LÈS 15

Papia ku Konvikshon

1 Tesalonisensenan 1:5

RESÚMEN: Demostrá ku bo ta konvensí ku loke bo ta bisa ta bèrdat i importante.

Prepará bon. Studia e informashon te ora ku bo ta komprondé kiko ta e ideanan prinsipal i kon Beibel ta proba ku nan ta bèrdat. Purba di ekspresá e puntonan prinsipal di bo presentashon den un par di palabra simpel. Pensa kon e informashon lo yuda bo oyentenan. Pidi Yehova duna bo su spiritu santu.

Entrená bo parti na bos haltu pa e informashon por ta bon grabá den bo mente i pa bo mehorá bo manera di present’é.
Usa palabra ku ta demostrá konvikshon. En bes di ripití e palabranan eksaktamente manera nan ta pará den nos publikashonnan, usa bo mes palabra. Skohe palabra ku ta mustra ku bo ta sigur di loke bo ta papia.
Ekspresá bo mes ku seriedat i sinseridat. Papia ku sufisiente volúmen. Wak hende den nan kara ora bo ta papia ku nan si esei no ta ofensivo den bo kultura.

Papia ku konvikshon no ta nifiká papia sin takto òf keda para riba bo punto òf ser brutu. Asta ora bo ta papia ku seriedat, motivá bo oyentenan na un manera kariñoso.