Proverbionan

 2 Kiko mi por bisa bo, mi yu?

Kiko mi por bisa bo, mi yu ku mi a karga den mi barika?

Yu di mi promesanan solèm, kiko mi por bisa bo?

 3 No gasta bo energia ku hende muhé,

ni no hasi e kosnan ku ta hiba un rei den perdishon.

 4 Lémuèl, un rei no mester bebe biña;

nò, no ta pas pa un rei bebe biña.

Un gobernante no mester bisa: “Duna mi un beter.”

 5 E ta kapas di bebe, lubidá loke lei ta bisa

i kita derecho di hende pober.

 6 Duna hende ku ta serka di muri alkohòl;

duna hende deprimí* biña.

 7 Laga nan bebe pa nan lubidá ku nan ta pober;

laga nan bebe i lubidá nan problemanan.

 8 Papia, i defendé hende ku no por defendé nan mes;

defendé derecho di tur hende ku ta muriendo.

 9 Papia pa nan, i husga ku hustisia;

defendé derecho* di hende pober i derecho di hende di ménos rekurso.

11 Su esposo ta konfi’é kompletamente,*

i su esposo no ta falta nada.

12 Henter su bida,* e ta trata su esposo bon;

e no ta trata su esposo malu.

13 Un bon esposa ta sòru pa e tin lana* i lenen;

e ta hasi su trabounan ku smak.

14 E ta manera barku di komersiante;

e ta sali bai leu pa buska kuminda.

15 E ta lanta mardugá,*

i e ta pèrkurá kuminda pa su famia

i pa su kriánan.*

16 E ta kumpra un tereno ku el a inspekshoná;

e ta planta wendrùif ku e ganashi ku el haña trahando duru.

17 E ta kla i prepará pa hasi trabou duru;

e ta traha duru ku su mannan.

18 Su negoshi ta generá ganashi;

su lampinan di kas ta keda sendé te lat.*

19 E ta kohe e palunan pa traha hilu,

i e ta traha hilu pa e usa despues.*

20 E ta saka man yuda hende di ménos rekurso;

e ta generoso ku hende pober.

21 Ora sneu ta kai, e ta trankil pasobra tur su hendenan di kas

tin paña pa tene nan kurpa kayente.*

23 Su esposo ta konosí na porta di stat,

kaminda su esposo ta sinta huntu ku e ansianonan di nan region.

24 Un bon esposa ta traha paña* di lenen i bende nan,

i e ta entregá faha na e komersiantenan.

25 Un bon esposa tin forsa pa trata ku kualke situashon den bida;

e ta un persona respetá, i e no ta preokupá pa dia di mañan.

26 E ta papia ku sabiduria,

i semper e ta papia na un manera masha amabel.*

27 E ta wak pa tur kos kana bon den su kas;

nunka e ta sinta pòrnada.*

28 Su yunan ta lanta para, i nan ta elogi’é;

su esposo ta lanta para, i su esposo ta elogi’é,* bisando:

29 “Tin hopi hende muhé bon* na mundu,

pero abo ta surpasá nan tur.”

30 Aparensia por gaña hende, i bunitesa ta pasahero,*

pero un hende muhé ku tin rèspèt profundo pa* Yehova ta di elogiá.