Oséas
4 O pueblo di Israel, skucha loke Yehova ta bisa,
pasobra Yehova tin un kaso kontra e habitantenan di e pais akí.
Pasobra e habitantenan di e pais akí no ta onesto,* ni nan no ta mustra amor leal. Nan ta hasi manera nan no konosé Dios.
2 Tur kaminda, tin hende ku ta hura falsamente. Tur kaminda, tin gañamentu, matamentu,
hòrtamentu i adulterio.*
Tin dramamentu di sanger tras di dramamentu di sanger.
3 P’esei, e pais akí lo ta na luto.
Tur su habitantenan lo kaba na nada;
bestia salbahe, para di shelu
i asta piská di laman lo muri.
4 Dios a bisa: “Niun persona no por bisa boso nada ni korigí boso,
pasobra boso ta mes kabesura ku hende ku ta diskutí ku saserdote.
5 Boso lo trompeká di dia kla, komo si fuera ta anochi,
i e profetanan lo trompeká huntu ku boso.
Lo mi destruí boso mama.
6 Mi pueblo lo ser destruí, pasobra nan ta hasi manera nan no konosé mi.
Boso ta nenga di siña konosé mi;
p’esei, ami tambe lo nenga di laga boso sirbi komo mi saserdotenan.
Boso a lubidá e leinan* di boso Dios;
p’esei, ami tambe lo lubidá boso yu hòmbernan.
7 Mas nan* a oumentá, mas nan a peka kontra mi.
Lo mi sòru pa niun hende no onra nan, i lo mi laga nan pasa bèrgwensa.*
9 Lo mi pidi e pueblo i e saserdotenan kuenta i rason.
Lo mi pidi nan kuenta i rason pa nan kondukta,
i lo mi laga nan karga e konsekuensianan di nan echonan.
10 Nan lo kome, pero nan lo no keda satisfecho.
Maske nan ta hiba un bida sumamente inmoral,* nan lo no haña yu i oumentá,
pasobra nan no ta obedesé Yehova.
12 Mi pueblo ta konsultá ku nan diosnan falsu di palu
i hasi loke nan bara* ta bisa nan.
Nan deseo pa praktiká prostitushon* ta pone nan desviá.
Nan a rechasá Dios pasobra nan ta kometé prostitushon.
13 Nan ta ofresé sakrifisio riba kabes di seru,
i nan ta laga nan sakrifisionan huma riba e seritunan,
bou di palu di eik, bou di palu di storaks* i bou di tur palu grandi,
pasobra e palunan ei tin bon sombra.
14 Lo mi no pidi boso yu muhénan kuenta i rason pa nan prostitushon,*
ni lo mi no pidi boso nueranan* kuenta i rason pa e echo ku nan ta kometé adulterio,
pasobra e hòmbernan mes ta bai ku prostituta,
i nan ta ofresé sakrifisio huntu ku e prostitutanan.*
Hende ku ta hasi e kosnan ei ta bobo; nan ta ruinando nan mes.
15 Israel, maske bo ta praktiká prostitushon,*
no laga Huda bira kulpabel di mesun piká.
No bini Guilgal ni Bèt-Aven.*
Anto ora di hura, no bisa: ‘Mes sigur ku Yehova ta na bida!’
16 E hendenan di Israel a bira mes kabesura ku un baka kabesura.
Ami, Yehova, mester kuida nan manera ta kuida un chubatu di karné yòn den sabana?*
17 E hendenan di Efraím ta masha pegá na dios falsu.*
Laga nan pa nan kuenta!
Anto nan gobernantenan* gusta komportá nan mes na manera bergonsoso.
19 Bientu lo lastra nan bai kuné,
i nan lo haña bèrgwensa di nan sakrifisionan.”