Genesis

2 Chaynatam Diosqa unancharqa hanaq pachata, kay pachata hinaspa chaypi tukuy ima kaqkunata.+ 2 Diosmi qanchis kaq punchawpaq tukururqa tukuy ima ruwasqankunata, hinaspam chay qanchis kaq punchawpi tukuy ima ruwasqanmanta samarqa.+ 3 Diospaqmi qanchis kaq punchawta bendecirqa, chaymi paypaq sapaqcharqa. Diosqa tantiasqanman hina tukuy imata unancharuspanmi samarqa.

4 Chaynam hanaq pachawan kay pacha unanchasqa karqa. Jehova* Diosmi hanaq pachatawan kay pachata unancharqa.+

5 Kay allpa pachapiqa manaraqmi ima sachapas nitaq ima qurapas wiñamurqaraqchu, chaynaqa karqa Jehova Dios manaraq parachimusqanraykum hinaspa manaraq pipas tarpuq kasqanraykum. 6 Ichaqa allpa pachamanta waspiy huqarikuspanmi kay allpa pachata nuyurqa.

7 Chaymantam Jehova Diosqa ñutu allpamanta runata ruwarqa,+ hinaspam sinqanman kawsachiq samayta+ pukuykuptin kawsaq runaña* rikurirurqa.+ 8 Jehova Diosqa Edenpim sumaq huertata ruwarqa,+ chayqa karqa intipa qispimunan lawpim. Chay huertamanmi unanchasqan runata churarqa.+ 9 Jehova Diosmi tukuy rikchaq sumaqllaña sachakunata wiñachirqa mikunapaq allin ruruyuqkunata. Huertapa chawpinpipas wiñachirqataqmi kawsay qukuq sachata+ chaynataq allin kaqtawan mana allin kaqta yachanapaq sachatapas.+

10 Edenmantam mayu lluqsimurqa huertata parqunanpaq*, hinaspam tawaman pallqarqa. 11 Punta kaq pallqaq mayupa sutinmi karqa Pison. Chay mayuqa Havila lawnintam muyun, chaypiqa qurim kakurqa. 12 Chaylawpi quriqa suma-sumaqmi karqa. Chaypitaqmi karqa sachapa miski asnaq wiqinpas* hinaspa llipipipiq alaqa yana* rumipas. 13 Iskay kaq pallqaq mayupa sutinmi karqa Guion. Chay mayum Cus lawninta muyun. 14 Kimsa kaq pallqaq mayupa sutinmi karqa Tigris*.+ Chay mayuqa Asiriapa intipa qispimunan lawmanmi rin.+ Tawa kaq pallqaq mayupa sutinñataqmi karqa Eufrates.+

15 Jehova Diosqa Eden huertamanmi runata churarqa tarpuspa nanachikunanpaq.+ 16 Chaymantapas Jehova Diosmi kamachispan runata nirqa: “Huertapi sachakunapa ruruntaqa mikuwaqmi saksanaykikama.+ 17 Allin kaqtawan mana allin kaqta yachanapaq sachapa ruruntam ichaqa ama mikunkichu, chayta mikuruspaykiqa wañunkipunim”, nispa.+

18 Chaymantam Jehova Diosqa nirqa: “Manam allinchu qaripa sapallan kayninqa. Ama sapallan kananpaqyá yanapaqninta ruwarapusaq”, nispa.+ 19 Chaymantapas, Jehova Diosqa allpamantam ruwarqa llapallan purun animalkunatawan alton pawaqkunata. Hinaspam runaman pusarqa sapakamata sutichananpaq, lliw animalkunataqa runam suticharqa.+ 20 Suticharqam uywa animalkunata, alton pawaqkunata hinaspa purun animalkunatapas. Runapa yanapaqninmi ichaqa mana karqachu. 21 Chaymi Jehova Diosqa runata miskita puñurachirqa, miskita puñunankamam huknin costillanta hurquruspan aychanta wichqaykurqa. 22 Chay costillanmantam Jehova Diosqa warmita ruwarqa, hinaspam qariman pusarqa.+

23 Hinaptinmi qariqa nirqa:

24 Chayraykum qariqa tayta-mamanta saqispan warminmanña hukllawakunqa, chaynapim paykunaqa hukllaña* kanqaku.+ 25 Chaymantapas iskayninkum qalalla karqaku,+ ichaqa manam pinqakurqakuchu.