Siña Pordoná

1. Den miserikòrdia

Kreador a entregá

su kerido Yu mas grandi

pa pordon di nos piká.

Si nos duele ta sinsero

i na dje nos akudí,

kompashon nos Dios ta mustra,

pa pordon nos risibí.

2. Nos, ku mas motibu,

tin ku siña pordoná,

imitando nos bon Tata

su amor na nos mustrá;

soportando tur ofensa,

bandonando tur renkor,

pa nos echonan por halsa

e kaminda di amor.

3. Gran miserikòrdia

nos tur tin ku kultivá

pa no venená ku rabia,

pa no bira amargá.

Si nos imitá Yehova

i su amor nos demostrá,

komo yunan di nos Tata,

nos lo siña pordoná.