Salmo
Kantika pa Hende Ku Ta Subi Bai Stat.* Un salmo di Sálomon.
127 Si Yehova no traha e kas,
ta pòrnada e trahadónan ta traha duru riba dje.
Si Yehova no protehá e stat,
ta pòrnada e vigilantenan ta keda lantá.
2 Si bo no tin Dios su bendishon, ta pòrnada bo ta lanta mainta trempan,
ta pòrnada bo ta keda traha te anochi lat
i ta pòrnada bo ta traha duru pa gana bo pan,
pasobra Dios ta pèrkurá pa hende ku e ta stima, i e ta laga nan drumi bon.
4 Yu di un hòmber yòn
ta meskos ku flecha den man di un hòmber poderoso.
5 Felis ta un hòmber ku tin hopi di e flechanan akí.
Lo e no pasa bèrgwensa,
pasobra su yu hòmbernan lo papia ku su enemigunan den porta di stat.