2 Cronicas

32 Ezequiaspa allinkuna ruwasqanmanta qipatam+ Asiria nacionta kamachiq Senaquerib hamurqa Juda nacionta munaychakunanpaq. Murallayuq llaqtakunatam chawpicharurqa munaychakunanpaq.+

2 Jerusalen llaqtata munaychakunanpaq Senaquerib hamusqanta qawaykuspanmi Ezequiasqa, 3 kamachiypi yanapaqninkunawan hinaspa soldadonkunawan rimarqa, hinaspam tantiarurqa llaqtamanta hawapi pukyukunata tapananpaq.+ Hinaptinmi paykunaqa yanaparqaku. 4 Runakunata huñuruspankum lliw pukyukunata chakirachirqa hinaspa yarqakunata tapachirqa. Paykunaqa ninakurqakum: “¡Amam saqisunchu Asiria nacionta kamachiqkuna yakuta tarinankutaqa!”, nispa.

5 Chaymantapas, Ezequiasqa llaqtapa tuñichisqa murallantam hatarichirqa, hinaspam chaypa hawanpi torrekunata ruwachirqa. Hawa lawpipas pirqatam ruwachirqa. Allichachirqataqmi Davidpa llaqtan sutiyuq llaqtapi Milo muqutapas.+ Ruwachirqataqmi achkallaña flechakunatawan harkachikunatapas. 6 Soldadokunapa kamachiqninkunatapas akllarurqam, hinaspam huñururqa llaqtapa punkun plazaman. Chaypim kallpanchaspa nirqa: 7 “Kallpanchakuspaykichikyá qarinchakuychik. Amayá manchakuychikchu nitaq hukmanyaychikchu Asiria nacionpa kamachiqnintaqa+ nitaq paykunawan kaq achkallaña runakunatapas. Ñuqanchikwan kaqkunam aswan achkaqa paywan kaqkunamantaqa.+ 8 Paytaqa runakunallam yanapachkan, ñuqanchiktam ichaqa Jehova Diosninchik. Paymi yanapawasunchik peleananchikpaq”, nispa.+ Ezequiaspa chayna nisqanwanmi runakunaqa kallpanchasqa tarikurqaku.+

9 Senaqueribmi Lakis llaqtapi+ kachkarqa llapallan soldadonkunapiwan. Chay llaqtamantam yanapaqninkunata kacharqa Jerusalen llaqtaman,+ chaynapi Judata kamachiq Ezequiasmanwan runankunaman nimunankupaq:

10 “Asiriata kamachiq Senaqueribmi nin: ‘Jerusalen llaqta muyurirusqaña kachkaptinqa, ¿pimantaq hapipakuchkankichik?+ 11 Kamachiq Ezequiasmi nisuchkankichik: “Jehova Diosninchikmi harkaykuwasunchik Asiria nacionpa kamachiqninmantaqa”, nispa. Chaynata nispanqa, ¿manachu llullakusuchkankichik yarqaymantawan yakumanta wañuchisunaykichikpaq?+ 12 ¿Manachu kikin Ezequias chinkarachirqa yupaychana patakunatawan+ Diosnikichikpa altarninkunata?+ Chayta ruwaruspanmi Jerusalen llaqtapi runakunatawan Juda nacionpi kaq wakin llaqtapi runakunata nirqa: “Huk altarllapim qunqurakunaykichikqa hinaspa kañanaykichikqa”, nispan.+ 13 ¿Manachu yachankichik ñawpaq abueloykunapas chaynataq ñuqapas huklaw llaqtayuqkunata ima ruwasqaykuta?+ ¿Yaqachu mayqin llaqtatapas taytachan utaq mamachan ñuqamanta harkaykurqa?+ 14 Ñawpaq abueloykunam achka nacionkunata chinkachirqa, ¿yaqachu chay nacionkunapa mayqin taytachanpas utaq mamachanpas ñuqamanta harkaykurqa? Chaynaqa, ¿yaqachu Diosnikichik harkusunkichikman?+ 15 ¡Amayá Ezequiaspa llullakuna nisqantaqa kasuychikchu!+ Amataqyá paypiqa hapipakuychikchu. Manam mayqin nacionpa taytachanpas harkaytaqa atirqachu ñuqamantawan ñawpaq abueloykunamantaqa, ¿chaychu Diosnikichikñataq ñuqamanta harkasunkichikman?’”, nispa.+

16 Senaqueribpa yanapaqninkunaqa hinallam Jehova Diosmantawan Ezequiasmanta mana allinkunata rimarqaku. 17 Chaymantapas Senaqueribqa Israelpa yupaychasqan Jehova Diosmanta+ mana allinkunata rimaspanmi cartata qillqarqa:+ “Imaynam wakin nacionkunata taytachankuna mana harkayta atirqachu,+ chaynam Ezequiaspa Diosninpas ñuqamantaqa mana harkayta atinqachu”, nispan. 18 Chaymantapas, Senaqueribpa yanapaqninkunaqa Jerusalenpa pirqan hawanmanta qawamuq runakunatam rimayninkupi tukuyta nispanku manchachirqaku. Chaynapi hukmanyarachispanku llaqtata munaychakurunankupaq.+ 19 Jerusalenpi yachaqkunapa* yupaychasqan Diosmantam mana allinkunata rimarqaku. Chaynataqa rimarqaku huklaw llaqtayuqkunapa taytacha-mamachankumanta hinam. Chaykunaqa karqa runakunapa ruwasqallanmi. 20 Chaymi Ezequiasqa Diosmanta willakuq* Isaiaspiwan+ Diosta mañakurqaku yanapaykunanpaq. Isaiasqa karqa Amozpa churinmi.+

21 Hinaptinmi Jehova Diosqa angelninta kachamuspan Asiria nacionniyuq kallpasapa soldadokunata kamachiqnintinkunata wañurachirqa.+ Chaymi Senaqueribqa pinqakuyllawanña nacionninman kutikurqa. Chaymanta qipatam taytachata yupaychanan wasipi kachkaptin churinkunalla wañurachirqa.+ 22 Chaynatamá Jehova Diosqa Ezequiastawan Jerusalenpi yachaqkunata harkaykurqa Senaqueribmantawan hukkunamanta. Hinaspam hawka kawsakunankupaq yanaparqa. 23 Chaymantapas, Jehova Diospaqwan Judata kamachiq Ezequiaspaqmi runakuna kikinkumanta apamurqaku tukuy imata.+ Ezequiasqa llapallan nacionkunapim ancha riqsisqa rikurirurqa.

24 Chay punchawkunapim Ezequiasqa unquruspan wañuy patanpiña tarikurqa. Chaymi Jehova Diosta mañakurqa,+ hinaptinmi payñataq willarqa mana wañunanmanta.+ 25 Allinkunata Dios ruwapuchkaptinpas Ezequiasqa manam riqsikurqachu, aswanqa hatuntukuqllañam rikurirurqa. Chaymi Diosqa piñakururqa paypaq, Jerusalen llaqtapi runakunapaq chaynataq Juda nacionpi kaq wakin llaqtapi runakunapaqpas. 26 Chaymanta qipatam Ezequiasqa hatuntukuq kasqanta riqsikurqa.+ Riqsikurqakutaqmi Jerusalenpi yachaqkunapas. Chaymi Ezequias kawsanankamaqa Jehova Diosqa paykunapaqqa manaña piñakurqachu.+

27 Kamachiq Ezequiasqa apum hinaspa ancha riqsisqam rikurirurqa.+ Hinaspam wasikunata ruwachirqa tukuy imakunata churananpaq.+ Chaypim churarqa qullqita, qurita, alaqa rumikunata, miski asnaq aceiteta, peleaspa harkachikunata hinaspa kuyayllapaq kaqkunata. 28 Chaymantapas, wasikunatam ruwachirqa kawsaykunata, vinota hinaspa aceiteta churananpaq. Ruwachirqataqmi tukuy rikchaq animalkunapaq corralkunatapas. 29 Ezequiasmanqa Diosmi tukuy imata quykurqa. Chaymi kapurqa llaqtankuna. Kapurqataqmi achkallaña vacankunapas, toronkunapas, ovejankunapas, cabrankunapas chaynataq huk animalninkunapas. 30 Kamachiq Ezequiasqa Guion lawpi+ yakutapas taparachispanmi+ muyurachirqa intipa siqaykunan lawpi Davidpa llaqtan sutiyuq llaqtamanña.+ Paytaqa Diosmi tukuy ima ruwasqanpi yanaparqa. 31 Babiloniapi kamachiqkunam runankunata kacharqa Juda nacionpi ima pasananmanta yachamunankupaq.+ Chay kutipiqa manam Ezequiastaqa Diosqa yanaparqachu, aswanqa kikin imatapas ruwananpaqmi saqirqa+ chaynapi imayna sunquyuq kasqanta yachananpaq.+

32 Kamachiq Ezequiaspa imayna kawsakusqanmantaqa chaynataq Diosta kuyaspa*+ allinkuna ruwasqanmantaqa Juda naciontawan Israel nacionta kamachiqkunamanta willakuq libropim qillqasqa kachkan.+ Ezequiasmantaqa qillqarqa Amozpa churin Diosmanta willakuq Isaiasmi.+ 33 Chaymantam Ezequiasqa wañukurqa. Hinaptinmi pamparurqaku Davidpa churinkunapa pampakusqan uraynin qatapi.+ Wañukuptinmi Jerusalen llaqtapi runakunawan Juda nacionpi kaq wakin llaqtapi runakuna alabarqa. Paypa rantinpim churin Manasesña kamachirqa.