LÈS 14

Resaltá e Puntonan Prinsipal

Hebreonan 8:1

RESÚMEN: Yuda bo ouditorio sigui bo diskurso, i mustra bon kla ki relashon kada punto prinsipal tin ku bo meta i tema.

Determiná kiko bo meta ta. Wak si e meta di bo diskurso ta pa informá, konvensé òf motivá bo ouditorio. Despues, desaroyá bo diskurso di akuerdo ku e meta ei. Hasi sigur ku kada punto prinsipal ta yuda bo logra bo meta.

Puntra bo mes: ‘Ki pregunta òf opheshon mi ouditorio lo por tin relashoná ku e tópiko akí? Den ki sekuensia nan lo bini ku e preguntanan òf ku e opheshonnan ei?’ Despues, organisá bo puntonan den e mes sekuensia pa asina bo ouditorio por sigui e informashon, komprond’é i asept’é.
Enfatisá e tema di bo diskurso. Ripití e palabranan klave di bo tema durante henter e diskurso òf usa nan sinónimo pa enfatisá e tema.
Mustra bon kla kiko ta e puntonan prinsipal i tene nan simpel. Skohe solamente e puntonan prinsipal ku ta relashoná ku bo tema i ku bo por splika bon den e tempu asigná. No usa hopi punto prinsipal. Menshoná kada punto prinsipal bon kla, pousa entre nan i no bula diripiente di un punto prinsipal pa otro.

Bo por menshoná e puntonan prinsipal durante bo introdukshon pa asina bo ouditorio por sigui bo òf ripití nan durante bo konklushon pa yuda bo ouditorio kòrda nan.