Proverbionan
23 Ora bo sinta na mesa pa kome ku un rei,
no lubidá unda bo ta.
2 Si bo ta un hende ku ta kome hopi,*
dominá bo mes.*
3 No deseá e kumindanan dushi* ku un rei ta pone bo dilanti
pa bo no kai den trampa.
4 No mata kurpa pa rikesa;
stòp di hasi esei, i usa bo kabes.*
5 No enfoká riba plaka, pasobra plaka ta disparsé.
Un kos ta sigur: Plaka ta kria hala i bula bai manera águila.
6 No kome kuminda di hende pichiri,*
ni no deseá e kumindanan dushi ku hende pichiri ta sirbi bo,*
7 pasobra un hende pichiri ta paga tinu riba tur kos.*
E ta bisa bo: “Kome i bebe,” pero e no ta bisa esei di kurason.
8 Lo bo arohá* e tiki kuminda ku bo a kome,
i bo palabranan di elogio lo tabata pòrnada.
9 No purba di siña un hende bobo nada,
pasobra e no ta apresiá bo palabranan di sabiduria.
10 No kita e ophetonan pa marka tereno ku hende a pone hopi tempu pasá,
ni no hasi doño riba tereno di huérfano,*
11 pasobra nan Defensor* ta un persona poderoso;
lo e tuma nan kaso i defendé nan.
13 No keda sin korigí* un mucha;
si bo sut’é ku bara, lo e no muri.
14 Sut’é ku bara
pa evitá ku e ta baha den Graf.*
17 No envidiá pekadó,
i sòru pa semper bo tin rèspèt profundo* pa Yehova.
18 E ora ei, un kos ta sigur: Lo bo tin un bon futuro,
i loke bo ta spera riba dje lo bira realidat.
19 Mi yu, skucha i bira sabí;
kana* den e bon kaminda.
20 No anda ku hende ku ta bebe demasiado biña,*
ni no anda ku hende golos, ku ta yena nan stoma mal yená ku karni.*
21 Buraché i hende golos lo bira pober;
nan lo drumi henter dia, i nan ta haña nan ta kana ku paña kibrá na nan kurpa.
22 Tende di bo tata ku a engendrá bo,
i no keda sin hasi kaso di bo mama pasobra el a bira bieu.
24 No tin duda: Tata di un yu hustu tin goso;
tata di un yu sabí lo ta felis.
25 Hasi pa bo tata i bo mama ta kontentu;
alegrá kurason di bo mama, kende a trese bo na mundu.
26 Mi yu, entregá mi bo kurason,
i sea felis kanando den mi kamindanan.
27 Un prostituta ta manera un buraku hundu;
un muhé inmoral* ta un pos smal.
28 Un muhé asina ta skonde lur manera ladron,
i e ta pone e kantidat di hòmber infiel oumentá.
29 Ken tin doló? Ken ta ferdrit?
Ken ta pleita? Ken ta keha?
Ken tin herida sin sa ta kon bini? Ken tin wowo kòrá?
30 Wèl, e hendenan ku ta pasa ora largu ta bebe biña,
sí, e hendenan ku ta bebe* biña mesklá.
31 No laga biña koló kòrá ku ta lombra den kopa
i ku ta baha bon hinka bo den tentashon.
32 Na final di kuenta, e ta morde manera kolebra,
i e ta manera venenu di víbora.
33 Bo wowonan ta kuminsá mira kos straño,
i bo kurason ta kuminsá ekspresá kos for di sla.
34 Bo ta sinti manera ta riba laman ganchu bo ta,
òf manera ta den tòp di un master di barku bo ta drumí.
35 Bo ta bisa: “Nan a dal mi, pero mi no a sinti nada!*
Nan a bati mi, pero mi no tabata sa mes!
Ki ora mi ta spièrta
pa mi bolbe dal mi beternan?”*