Sasa kawsay qallarisqanmanta

EDEN huertapi manaña kaspankum Adanwan Evaqa sasachakuykunata tarirqaku. Sinchitamá llamkarqaku mikunankupaqpas. Sumaqllaña ruruq sachakunapa rantinpim achkallaña kichkakuna hinaspa cardoskuna wiñaqta qawarqaku. Adanta hinaspa Evatam kaykuna pasarqa Diosta mana kasukuptinku, chaymi paykunaqa manaña Diospa Amigonkunañachu karqaku.

Adanwan Evaqa astawanraqmi wañuyta qallarirqaku. Yuyariy: Diosmi nirqa chay sachapa rurunta mikuruspaqa wañurunkichikmi, nispa. Chaymi mikusqanku punchawmanta wañuyta qallarirqaku. ¡Upachá karqaku Diosta mana kasukunankupaq!

Eden huertamanta Adantawan Evata Dios qarqoramuptinñam wawa-churinkunaqa nacerqaku. Chaymi churinkunapas machuyaspa wañunanku karqa.

Adanwan Evaqa Jehová Diosta kasukuspankuqa kusikuspachá churinkunawan kawsakunmanku karqa. Chaynaqa Allpapim wiñaypaq kusisqa kawsakunmanku karqa. Manachá pipas machuyanmanchu, onqonmanchu nitaq wañunmanchu karqa.

Diosqa munanmi runakuna wiñaypaq kusisqa kawsakunankuta hinaspa prometewanchik huk punchaw chayna kananta. Ichaqa manam enteron Allpallachu sumaqllaña kanqa aswanqa llapallan runakunam manaña onqoq kanqaku. Hinaptinmi llapallan runakuna kuyanakuspanku Dioswanpas amigom kanqaku.

Evatam ichaqa manaña allintachu Diosqa qawarqa. Chayraykum, ñakaristin wawankunatapas wachakurqa. Chaymi Jehová Diosta mana kasukuspan llumpayllataña ñakarirqa, ¿chaynachu icha manachu?

Adanwan Evapaqa achkam wawa-churinkunaqa karqa. Punta kaq churin nacemuptinmi, Cain sutiwan suticharurqaku. Iskay kaq churintañataqmi, Abel sutiwan suticharurqaku. ¿Imataq paykunata pasarurqa?