Salmo

2 Pakiko tin konmoshon den e nashonnan?

Pakiko e pueblonan ta plania* kos sin sentido?

 2 E reinan di tera a tuma nan posishon pa bringa,

i e gobernantenan a sera kabes*

kontra Yehova i e persona ku el a skohe.*

 3 Nan ta bisa: “Laga nos kibra e kadenanan

i libra nos mes di nan kabuyanan!”

 4 Yehova, kende ta sintá riba trono den shelu, lo hari;

sí, lo e hasi bofon di nan.

 5 E tempu ei, lo e papia ku nan den su rabia

i spanta nan ku su furia.

 6 Lo e bisa: “Mi mes a nombra mi rei,

i e ta goberná na Siòn, mi seru santu.”

 7 Lo mi anunsiá loke Yehova a deklará.*

El a bisa mi: “Bo ta mi yu.

Di awe padilanti, mi ta bo tata.

 8 Si bo pidi mi, lo mi duna bo e nashonnan komo herensia

i henter tera komo bo propiedat.

 9 Lo bo kibra e nashonnan ku un bara di heru;

lo bo kibra nan na pida pida, manera ta kibra un pòchi di klei.”

10 Pues, reinan, sea sabí;*

huesnan di tera, aseptá korekshon.*

11 Sirbi Yehova ku rèspèt profundo,*

i atmir’é ku alegria.*

12 Onra* e yu, sino Dios* lo rabia

i boso lo muri,*

pasobra Dios su rabia por lanta lihé.