Imakunamanta astawan yachachisqanchik

Jesusmi nirqa llampu sunqu runakunaqa bibliapi yachachikuykunata uyarispa astawan yachayta munanankumanta (Juan 10:​4, 27). Chaymi runamasinchikkunawan rimaspaqa munanchik bibliapi chaylla entiendena yachachikuykunamanta willayta. Chaymanta runamasinchikkunaman willayqa sunqunpi muguchata tarpuy hinam. ¡Diosllam chay muguchataqa wiñachinman! (1 Cor. 3:​6, 7). Chaypaqmi rimayta qallarispa nichwan: “¿Yacharqankichu . . . ?” utaq “¿Haykallapipas uyarirqankichu. . . ?”, nispa. Imata nispa rimayta qallarinapaqmi uraypi lista kachkan, chaymantam chaypi kaq textota leeykapuchwan.

• Hamuq tiempomanta

• Familiamanta

• Diosmanta

• Diosta mañakuymanta

• Jesusmanta

• Diospa gobiernonmanta

• Ñakariymanta

• Wañuymanta

• Religionmanta

HAMUQ TIEMPOMANTA

1. 1. ¿Uyarirqankichu tukupay punchawkunapi imakuna pasananmanta? (Mat. 24:​3, 7, 8; Luc. 21:​10, 11; 2 Tim. 3:​1-5).

2. 2. ¿Yacharqankichu kay allpa pacha mana haykapipas chinkananta? (Sal. 104:5; Ecl. 1:4).

3. 3. ¿Yacharqankichu allpa pachanchik sumaq huertaña kananmanta? (Is. 35:​1, 2; Apoc. 11:18).

4. 4. ¿Uyarirqankichu manaña pipas unqunanmanta? (Is. 33:24; 35:​5, 6).

5. 5. ¿Yacharqankichu kay allpa pachapi wiña-wiñaypaq kawsakuyta atinanchikmanta? (Sal. 37:29; Mat. 5:5).

FAMILIAMANTA

1. 6. ¿Uyarirqankichu qusaqa ‘kikinta hina’ warminta kuyananmanta? (Efes. 5:33; Col. 3:19).

2. 7. ¿Uyarirqankichu warmiqa qusanta anchata respetananmanta? (Efes. 5:33; Col. 3:18).

3. 8. ¿Yacharqankichu hukwan pierdekuy hatun hucha kasqanta? (Mal. 2:16; Mat. 19:​4-6, 9; Heb. 13:4).

4. 9. ¿Uyarirqankichu tayta-mamanta respetaq hinaspa kasukuq wawa-churikunaqa allinña kawsakunankumanta? (Prov. 1:​8, 9; Efes. 6:​1-3).

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

DIOSMANTA

1. 10. ¿Yacharqankichu Diosqa sutiyuq kasqanta? (Sal. 83:18; Jer. 10:10).

2. 11. ¿Yacharqankichu bibliaqa Diospa palabran kasqanta? (2 Tim. 3:​16, 17; 2 Ped. 1:​20, 21).

3. 12. ¿Yacharqankichu Diosqa allin ruwaq hinaspa pimanpas mana sayapakuq kasqanta? (Deut. 10:17; Hech. 10:​34, 35).

4. 13. ¿Yacharqankichu Diosqa yanapaykuyta munawasqanchikta? (Sal. 46:1; 145:​18, 19).

DIOSTA MAÑAKUYMANTA

1. 14. ¿Yacharqankichu mañakunanchikta Dios munasqanmanta? (Sal. 62:8; 65:2; 1 Ped. 5:7).

2. 15. ¿Yacharqankichu Diosta imaynata mañakunapaq bibliapi yachachisqanmanta? (Mat. 6:​7-13; Luc. 11:​1-4).

3. 16. ¿Yacharqankichu imanasqa sapa kuti mañakunanchikmanta? (Mat. 7:​7, 8; 1 Tes. 5:17).

JESUSMANTA

1. 17. ¿Yacharqankichu Jesuspa consejonkuna yanapawasqanchikta? (Mat. 6:​14, 15, 34; 7:12).

2. 18. ¿Yacharqankichu imapas pasakusqanqa Jesuspa nisqanman hina cumplikusqanta? (Mat. 24:​3, 7, 8, 14; Luc. 21:​10, 11).

3. 19. ¿Yacharqankichu Jesusqa Diospa churin kasqanta? (Mat. 16:16; Juan 3:16; 1 Juan 4:15).

4. 20. ¿Yacharqankichu Jesusqa taytanwan mana chaynalla kasqanta? (Juan 14:28; 1 Cor. 11:3).

Based on NASA/Visible Earth imagery

DIOSPA GOBIERNONMANTA

1. 21. ¿Yacharqankichu Diosña churinwan hanaq pachamanta kamachimunanmanta? (Dan. 2:44; 7:​13, 14; Mat. 6:​9, 10; Apoc. 11:15).

2. 22. ¿Yacharqankichu Diospa gobiernonqa kay pachapi gobiernokunata chinkachinanmanta? (Sal. 2:​7-9; Dan. 2:44).

3. 23. ¿Yacharqankichu Diospa gobiernollan mana allinkunata tukuchinanmanta? (Sal. 37:​10, 11; 46:9; Is. 65:​21-23).

ÑAKARIYMANTA

1. 24. ¿Yacharqankichu Diosqa mana castigawasqanchikta? (Deut. 32:4; Sant. 1:13).

2. 25. ¿Uyarirqankichu kay pachataqa satanas kamachisqanta? (Luc. 4:​5, 6; 1 Juan 5:19).

3. 26. ¿Yacharqankichu Diosqa ñakarisqaykita qawamusqanta hinaspa yanapaykuy munasusqaykita? (Sal. 34:​17-19; Is. 41:​10, 13).

4. 27. ¿Yacharqankichu Diosqa ñakariykunata chinkachinanmantaña? (Is. 65:17; Apoc. 21:​3, 4).

WAÑUYMANTA

1. 28. ¿Uyarirqankichu wañusqakuna imayna tarikusqankuta? (Ecl. 9:5; Juan 11:​11-14).

2. 29. ¿Yacharqankichu wañusqakunaqa mana yanapawasqanchikta hinaspa imatapas mana ruwawasqanchikta? (Sal. 146:4; Ecl. 9:​6, 10).

3. 30. ¿Uyarirqankichu wañukuq ayllunchikkuna kawsarimunanmanta? (Job 14:​13-15; Juan 5:​28, 29; Hech. 24:15).

4. 31. ¿Yacharqankichu manaña pipas wañunanmanta? (Apoc. 21:​3, 4; Is. 25:8).

RELIGIONMANTA

1. 32. ¿Yacharqankichu Diosqa huk religionllata chaskisqanta? (Jer. 7:11; Mat. 7:​13, 14, 21-23).

2. 33. ¿Yacharqankichu Diosqa iskay uya kananchikta mana munasqanta? (Is. 29:13; Miq. 3:11; Mar. 7:​6-8).

3. 34. ¿Yacharqankichu chiqap religionpi kaqkunaqa kuyakuq kasqankuwan riqsichikusqankuta? (Miq. 4:3; Juan 13:​34, 35).