Salmo
Kantika pa Hende Ku Ta Subi Bai Stat.* Un salmo di David.
122 Mi a bira masha kontentu ora nan a bisa mi:
“Laga nos bai kas di Yehova.”
2 Herúsalèm, ata nos pará awor
parti paden di bo portanan.
3 Herúsalèm ta un stat
kaminda e kasnan a ser trahá pegá ku otro.
4 E tribunan,
sí, e tribunan di Yah,* a subi bai einan
pa alabá Yehova su nòmber
manera el a manda Israel hasi.*
5 Den e stat ei, nan a pone trono pa husga,
sí, trono di e desendientenan di David.
6 Pidi pa Herúsalèm por tin pas.
Herúsalèm, hende ku stima bo lo no tin preokupashon.
7 Laga pas sigui reina parti paden di bo murayanan di defensa;*
laga tur ku ta biba den bo torennan fortifiká sinti nan protehá.
8 Mi stima mi famia i mi amigunan, p’esei lo mi bisa:
“Herúsalèm, laga pas reina den bo.”
9 Mi stima e kas di Yehova, nos Dios,
p’esei lo mi pidi loke ta bon pa bo.