Nos Website Ofisial—Benefisioso pa Tur Hende — BIBLIOTEKA ONLINE Watchtower

Nos Website Ofisial—Benefisioso pa Tur Hende

Hesus a duna nos e mandato pa prediká e bon notisia di Reino “den henter e tera habitá, komo testimonio pa tur nashon.” (Mat. 24:14) Pa yuda nos ‘kumpli ku nos sirbishi kabalmente,’ a re-diseñá nos website jw.org. E ta kontené e informashon ku tabatin riba watchtower.org, jw-media.org i e jw.org bieu.—2 Tim. 4:5.

“Henter e Tera Habitá”: Un terser parti di e poblashon mundial ta usa Internet. Pa hopi hende, spesialmente hóbennan, Internet a bira e fuente prinsipal di informashon. Nos site ta brinda usuarionan di Internet kontestanan franko riba preguntanan bíbliko. E ta laga nan sera konosí ku e organisashon di Yehova i ta permití nan pidi un estudio di Beibel grátis fásilmente. Pa medio di e website akí, e bon notisia ta yega na áreanan di mundu kaminda hende tin masha tiki chèns di tende e mensahe di Reino.

“Tur Nashon”: Pa por prediká e bon notisia na “tur nashon,” nos mester presentá e bèrdat bíbliko na diferente idioma. P’esei, riba nos site nos a pone informashon fásilmente alkansabel den mas o ménos 400 idioma, mas ku kualke otro website.

Us’é Bon: E website jw.org, ku su diseño nobo, no ta djis un hèrmènt pa duna testimonio na hende ku no ta Testigu. E ta pa Testigunan di Yehova tambe. Si bo tin akseso na Internet, nos ta invitá bo pa sera konosí ku e jw.org nobo. Aki bou ta sigui algun sugerensia riba kon bo por us’é. (Nos ta usa e vershon spañó komo ehèmpel.)