LECCIÓN 14
¿Imara rurana anchi Dios ñucanchi aduranara chasquichu?
Ñaupa lección ricushcasna, mana tucui religionguna Diospa ñaupajpi ali ricurinzhu. Shinajpis pai munashcasna adurana ushanchi paita cushiyachingaj. ¿Imasna tunu aduranara o religionda Dios chasquin? (Santiago 1:27). Biblia yachachishcara ricushun.
1. ¿Maibira intindichin imasna Diosta aduranara?
Imasna Diosta adurana Bibliai tian. Jesús, Diosta nica: “Can rimashca shimi sirtumi” (Juan 17:17). Huaquin religionguna Diospa Shimi yachachishcara mana yachachinunzhu chi randi runauna yachachishcasna catina munanun. Shinajpis Jehová mana chasquin “Dios camachishca shimira mana valijta” rurajcunara (leai Marcos 7:9). Shinajpis ñucanchi Jehová Diosta cushiyachinchi Bibliai tiaj camachishcaunara casusha.
2. ¿Imasnara Jehovara adurana anchi?
Jehová ñucanchira Ruraj ashcamanda pailla ñucanchi aduranara chasquina an (Apocalipsis 4:11). Cai nin paillara llaquina aduranas anchi, mana santugunara o runa rashca diosgunara apisha (leai Isaías 42:8).
Ñucanchi adurana ana an “chuyajlla” Dios munashcasna (Romanos 12:1). Cai yachachinmi Yaya Dios munashcasna causanara. Chiraigu Jehovara llaquijcuna pai mandashcara valichinun, imasna carihua huarmihua causangaj mandashcaras casunun. Tabacura drogaras mana chupanun shinallara mana machanumbas.a
3. ¿Imarasha Jehovara casungaj munajcunahua adurana anchi?
Caran semana tandarinai Jehovara alabana ushanchi “congregaciombis” (Salmo 111:1, 2). Jehovara alabanchi alabana canciongunara cantasha (leai Salmo 104:33). Jehová ñucanchira llaquishcaraigu tandarichu mañan shinallara pai yachan chi tandarinauna ñucanchira yanapanga huiñaigama ali causangahua. Tandarishcai ñucanchipura animarinchi.
MAS YACHAI
Intindina anchi imarasha Jehová mana munan runa rashca dioshua paita adurangaj. Ricushun shujta ali ruraigunahua Diosta alabanara.
4. Ñucanchi aduranai runa rashca diosgunara utilizana manalichu
¿Imasnara yachanchi Dios chita mana gustashcara? VIDEORA ricuichi, huasha catij tapuimanda rimaichi:
¿Imara tucuca ñaupa Diospa llactai huaquin runauna runa rashca dioshua Jehovara alabanujpi?
Huaquin runauna Diosta adurangahua runa rashca diosta utilizasha mas Dios mayan sintinun. Shinajpis ¿manzhu shina rasha Diosta shuj partima saquinun? Leaichi Éxodo 20:4-6; Salmo 106:35, 36, huasha catij tapuigunamanda rimaichi:
¿Ima santugunara runauna charishcara ricushcanguichu?
¿Imara Jehová nin santugunara aduranara?
¿Imara can iyangui runa rashca diosgunara utilizanara?
5. Jehová Diosllara adurana anzhuchinmi yanga yachachishcaunamanda
Cuna ricushun Jehová munashcasna adurana imasnara yanga yachachishcaunamanda anzhuchin. VIDEORA ricuichi.
Leaichi Salmo 91:14, huasha catij tapuimanda rimaichi:
Jehovara llaquishcara ricuchijpi paillara adurajpi pai ñucanchimanda ¿imara ruranga?
6. Congregación tandarinaunai Diosta aduranchi
Tandarinaunai cantasha, maqui aisasha rimasha Jehovara alabanchi, ñucanchipura animanchi. Leaichi Salmo 22:22, huasha catij tapuigunamanda rimaichi:
¿Tandarinaunai maqui aisasha rimashcaunara gustanguichu?
¿Tandarinaunai maqui aisasha rimangahua purunturina munanguichu?
7. Jehová munanmi paimanda yachashcara shujcunama cuintachu
Bibliamanda shujcunama cuintangaj ashca yanapai tian. Leaichi Salmo 9:1; 34:1, huasha catij tapuimanda rimaichi:
¿Imara shujcunama cuintana munangui Bibliamanda yachashcara?
RUNAUNA CASNA NINUJPI: “Ali shungu ashaga ima tunus Diosta adurana mana imaschu”.
¿Imara can iyangui?
IMARA YACHASHCANGUI
Ñucanchira Ruraj Diosta paillara adurasha cushiyachinchi, congregación tandarinaunai alabasha, ñucanchi yachashcara shujcunama cuintasha.
Iyaringaj
¿Maibira intindichin Yaya Dios imasna adurachu munashcara?
¿Imarasha Jehová Diosllara adurana anchi?
¿Imarasha Diosta adurana anchi paita casungaj munaj runaunahua?
RICUNGUI
“Fetiches nishcaunai ña mana huatarianichu” nisha cuintashcamanda leai imasnara runa rashca diosmanda shu huarmi anzhurica.
“Biblia paiguna causaira turcachica” (La Atalaya, 1 de julio de 2011)
Ricui huaquin iyaigunara tandarinaunai maqui aisasha rimangahua.
“Congregaciombi Jehová Diosta alabashun” (La Atalaya, enero de 2019)
Ricui imasnara shu malta runara yanapaca tandarinauna, pai chima ringaj shinzhi tucujpis.
Ashca runauna cruzta ricusha, quirij anun ninun shinajpis ¿ñucanchi aduranai cruzta utilizana anchichu?
“¿Imarasha Jehovahuaj testigoguna cruzta mana utilizanun?” (jw.org partii tiaj tema)
a Chi temagunamanda huasha yachashun.