⁹ ਇਸੇ ਤਰ੍ਹਾਂ, ਯਹੋਵਾਹ ਸਾਨੂੰ ਰਾਜ ਦੀ ਵਾਸਤਵਿਕਤਾ ਦਾ ਯਕੀਨ ਦਿਵਾਉਂਦਾ ਹੈ। ਜਿਵੇਂ ਬਾਈਬਲ ਦੀ ਇਬਰਾਨੀਆਂ ਨਾਮਕ ਪੁਸਤਕ ਵਿਚ ਦਿਖਾਇਆ ਗਿਆ ਹੈ, ਬਿਵਸਥਾ ਨੇਮ ਦੇ ਅਨੇਕ ਪਹਿਲੂ ਰਾਜ ਪ੍ਰਬੰਧ ਨੂੰ ਪੂਰਵ-ਪਰਛਾਵਾਂ ਕਰਦੇ ਸਨ। (ਇਬਰਾਨੀਆਂ 10:1) ਪਰਮੇਸ਼ੁਰ ਦੇ ਰਾਜ ਦੀਆਂ ਪੂਰਵ-ਝਲਕਾਂ ਇਸਰਾਏਲ ਦੇ ਪਾਰਥਿਵ ਰਾਜ ਵਿਚ ਵੀ ਜ਼ਾਹਰ ਸਨ। ਉਹ ਕੋਈ ਸਾਧਾਰਣ ਸਰਕਾਰ ਨਹੀਂ ਸੀ, ਕਿਉਂਕਿ ਉਸ ਦੇ ਸ਼ਾਸਕ “ਯਹੋਵਾਹ ਦੇ ਸਿੰਘਾਸਣ” ਉੱਤੇ ਬਿਰਾਜਮਾਨ ਸਨ। (1 ਇਤਹਾਸ 29:23) ਇਸ ਦੇ ਇਲਾਵਾ, ਇਹ ਪੂਰਵ-ਸੂਚਿਤ ਕੀਤਾ ਗਿਆ ਸੀ: “ਯਹੂਦਾਹ ਤੋਂ ਰਾਜ ਡੰਡਾ ਚਲਿਆ ਨਾ ਜਾਵੇਗਾ ਨਾ ਉਸ ਦੇ ਪੈਰਾਂ ਦੇ ਵਿੱਚੋਂ ਹਾਕਮ ਦਾ ਸੋਟਾ ਜਦ ਤੀਕ ਸ਼ਾਂਤੀ ਦਾਤਾ [ਸ਼ੀਲੋਹ, ਫੁਟਨੋਟ] ਨਾ ਆਵੇ। ਅਤੇ ਲੋਕਾਂ ਦੀ ਆਗਿਆਕਾਰੀ ਉਸੇ ਦੀ ਹੋਵੇਗੀ।” (ਉਤਪਤ 49:10)a ਜੀ ਹਾਂ, ਯਹੂਦਿਯਾ ਦੇ ਰਾਜਿਆਂ ਦੀ ਇਸ ਵੰਸ਼ ਵਿਚ ਯਿਸੂ, ਪਰਮੇਸ਼ੁਰ ਦੀ ਸਰਕਾਰ ਦੇ ਸਥਾਈ ਰਾਜਾ ਨੇ ਪੈਦਾ ਹੋਣਾ ਸੀ।—ਲੂਕਾ 1:32, 33.