2 Crónicas

2 Chantá Salomonqa kamacherqa Jehová Diospa sutinpaj+ uj wasita ruwanankuta, kamachillarqataj paypa kamachina wasintapis ruwanankuta.+ 2 Salomonqa tantachimorqa 70.000 runasta peones kanankupaj,* 80.000 runasta orqospi rumista kʼutumunankupaj.+ Tantachimullarqataj 3.600 runasta chay trabajadorespa encargadosninku kanankupaj.+ 3 Chantá Salomonqa Tiroj reynin Hiramman+ kay willayta apacherqa: “Imaynatachus tatay Davidman cedro maderasta apachimorqanki wasinta ruwakunanpaj, ajinallatataj noqamanpis maderasta aparichimuway.+ 4 Noqaqa Jehová Diosniypa sutinpaj uj wasita ruwasaj, chay wasitataj payman jaywapusaj. Chaypeqa sumaj qʼapaj inciensota paypa ñaupaqenpi qʼoshñichenqanku,+ sukʼasqa tʼantaspis* mana faltanqachu.+ Chantapis chaypi uywasta qʼolachenqanku* tutamanta, tardenpi,+ samarikuna pʼunchaypi,+ killa rikhuriypi,*+ jinallataj Jehová Diosniykupaj fiestasta ruwajtiykupis.+ Chayqa Israel nacionpi ruwakunanpuni tiyan. 5 Ruwasaj chay waseqa sumaj wasi kanqa, Diosniyku tukuy dioskunamanta aswan jatun kasqanrayku. 6 ¿Pitaj Diosniykupaj uj wasita ruwapunmanri? Cielospa cielonpis paypajqa juchʼuyraj kanman.+ Chayrayku noqaqa ni imapischu kani uj wasita ruwapunaypajqa. Ancha kaspa uj lugarllata ruwapuyta atiyman, chaypi jaywanasta qʼoshñichinaykupaj paypa ñaupaqenpi. 7 Ama jina kaspa kachamuway tukuy imata ruwayta yachaj runata. Allin experienciayoj kachun trabajananpaj qoriwan, qolqe metalwan, cobrewan,+ fierrowan, kulli* qʼaytuwan, puka hilowan, azul hilowanpis. Yachallachuntaj imaymana kʼachanchanasta ruwayta llajllaspa, chʼeqospa ima. Chay runaqa Judapi, Jerusalenpi trabajanqa, tukuy imata ruwayta yachaj trabajadoresniywan khuska, paykunataqa tatay David ajllarqa.+ 8 Aparichimullawaytaj Libanomanta cedro maderasta, enebro maderasta,+ sándalo maderastapis.+ Noqa yachani trabajadoresniykeqa Libanopi sachʼasta sumajta kʼutuyta yachasqankuta.+ Trabajadoresneyqa trabajadoresniykiwan khuska llankʼanqanku.+ 9 Paykunaqa ashkha maderasta wakichipuwanqanku. Ruwasaj chay waseqa jatun kanqa, manchay kʼachitutaj. 10 Trabajadoresniykipaj, jinallataj sachʼasta kʼutojkunapajpis noqa apachimusaj+ trigota 69.565 quintalesta,* granotataj* 56.522 quintalesta,* apachimullasajtaj vinota 440.000 litrosta,* aceitetapis 440.000 litrosllatataj”, nispa.

11 Tiromanta rey Hiramtaj qhelqachispa kay willayta Salomonman apacherqa: “Jehová Diosqa nacionninta munakusqanrayku qanta churasunki paykunaj reyninku kanaykipaj”, nispa. 12 Rey Hiramqa nillarqataj: “Israelpa Diosnin Jehovaqa jatunchasqa kachun, payqa cielotapis jallpʼatapis ruwarqa, paymin rey Davidman uj yachayniyoj wawata qon,+ sumajta tanteayta yachajta, sumaj yuyayniyojtataj.+ Chay wawanqa Jehová Diospaj uj wasita ruwaponqa, kamachinanpajpis uj wasita ruwakullanqataj. 13 Kachamushayki Hiram-Abita,+ payqa tukuy imasta sumajta ruwayta yachan. 14 Hiram-Abijpa mamanqa Dan ayllumanta* karqa, tatantaj Tiromanta karqa. Paypataqa experiencian tiyan trabajananpaj qoriwan, qolqe metalwan, cobrewan, fierrowan, rumiwan, maderawan, kulli qʼaytuwan, azul hilowan, fino telaswan, puka hilowanpis.+ Payqa llajllaspa, chʼeqospa tukuy imasta ruwayta yachan, imaynatachus ruwananta nejtiykichejpis ruwallanqa.+ Payqa tukuy imata sumajta ruwayta yachaj trabajadoresniykiwan khuska trabajanqa, jinallataj tatayki señorniy Davidpa trabajadoresninwan khuska. 15 Kunanqa señorníy, nisqaykiman jina kay kamachisniykiman apachimuy trigota, granota, aceiteta, vinotapis.+ 16 Noqaykutaj Libanomanta sachʼasta kʼutunpusqayku+ may chhikatachus necesitasqaykita. Chaykunata wataykuspataj mar qochanta Jopeman+ chayachimusqayku, qantaj chaymanta Jerusalenman wicharichikapunki”,+ nispa.

17 Salomonqa Israel nacionpi tiyakusharqanku chay waj llajtayoj runasta yupacherqa,+ imaynatachus tatan David yupacherqa ajinata.+ Tukuyninpitaj karqanku 153.600 qharis. 18 Chaykunamanta churarqa 70.000 runasta peones kanankupaj,* 80.000 runastataj orqospi rumista kʼutunankupaj,+ 3.600 runastataj encargadosta jina churarqa chay runasta trabajachinankupaj.+