Salmo

1 Felis ta un hende ku no ta sigui* konseho di hende malbado,

ku no ta sigui mesun kaminda ku hende pekadó

ni ta sinta huntu ku hasidó di bofon.

 2 Ma e ta stima lei di Yehova mashá,*

i e ta les’é i meditá riba dje* di dia i anochi.

 3 E ta manera un palu plantá kantu di awa,

sí, un palu ku ta pari fruta ora ta su temporada

i ku su blachinan no ta seka.

 4 Pero hende malbado no ta asina.

Nan ta manera bagas* ku bientu ta supla bai kuné.

 5 Pues, hende malbado lo ser kondená ora nan ser husgá;

lo no tin pekadó kaminda hende hustu ta.*

 6 Yehova ta mira loke hende hustu ta hasi,

ma e obranan di hende malbado, lo e destruí.