E Profesianan Tokante e Mesías Ta Duna Prueba Ku Hesus Tabata e Mesías?
E kontesta ku Beibel ta duna
Sí. Miéntras ku Hesus tabata riba tera, el a kumpli ku masha hopi profesia tokante “Mesías e lider,” esta, esun ku lo a bira “Salbador di mundu.” (Daniel 9:25; 1 Huan 4:14) I asta despues di su morto, ainda Hesus a kumpli ku profesia tokante Mesías.—Salmo 110:1; Echonan 2:34-36.
Kiko e palabra “Mesías” ta nifiká?
Tantu e palabra hebreo Ma·shiʹach (Mesías) komo e palabra griego Khri·stos (Kristu) ta nifiká “Esun Ungí.” Pues anto, “Hesukristu” ta nifiká: “Hesus, esun ungí,” òf “Hesus, e Mesías.”
Den tempu di Beibel, hopi bes ora nan tabata ungi un persona ku a haña asignashon pa un puesto di outoridat, nan tabata basha zeta riba su kabes. (Levítiko 8:12; 1 Samuel 16:13) Hesus a haña e asignashon serka Dios pa bira e Mesías, ku ta un puesto di gran outoridat. (Echonan 2:36) Sinembargo, Dios no a ungi Hesus ku zeta, sino el a ungié ku spiritu santu.—Mateo 3:16.
Mas hende por a kumpli ku e profesianan tokante Mesías?
Nò. Meskos ku un “fingerprint” ta identifiká solamente ún persona, asina tambe e profesianan di Beibel ta indiká solamente ún Mesías òf Kristu. Sinembargo, Beibel ta spièrta ku “lo lanta Kristu falsu i profeta falsu, i nan lo hasi señal i milager grandi pa gaña asta e skohínan, si ta posibel.”—Mateo 24:24.
E Mesías lo por aparesé den futuro?
Nò. Beibel a profetisá ku e Mesías lo ta un desendiente di Rei David di Israel. (Salmo 89:3, 4) Sinembargo, e registronan di genealogia ku ta bai bèk te na David, a ser destruí probablemente tempu ku e Romanonan a konkistá Yerusalèm na aña 70.a For di e tempu ei niun hende no por proba ku e ta un desendiente di Rei David. Di e otro banda, apesar ku e registronan ei a eksistí den Hesus su tempu, ni su enemigunan no por a trese duda den e echo ku e ta un desendiente di Rei David.—Mateo 22:41-46.
Kuantu profesia tokante Mesías tin den Beibel?
No por bisa presis kuantu profesia tokante Mesías tin den Beibel. Por ehèmpel, e manera pa konta e kantidat di profesia tokante Mesías por varia asta ora un pasashi di Beibel ta papia klaramente tokante Mesías. E pasashi na Isaías 53:2-7 ta papia tokante vários rasgo ku tin di haber ku e Mesías. Algun hende por konsiderá esaki komo ún profesia, miéntras ku otro hende kisas ta konta kada rasgo komo un profesia riba su mes.
Algun profesia tokante Mesías ku Hesus a kumpli kuné.
Profesia |
Sitá na |
Kumplimentu |
|---|---|---|
Lo ta desendiente di Abraham |
||
Lo ta desendiente di Isak, yu di Abraham |
||
Lo nase den e tribu di Huda |
||
Lo nase den e liña real di rei David |
||
Lo nase di un bírgen |
||
Lo nase na Bètlehèm |
||
Nan lo yam’é Emanuelb |
||
Lo tin komienso humilde |
||
Nan lo mata yunan chikitu despues di su nasementu |
||
Lo ser yamá for di Egipto |
||
Lo ta konosí komo un Nazarenoc |
||
Un mensahero lo bai su dilanti |
||
Lo ser ungí komo Mesías na aña 29d |
||
Dios lo rekonos’é komo su yu |
||
Lo tin zelo pa e kas di Dios |
||
Lo ta predikadó di e bon notisia |
||
Lo prediká na Galilea komo un lus grandi |
Isaías 9:1, 2 |
|
Lo hasi obranan poderoso meskos ku Moises |
||
Lo ekspresá e pensamentunan di Dios meskos ku Moises |
||
Lo kura malesa di hopi hende |
||
Lo no a hala atenshon na su mes |
||
Lo mustra kompashon na esnan afligí |
||
Lo demostrá hustisia divino |
||
Lo ta konsehero maravioso |
||
Lo hasi Yehova su nòmber konosí |
||
Lo papia pa medio di ilustrashon |
||
Lo ta un lider |
||
Hopi hende lo no kere den dje |
||
Lo ta piedra di trompeká |
||
Hende lo rechas’é |
||
Hende lo odi’é sin motibu |
||
Lo drenta Yerusalèm riba un buriku na un manera espektakular |
Zakarías 9:9 |
|
Mucha lo alab’é |
||
Lo bini den nòmber di Yehova |
||
Amigu lo traishon’é |
||
Lo ser traishoná pa 30 pida di platae |
Zakarías 11:12, 13 |
|
Amigunan lo bandon’é |
Zakarías 13:7 |
|
Testigu falsu lo duna testimonio kontra dje |
||
Lo keda ketu dilanti di su akusadónan |
||
Nan lo skupié |
||
Nan lo dal e riba su kabes |
||
Nan lo sut’é |
||
Lo no reakshoná kontra esnan ku dal e |
||
E gobernantenan lo bai kontra dje |
||
Lo ser klabá na un staka na man ku pia |
||
Nan lo tira lòt riba su pañanan |
||
Lo ser kontá huntu ku pekadónan |
||
Nan lo insult’é |
||
Lo sufri pa pekadónan |
||
Dios lo bandon’é |
||
Nan lo dun’é biña ku un supstansia marga |
||
Lo haña set promé ku su morto |
||
Lo entregá su spiritu na Dios |
||
Lo entregá su bida |
||
Lo perkurá p’e preis di reskate |
||
Ningun wesu lo ser kibrá |
||
Lo ser traspasá ku lansa |
Zakarías 12:10 |
|
Lo ser derá huntu ku e rikunan |
||
Lo ser lantá for di morto |
||
Lo remplasá e traidor |
||
Lo sinta na man drechi di Dios |
a E Cyclopedia di McClintock i Strong ta bisa: “No tin duda ku ta durante e destrukshon di Herúsalèm e registro di e tribunan Hudiu i nan famianan a ser destruí, i no promé ku esei.”
b E nòmber Hebreo Emanuel ku ta nifiká “Dios Ta ku Nos” ta kuadra ku Hesus su papel komo Mesías. Su presensia riba tera i su obranan ta duna prueba ku Dios ta ku Su sirbidónan.—Lukas 2:27-32; 7:12-16
c E palabra “Nazareno” ta bin for di e palabra Hebreo ne’tser ku ta nifiká “sprùit.”
d Pa haña sa kon Beibel ta indiká aña 29 komo e aña ku e Mesías a presentá, wak e artíkulo “Kon e Profesia Di Daniel A Predisí Yegada di e Mesías.”
e E profesia akí ta den e buki di Zakarías, sin embargo e eskritor di Beibel, Mateo, ta bisa ku esei ta “loke profeta Yeremías a papia.” (Mateo 27:9) Ta parse ku e buki di Yeremías tabata aparesé promé den e sekshon di e Skritura ku nan a yama “e Profetanan.” (Lukas 24:44) Probablemente Mateo a usa “Yeremías” pa referí na henter e kolekshon di buki ei, loke a inkluí e buki di Zakarías tambe.