Runakunapa gobiernonmanqa manam sayapakunchikchu

Señorninchik Jesucristom nirqa qatiqninkuqa kay pachapi runakuna hina mana kasqankuta (Juan 15:19). Chayraykum Jehova Diosta yupaychaqkunaqa mana mayqin gobiernomanpas sayapakunchikchu nitaq guerrakunapipas yanapakunchikchu. Chaymi runakunaqa hukmanta qawawanchik. Chaynaqa, ¿imam yanapawachwan Diosllapi hapipakuspa runakunaman mana sayapakunapaq?

1. ¿Imanasqam gobiernokunata utaq llaqta kamachiqkunata respetana?

Diosta yupaychaqkunaqa respetanchikmi runakunapa gobiernontaqa. Jesusmi nirqa: “Roma nacionta kamachiqpa kaqtaqa paymanyá quychik”, nispa. Chaymi autoridadkuna wasinchikmanta, chakranchikmanta utaq ima pagota mañawaptinchikpas paganchik (Marcos 12:17). Chayna kaptinpas bibliapiqa nintaqmi llaqtapi kamachiqkunaqa Dios munaptillan kasqankumanta (Romanos 13:1). Chayraykum autoridadkuna Diospa contranpi kamachiptinkuqa Diosta kasukunchik. Ñuqanchikqa Jehova Dioslla tukuy mana allinkunata chinkachinantam suyachkanchik.

2. Diospa gobiernonpi hapipakuspaqa, ¿imakunatam mana ruwananchikchu?

Huk kutipim Jesusta milagrokuna ruwasqanrayku kamachiqninku kananpaq churaruyta munarqaku, Jesusmi ichaqa mana munarqachu (Juan 6:15). ¿Imanasqa? Kikinmi nirqa: “Gobiernoyqa manam kay pachapi kamachiqkunapa hinachu”, nispa (Juan 18:36). Jesus hinam ñuqanchikpas autoridad kanapaq niwaptinchikqa mana munanchikchu, manataqmi guerrakunamanpas rinchikchu (leey Miqueas 4:3). Nacionninchikta respetaspanchikpas manam banderataqa saludanchikchu nitaq himno nacionaltapas takinchikchu, Diosninchik paylla hatunchanata munasqanrayku (1 Juan 5:21). Manataqmi autoridadkunapiqa nitaq autoridad kayta munaqkunapiqa hapipakunchikchu, nitaqmi paykunapa contranpiqa rimanchikchu. Yachanchikmi Diospa gobiernollan tukuy mana allinkunataqa chinkachinanta.

ASTAWAN YACHAYKUSUN

3. Diosta yupaychaqkunaqa manam runakunapa gobiernonmanqa sayapakunchikchu

Jesuswan qatiqninkunaqa manam runakunapa gobiernonmanqa sayapakurqakuchu. Leeychik Romanos 13:1, 5-7 hinaspa 1 Pedro 2:13, 14. Chaymantañataq VIDEOTA qawaykuychik hinaspa qatiqninmanta rimariychik:

VIDEO: Diosta yupaychaqkunaqa manam autoridadkunamanqa sayapakunchikchu (1 kaq) (4:28)

• ¿Imanasqataq autoridadkunataqa utaq llaqta kamachiqkunataqa kasukunanchik?

• ¿Imakunapitaq autoridadkunata kasukunanchik?

Guerra kaptinqa achka runakunam ninku mana pimanpas sayapakusqankuta, ichaqa rimasqankuwan hinaspa ruwasqankuwanqa sayapakunkum. Chaynaqa ¿imaynatataq mana sayapakuqqa kachwan? Leeychik Juan 17:16. Chaymantañataq VIDEOTA qawaykuychik hinaspa qatiqninmanta rimariychik:

VIDEO: Diosta yupaychaqkunaqa manam autoridadkunamanqa sayapakunchikchu (2 kaq) (3:11)

• ¿Imaynataq mana pimanpas sayapakuq runaqa?

Wakinpiqa llaqta kamachiqkunam niwanchik Diospa mana munasqankunata ruwananchikpaq. Chayna kaptinqa ¿imatam ruwananchik? Leeychik Hechos 5:28, 29. Chaymantañataq VIDEOTA qawaykuychik hinaspa qatiqninmanta rimariychik:

VIDEO: Diosta yupaychaqkunaqa manam autoridadkunamanqa sayapakunchikchu (3 kaq) (1:18)

• Runakunapa kamachisqan Diospa kamachisqanwan mana tupaptinqa, ¿pipa kamachisqantataq kasukunanchik?

• ¿Imakuna kaptintaq llaqta kamachiqta kasukunanchikmantaqa Diosta kasukunanchik kanqa?

4. Amayá pimanpas sayapakusunchu ima ruwasqanchikwanpas nitaq sunqullanchikpipas

Leeychik 1 Juan 5:21. Chaymantañataq VIDEOTA qawaykuychik hinaspa qatiqninmanta rimariychik:

VIDEO: Jesuspa qatiqninkunaqa mana manchakuqmi kananchik... pimanpas mana sayapakunapaq (2:49)

• Videopi qawasqanchik iñiqmasinchikqa, ¿imanasqataq llaqtanpi gobiernomanqa mana sayapakurqachu nitaq banderatapas saludarqachu?

• ¿Allinchu karqa mana sayapakuq kasqan?

¿Imakunapiraqtaq mana sayapakunanchikchu? VIDEOTA qawaykuychik hinaspa qatiqninmanta rimariychik:

VIDEO: Willakuq qillqamanta yachasqanchikkuna: Pimanpas mana sayapakuqyá kasunchik (5:16)

• ¿Imaynatam sayapakuchkachwan nacionninchik huk nacionwan pukllaptin?

• ¿Imaynataq kananchik gobierno allinninchikpaq utaq mana allinninchikpaq imatapas tantiaptin?

• ¿Imanasqataq mana llumpaytaqa uyarinanchikchu runakunapa gobiernonmanta rimaq noticiakunataqa nitaq runakunapa rimasqankutapas?

YUYARIYKUSUN

Diosta yupaychaqkunaqa manam runakunapa gobiernonpa contranpichu nitaq favorninpichu sayanku. Chayqa sutillam rimasqankupi, ruwasqankupi chaynataq piensayninkupipas.

¿Ima niwaqtaq?

• ¿Imakunapitaq gobiernokunata kasukunanchik?

• ¿Imanasqataq runakunapa gobiernonpa favorninpiqa nitaq contranpiqa mana kananchikchu?

• ¿Imakuna kaptintaq pimanpas utaq imamanpas sayapakuyta qallaykuchwan?

ASTAWAN YACHANAYKIPAQ

¿Ima sasachakuykunapitaq tarikuchwan wakinpiqa mana gobiernokunaman sayapakusqanchikrayku? Chaymanta kay videopi qawaykuy.

Jehova Diosqa manam saqiwarqakuchu (3:14)

¿Imaynatam familiapi yachanmanku maypiña kaspankupas Diosllapi hapipakunankupaq? Chaypaq kay videota qawaykuy.

Jehova Diosllatayá hatunchasun (4:25)

Achka runakunam piensanku nacionninkuta serviy imamantapas aswan allin kasqanta, ¿chaynachu? Chaymanta kay videopi qawaykuy.

“Diospaqqa imapas manam sasachu” (5:19)

¿Imanasqataq allinta tantiakunanchik imakunapi utaq maypi llamkanapaqpas, chaynapi Diosta yupaychasqanchik sutilla kananpaq? Chaymanta kaypi leeykuy.

“Sapakamam Diosmanqa cuentata qusunchik” (Willakuq, 15 marzo 2006)