-
Dios Ta Demostrá Su Amor na NosE Toren di Vigilansia—2011 | 1 di Yüni
-
-
7, 8. Kon e rumbo ku dos hòmber perfekto a sigui a hiba na resultadonan diferente?
7 Yehova, den su gran amor, a habri kaminda pa hende por ser librá di piká heredá. Pablo a splika ku esaki a bira posibel pa medio di un otro hòmber, un hòmber perfekto ku a bini despues—den un sentido, un di dos Adam. (1 Kor. 15:45) Pero kada un di e dos hòmbernan perfekto akí a sigui un rumbo diferente, loke a hiba na resultadonan masha distinto. Kon asina?—Lesa Romanonan 5:15 i 16.
8 Pablo a bisa ku “e don di grasia no ta manera e transgreshon.” Adam tabata kulpabel di e transgreshon ei, i el a risibí e sentensia ku el a meresé, esta, morto. Ma no ta e so a muri. Pablo a agregá: ‘Dor di transgreshon di esun hende ei, hopi hende a muri.’ Sí, e hustisia di Yehova a eksigí pa, meskos ku Adam, tur su yunan, inkluyendo nos, haña e sentensia di morto. Sinembargo, ta un konsuelo pa sa ku e hòmber perfekto, Hesus, por hiba na un resultado nèt kontrali. Kiko e resultado ei ta? Nos ta haña e kontesta den loke Pablo a bisa, esta, ku “ún echo di hustisia a trese hustifikashon di bida pa tur [tipo di] hende.”—Rom. 5:18.
9. Bon mirá, kiko Dios ta hasi ora e ta deklará hende hustu, manera Romanonan 5:16 i 18 ta trese padilanti?
9 Kiko ta e idea tras di e ekspreshon griego pa e palabra “hustifikashon,” esta, ku Dios ta deklará hende hustu? Un traduktor di Beibel a bisa di e konsepto akí: “E ta un metáfora ku tin konotashon hurídiko. E ta papia di e kambio ku ta tuma lugá den e manera ku Dios ta mira un persona i no nesesariamente di e kambio ku e persona ta hasi di paden . . . Den e metáfora, Dios ta e hues ku ta dikta sentensia na fabor di e akusado, kende a ser hibá, na moda di papia, dilanti korte divino, akusá di a kometé un inhustisia. Pero Dios ta deklar’é liber di kulpa.”
-
-
Dios Ta Demostrá Su Amor na NosE Toren di Vigilansia—2011 | 1 di Yüni
-
-
14, 15. Ki rekompensa Dios a pone dilanti di hende ku el a deklará hustu, pero kiko nan tabatin ku hasi ainda?
14 Pensa riba ki un regalo grandi esei ta: E Todopoderoso ta pordoná e piká ku un persona a heredá i tambe tur e malu ku el a hasi! Bo no por ni konta kuantu piká hende ta hasi promé ku nan bira kristian; ma a base di e reskate, Dios por pordoná tur e pikánan ei. Pablo a skirbi: “E don di grasia a bini dor di hopi transgreshon ku a resultá den hustifikashon.” (Rom. 5:16) E apòstelnan i otro hende ku a risibí e don, òf regalo, generoso akí (di ser deklará hustu) lo tabatin ku sigui adorá e Dios berdadero ku fe. Ku ki futuro rekompensa? “Esnan ku risibí e abundansia di Dios su bondat inmeresí i di e regalo di hustisia lo biba i reina komo rei mediante esun persona, esta, Hesukristu.” En bèrdat, e regalo di hustisia tin e efekto kontrali na e transgreshon di Adam. E regalo ta hiba na bida.—Rom. 5:17, NW; lesa Lukas 22:28-30.
-