Genesis

14 Chay punchawkunapim Sinar llaqtata+ kamachiq Amrafel, Elasar llaqtata kamachiq Arioc, Elam llaqtata+ kamachiq Kedorlaomer+ hinaspa Goyim llaqtata kamachiq Tidal 2 pelearqaku Sodoma llaqtata kamachiq Berawan,+ Gomorra llaqtata kamachiq Birsawan,+ Adma llaqtata kamachiq Sinabwan, Zeboyim llaqtata kamachiq Semeberwan+ hinaspa Bela llaqtata kamachiqwan. Bela llaqtapa huknin sutinmi karqa Zoar. 3 Paykunam pelearqaku Sidim qichwapi,+ chayqa kachkan Kachi qucha* lawpim.+

4 Chay pichqa kamachiqkunam 12 wata kamachiq Kedorlaomerta servirqaku. 13 watataña servichkaspankum ichaqa manaña kasukuyta munarqakuñachu. 5 Chaymi qatiqnin 14 kaq wata Kedorlaomerqa paywan kaq kimsa kamachiqkunapiwan peleaq rirqa. Paykunam wañuchirqaku Refaim runakunata Asterot-carnaimpi, Zuz runakunata Campi, Em runakunata Save-kiryataimpi+ 6 chaynataq Hor runakunata Seir urqukunapi hinaspa El-paran lawkunapi,+ chayqa chunniqñam karqa. 7 Kutispankuñataqmi chayarqaku En-mispat utaq Cades llaqtaman.+ Hinaspam Amalec llaqtayuq runakunapa allpankuta qichururqaku,+ hinaspapas Hazazon-tamar llaqtapi yachaq* Amorreo runakunatam wañurachirqaku.+

8 Hinaptinmi Sodoma llaqtata kamachiq runaqa Sidim qichwaman lluqsirqa Gomorra llaqtata kamachiqwan, Adma llaqtata kamachiqwan, Zeboyim llaqtata kamachiqwan hinaspa Bela llaqtata kamachiqwan. Bela llaqtapa huknin sutinmi karqa Zoar. Paykunam huñunakurqaku peleanankupaq. 9 Pelearqakuqa: Elam llaqtata kamachiq Kedorlaomerwan, Goyim llaqtata kamachiq Tidalwan, Sinar llaqtata kamachiq Amrafelwan hinaspa Elasar llaqtata kamachiq Ariocwanmi.+ Tawa kamachiqkunam pichqa kamachiqkunawan pelearqaku. 10 Sidim qichwapim achka hawaqpi brea qucharayarqa. Hinaptinmi Sodoma hinaspa Gomorra llaqtakunata kamachiqkunaqa ayqikuspanku chay qucharayaq breaman wichiykurqaku, wakinkuñataqmi urqukunaman ayqikurqaku. 11 Wañuchiqkunañataqmi Sodoma hinaspa Gomorra llaqtapi tukuy imankuta apakurqaku.+ 12 Abranpa sobrinon Lottapas hapiruspankum Sodoma llaqtamanta tukuy imantinta pasachirqaku.+

13 Chaymantam huk runa lluptiruspan Hebreo kasta Abranman rispa tukuy ima rikusqanta willarqa. Abranqa Amorreo kasta Mamre sutiyuq runapa hatun sachankunapa kasqanpim yacharqa.+ Mamreqa karqa Escolpa hinaspa Anerpa wawqinmi,+ paykunam Abranwan huklla karqaku. 14 Abranmi sobrinon Lot apasqa kasqanta yacharuspan+ wasinpi naceq 318 peleay yachaq runankunata akllarqa, hinaspam paykunawan tukuy ima apakuqkunata qatirqa Dan llaqtakama.+ 15 Chay tutam Abranqa runankunata rakirurqa, hinaspam kayninta-chayninta yaykuruspanku mancharachirqaku. Chaymi Damasco llaqtapa hanaynin Hoba llaqtakama qatirqaku. 16 Chaynatam Abranqa chay runakunapa tukuy ima apasqankuta kutichimurqa. Kutichimurqataqmi Lottapas tukuy ima kapuqnintinta, chaynataq apasqa kaq warmikunatawan qarikunatapas.

17 Kedorlaomertawan paywan kaq kamachiqkunata mancharachimuspan Abran kutimuchkaptinmi Sodoma llaqtata kamachiqqa Save qichwaman rirqa Abranwan tupaykuq. Chay qichwapa huknin sutinmi karqa Kamachiqpa qichwan.+ 18 Hinaptinmi Salem llaqtata kamachiq Melquisedec tantatawan vinota hurqurqa mikunankupaq. Melquisedecqa karqa hanaq pacha Diospa sacerdotenmi*.+

19 Paymi Abranta bendecispan nirqa:

Hinaptinmi Abranqa Melquisedecman llapa qichumusqanmanta sapa chunkamanta hukninta payman qurqa.+

21 Chaymantam Sodoma llaqtata kamachiqqa Abranta nirqa: “Runallaykunata quykuwayqa, wakin qichumusqaykikunataqa apakuypas”, nispa. 22 Abranñataqmi nirqa: “Makiyta huqarispaymi hanaq pachatawan kay pachata unanchaq Jehova Diospa qayllanpi nini: 23 Manam qampa kaqwanqa huk qaytullawanpas nitaq usutapa watullanwanpas qipakuymanchu, chaynapi ‘Abranqa ñuqapa qusqaywanmi apuyarun’ nispa mana ninaykipaq. 24 Runaykunapa mikusqallanwanmi qipakusaqqa. Ichaqa riqmasiy Aner, Escol hinaspa Mamrellayá tupaqninkuwanqa qipakuchunku”, nispa.+