“Tata Diospa orqonman wicharinachej”

“Qhepa pʼunchaykunapi”

Kay tiempo.

“Tata Diospa Templon kashan, chay orqoqa”

Jehovata cheqa yupaychay.

“Tukuy nacionestaj chaymampuni jamonqanku”

Diospa llajtanman yaykojkunaqa ujchasqas kanku.

“Jakuchej, Tata Diospa orqonman wicharinachej”

Diospa llajtanpi kajkunaqa, wajkunata wajyarinku khuska yupaychanankupaj.

“Payqa ñankunanmanta yachachiwasunchej, chaki ñankunampi purinanchejpaj”

Jehovaqa Palabrannejta yachachiwanchej, ñannillanpipuni purinapajtaj yanapawanchej.

“Nitaj wañuchinaku chʼajwapajpis oqharikonqachu”

Profeta Isaías parlan maqanakunapaj armas, llankʼanapaj herramientasman tukuchisqa kananta, ajinamanta rikucherqa Diospa llajtan allinpi kausakunankuta. ¿Ima herramientastaj Isaiaspa tiemponpi karqa?

“Espadasninkuta arado rejasman tukuchenqanku”

1 Rejaqa karqa aradoman churanapaj, chaytaj jallpʼata llankʼanapaj chayri pʼampanapaj karqa. Wakenqa fierromanta karqa (1Sa 13:20).

“Tʼojsina lanzasninkumantataj hocesta ruwakaponqanku”

2 Uj hoceqa fierromanta ruwasqa karqa, filochasqa, mangoyojtaj. Chaywantaj uva sachʼasta kʼutoj kanku (Isa 18:5).