ਹੈ+ ਅਤੇ ਦੁਸ਼ਟ ਨੂੰ ਨਾਸ਼ ਕੀਤਾ ਹੈ

ਅਤੇ ਉਨ੍ਹਾਂ ਦਾ ਨਾਂ ਹਮੇਸ਼ਾ-ਹਮੇਸ਼ਾ ਲਈ ਮਿਟਾ ਦਿੱਤਾ ਹੈ।

 6 ਦੁਸ਼ਮਣ ਸਦਾ ਲਈ ਤਬਾਹ ਹੋ ਗਏ ਹਨ;

ਤੂੰ ਉਨ੍ਹਾਂ ਦੇ ਸ਼ਹਿਰ ਮਿੱਟੀ ਵਿਚ ਮਿਲਾ ਦਿੱਤੇ ਹਨ,

ਉਨ੍ਹਾਂ ਦੀ ਯਾਦ ਪੂਰੀ ਤਰ੍ਹਾਂ ਮਿਟ ਜਾਵੇਗੀ।+

 7 ਪਰ ਯਹੋਵਾਹ ਹਮੇਸ਼ਾ ਲਈ ਆਪਣੇ ਸਿੰਘਾਸਣ ʼਤੇ ਬਿਰਾਜਮਾਨ ਹੈ;+

ਉਸ ਨੇ ਨਿਆਂ ਕਰਨ ਲਈ ਆਪਣੀ ਰਾਜ-ਗੱਦੀ ਮਜ਼ਬੂਤੀ ਨਾਲ ਕਾਇਮ ਕੀਤੀ ਹੈ।+

 8 ਉਹ ਸਾਰੀ ਧਰਤੀ* ਦੇ ਵਾਸੀਆਂ ਦਾ ਆਪਣੇ ਧਰਮੀ ਅਸੂਲਾਂ ਮੁਤਾਬਕ ਨਿਆਂ ਕਰੇਗਾ;+

ਉਹ ਕੌਮਾਂ ਦੇ ਮੁਕੱਦਮਿਆਂ ਦੇ ਸਹੀ ਫ਼ੈਸਲੇ ਕਰੇਗਾ।+

 9 ਯਹੋਵਾਹ ਸਤਾਏ ਹੋਏ ਲੋਕਾਂ ਲਈ ਮਜ਼ਬੂਤ ਪਨਾਹ,*+

ਹਾਂ, ਬਿਪਤਾ ਦੇ ਵੇਲੇ ਮਜ਼ਬੂਤ ਪਨਾਹ ਬਣੇਗਾ।+

10 ਜਿਹੜੇ ਤੇਰਾ ਨਾਂ ਜਾਣਦੇ ਹਨ, ਉਹ ਤੇਰੇ ʼਤੇ ਭਰੋਸਾ ਕਰਨਗੇ;+

ਹੇ ਯਹੋਵਾਹ, ਜਿਹੜੇ ਤੈਨੂੰ ਭਾਲਦੇ ਹਨ, ਤੂੰ ਉਨ੍ਹਾਂ ਨੂੰ ਕਦੇ ਨਹੀਂ ਤਿਆਗੇਂਗਾ।+

11 ਯਹੋਵਾਹ ਦਾ ਗੁਣਗਾਨ ਕਰੋ ਜਿਹੜਾ ਸੀਓਨ ʼਤੇ ਵੱਸਦਾ ਹੈ;

ਦੇਸ਼-ਦੇਸ਼ ਵਿਚ ਉਸ ਦੇ ਕੰਮਾਂ ਦੇ ਚਰਚੇ ਕਰੋ।+

12 ਉਹ ਦੁਖੀਆਂ ਨੂੰ ਯਾਦ ਰੱਖੇਗਾ ਅਤੇ ਉਨ੍ਹਾਂ ਦੇ ਖ਼ੂਨ ਦਾ ਬਦਲਾ ਲਵੇਗਾ;+

ਉਹ ਮਦਦ ਲਈ ਉਨ੍ਹਾਂ ਦੀ ਦੁਹਾਈ ਨਹੀਂ ਭੁੱਲੇਗਾ।+

13 ਹੇ ਯਹੋਵਾਹ, ਤੂੰ ਮੈਨੂੰ ਮੌਤ ਦੇ ਦਰਵਾਜ਼ਿਆਂ ਤੋਂ ਚੁੱਕਦਾ ਹੈਂ,+

ਮੇਰੇ ʼਤੇ ਮਿਹਰ ਕਰ; ਮੇਰੇ ਦੁੱਖ ਨੂੰ ਦੇਖ ਜੋ ਮੈਨੂੰ ਨਫ਼ਰਤ ਕਰਨ ਵਾਲੇ ਦਿੰਦੇ ਹਨ

14 ਤਾਂਕਿ ਮੈਂ ਸੀਯੋਨ ਦੀ ਧੀ ਦੇ ਦਰਵਾਜ਼ਿਆਂ ʼਤੇ ਤੇਰੇ ਕੰਮਾਂ ਦੀਆਂ ਸਿਫ਼ਤਾਂ ਕਰਾਂ+

ਅਤੇ ਤੇਰੇ ਮੁਕਤੀ ਦੇ ਕੰਮਾਂ ਕਰਕੇ ਖ਼ੁਸ਼ੀ ਮਨਾਵਾਂ।+

15 ਕੌਮਾਂ ਆਪਣੇ ਪੁੱਟੇ ਟੋਏ ਵਿਚ ਆਪ ਹੀ ਡਿਗ ਪਈਆਂ ਹਨ;

ਉਨ੍ਹਾਂ ਦੇ ਪੈਰ ਆਪਣੇ ਹੀ ਲੁਕਾਏ ਹੋਏ ਜਾਲ਼ ਵਿਚ ਫਸ ਗਏ ਹਨ।+

17 ਦੁਸ਼ਟ ਕਬਰ* ਵਿਚ ਚਲੇ ਜਾਣਗੇ

ਅਤੇ ਉਹ ਸਾਰੀਆਂ ਕੌਮਾਂ ਵੀ ਜਿਹੜੀਆਂ ਪਰਮੇਸ਼ੁਰ ਨੂੰ ਭੁੱਲ ਜਾਂਦੀਆਂ ਹਨ।

18 ਪਰ ਪਰਮੇਸ਼ੁਰ ਗ਼ਰੀਬ ਨੂੰ ਨਹੀਂ ਭੁੱਲੇਗਾ+

ਅਤੇ ਨਾ ਹੀ ਹਲੀਮ* ਲੋਕਾਂ ਦੀ ਉਮੀਦ ਕਦੇ ਮਿਟੇਗੀ।+