• Jeremias 50:29
    Musuq allpa pachapi kawsaqkunapaq biblia

    • 29 Babiloniaman yaykunankupaqyá flechaqkunata qayachiychik,

      flechana tiquqkunata llapallanta qayachiychik.+

      Llaqtapa muyuriqninman churakuychik,

      pipas ayqinantaqa ama saqiychikchu,

      imam ruwasqanman hina ruwaychik,+ chaynatapuni ruwaychik,+

      payqa Jehova Dioswanmi hatuntukurqa,

      Israelpa chuya Diosninwanmi hatuntukurqa.+

  • Daniel 5:22, 23
    Musuq allpa pachapi kawsaqkunapaq biblia

    • 22 Qamñataqmi abueloykimanta tukuy chaykunata yachachkaspapas Diostaqa mana manchakurqankichu, 23 aswanqa hanaq pacha Diosmantam+ asikurqanki. Hinaspam paypa wasinmanta kaq vasokunata apachimuspayki+ vinota tomarqanki runaykikunawan, akllasqa warmikikunawan hinaspa sapaq warmikikunawan. Chaymantapas qullqimanta, qurimanta, broncemanta, fierromanta, kullumanta hinaspa rumimanta taytacha-mamachakunatam yupaycharqanki, chay taytachakunaqa mana qawakuq, mana uyariq hinaspa mana imapas yachaqmi kanku.+ Qamqa manam hanaq pacha Diostaqa hatuncharqankichu, pay munaptillanmi kawsachkankipas,+ ima ruwanaykipas paypa makillanpitaqmi kachkan.