-
Diosqa munanmi paypa amistadnin kanaykita¿Imaynatam wiñaypaq kusisqa kawsakuchwan? Bibliamanta yachanapaq
-
-
5. ¿Imapi kallpanchakunankupaqmi Jehova Diosqa nin amistadninkunata?
Ñuqanchikqa munanchikmi amistadninchikkuna allin runakuna kanankuta chaynataq imapipas yanapaykuwananchikta.
¿Amistadnikikuna imayna kanankutataq munawaq?
Leeychik 1 Juan 5:3 hinaspa qatiqninmanta rimariychik:
¿Amistadninkuna ima ruwanantam Jehova Diosqa munan?
Jehova Diospa kamachikuyninman hina kawsakunapaqqa mana allin ruwaykunatam saqinanchik, chaymantapas imayna kayninchiktam cambiananchik. Leeychik Isaias 48:17, 18 hinaspa qatiqninmanta rimariychik:
¿Imanasqam Jehova Diosqa niwanchik kamachikuyninkunata kasukunapaq?
Amistadninchikqa allinlla kananchikta munaspanmi imatapas niykuwanchik. Jehova Diospas kusisqa, allinlla kawsakunanchikta munaspanmi imayna kawsakunapaq niwanchik.
-
-
Bautizakunaykipaq kallpanchakuy¿Imaynatam wiñaypaq kusisqa kawsakuchwan? Bibliamanta yachanapaq
-
-
Bautizakunapaqqa Jehova Diosmanta yachaspam paypi hapipakuna (leey Hebreos 11:6). Jehova Diosmanta astawan yachaspaqa paypi hapipakuspam kuyasun. Kuyasqanchikraykum paymanta willakusun hinaspa kamachikuyninkunata kasukuspa kawsakusun (2 Timoteo 4:2; 1 Juan 5:3). ‘Jehova Diospa munasqanman hinaña kawsakuspaqa’ atichwanmi payllapaqña kawsakunapaq tantiakuspa bautizakuyta (Colosenses 1:9, 10).a
-
-
Bautizakunaykipaq kallpanchakuy¿Imaynatam wiñaypaq kusisqa kawsakuchwan? Bibliamanta yachanapaq
-
-
a Pipas huk religionpi bautizasqaña kaspanpas testigo kananpaqqa kaqmantam bautizakunan, ¿imanasqa? Ñawpaq religionninpi bibliamanta imam kaqta mana yachasqanrayku (leey Hechos 19:1-5 hinaspa 13 yachachikuyta).
-
-
Diostawan Jesusta agradecekusun wañuymanta librawasqanchikrayku¿Imaynatam wiñaypaq kusisqa kawsakuchwan? Bibliamanta yachanapaq
-
-
Mayu apasuchkaptiki huk runa hurqurusuptikiqa, ¿qunqaruwaqchu yanapasuqnikita? Icha ¿agradecekunaykipaqchu imallatapas quykuwaq?
Jehova Diospas wañuymantam libraykuwarqanchik. Leeychik 1 Juan 4:8-10 hinaspa qatiqninmanta rimariychik:
¿Imaynatam Jesuspa wañukusqanqa yanapawanchik?
Jehova Dioswan Jesusqa kuyawaspanchik huchamantawan wañuymanta librawasqanchikwan, ¿imaynataq tarikunki?
Diostawan Jesustam agradecekunanchik huchamantawan wañuymanta libraykuwasqanchikmanta, ¿imaynata? Leeychik 2 Corintios 5:15; hinaspa 1 Juan 4:11; 5:3. Chaymantañataq qatiqninmanta rimariychik:
Leesqanchik textokunapa nisqanman hina, ¿imaynatam Diostawan Jesusta agradecekunanchik?
-
-
¿Imatam ruwananchik Diosta kuyasqanchik sutilla kananpaq?¿Imaynatam wiñaypaq kusisqa kawsakuchwan? Bibliamanta yachanapaq
-
-
34 YACHACHIKUY
¿Imatam ruwananchik Diosta kuyasqanchik sutilla kananpaq?
Bibliamanta yachayta qallaykusqaykimantaqa astawanchá Diosta kuyachkanki, hinaspapas munankichá Dioswan astawan kuyachikuyta. Jehova Diosta kuyaptikiqa, paypas kuyasunkim, manam haykapipas saqisunkichu. Chaynaqa, ¿imatam ruwanayki Diosta kuyasqayki sutilla kananpaq?
1. ¿Imatam ruwananchik Jehova Diosta kuyasqanchik sutilla kananpaq?
Diosta kasukuptinchikmi kuyasqanchikqa sutilla kanqa (leey 1 Juan 5:3). Jehova Diosqa manam hikutawanchikchu kasukunanchikpaqqa, payqa munan sunqumanta kasukunanchiktam (Romanos 6:17). Chaynaqa kuyasqanchikraykum tukuy imapi Diosta kasukunanchik. Kay 34 yachachikuymanta 60 yachachikuykamam yachasunchik Jehova Dios imayna kawsakunanchikta munasqanmanta. Niwasqanchikta kasukuptinchikqa kuyasqanchikmi sutilla kanqa.
2. ¿Imakunaraykutaq Diosta kasukuyqa sasa kanman?
Bibliapim nin: “Allin ruwaqkunaqa tukuy imakunawanmi ñakarinku”, nispa (Salmos 34:19). Jehova Diosta kasukunapaqqa sasachakuchwanmi pantaq runakuna kasqanchikrayku. Chaymantapas sasam kanman Diosta kasukuyqa sasachakuykunapi kaptinchik, qullqinchik pisiptin chaynataq runakuna ñakarichiwaptinchik. Chaykunawan sasachakuptikipas Diosta kasukuptikiqa, kuyasqaykim hinaspa payman sunqu kasqaykim sutilla kanqa. Payman sunqu kasqaykiraykum Diosninchikqa haykapipas mana saqisunkichu (leey Salmos 4:3).
ASTAWAN YACHAYKUSUN
¿Imanasqataq Jehova Diospaqqa ancha allin kasukuq kasqanchikqa? Hinaspapas, ¿imataq yanapawachwan tukuy tiempo payman sunqu kanapaq? Chaymanta yachaykusun.
3. ¿Imanasqataq Diosta kasukunanchik?
Bibliapim willawanchik Jobmanta satanas yanqakunata rimasqanta. Chaynallataqmi ñuqanchikmantapas satanasqa llullakunata riman. Leeychik Job 1:1 hinaspa 1:6-2:10, chaymantañataq qatiqninmanta rimariychik:
Satanaspa nisqanman hinaqa ¿imaraykullas Jobqa Diosta kasukusqa? (Kaqmanta leeykuychik Job 1:9-11).
¿Satanasqa imatataq lliw runakunamanta nin? (Kaqmanta leeykuychik Job 2:4).
Leeychik Job 27:5b hinaspa qatiqninmanta rimariychik:
¿Ima nirqataq Jobqa Diosta kuyasqanrayku?
Jobqa sasachakuypi kaspanpas Diosta kuyasqanraykum payman sunqu karqa.
Diosta kuyasqanchikraykum payman sunqu kanchik.
4. Jehova Diostayá kusichisun
Leeychik Proverbios 27:11 hinaspa qatiqninmanta rimariychik:
¿Imaynataq Jehova Diosqa tarikun sunqumanta kasukuptiki? ¿Imanasqa?
5. Jehova Diosta kasukuytaqa atiwaqmi
Jehova Diosta kuyasqanchikraykum runamasinchikkunaman paymanta willakunchik sasa kaptinpas: VIDEOTA qawaykuychik hinaspa qatiqninmanta rimariychik.
¿Sasachakunkichu Jehova Diosmanta hukkunaman willayta?
Videopi qawasqanchik iñiqmasinchikqa, ¿imanasqataq manaña manchakurqañachu llamkaqmasinkunaman Diosmanta willayta?
Jehova Diosman sunqu kanapaqqa paypa munasqan kaqkunatam ruwananchik, mana munasqan kaqkunatañataq mana. Leeychik Salmos 97:10 hinaspa qatiqninmanta rimariychik:
Kaykama yachamusqanchikman hinaqa, ¿imakuna ruwananchiktataq Diosqa munan? ¿Imakunatataq mana ruwananchikchu?
¿Imaynatataq astawan yachawaq imam allin kasqanta hinaspa imam mana allin kasqanta?
6. Jehova Diosta kasukuyqa allinmi
Jehova Diosta kasukuyqa allinninchikpaqmi. Leeychik Isaias 48:17, 18 hinaspa qatiqninmanta rimariychik:
¿Jehova Diosqa yachanmanchu imam ñuqanchikpaq allin kasqanta?
¿Imaynatam bibliamanta hinaspa taytanchik Jehova Diosmanta yachasqaykiqa kunankama yanapachkasunki?
WAKIN RUNAKUNAM NINKU: “Imaynaña kawsakuptiypas Diostaqa manam imapas qukunchu”, nispanku.
Chaynata niptinku, ¿bibliapi ima textokunatam leeykapuwaq ruwasqanchikqa Diosta kusichisqanta utaq llakichisqanta yachaykachinaykipaq?
YUYARIYKUSUN
Diosta kasukuptikiqa hinaspa imaña-haykaña kaptinpas payman sunqu kaptikiqa sutillam kanqa kuyasqayki.
¿Ima niwaqtaq?
Jobqa Diosman sunqum karqa, ¿imaynatam payta qatipakuwaq?
¿Imaynatam Jehova Diosqa yachanqa kuyasqaykita?
¿Imakunatam yuyarinayki Diosman sunqu kanaykipaq?
ASTAWAN YACHANAYKIPAQ
¿Imataq yanapawasun Jehova Diosman sunqu kanapaq hinaspa churasqan punta apaqkunata kasukunapaq? Chaypaq videota qawaykuy.
¿Imakunatawanraqtaq satanasqa Jobmanta nirqa? Chaymanta yachaykuy.
“Jobmi iñiyninpi takyan” (Biblia ¿imatam yachachin? 6 kaq yachachikuy)
Warmachakunapas atinmankum Jehova Diosta kuyasqankurayku kasukuytaqa. Chaypaq videota qawaykuy.
Warmakunapas warmamasin mana allinta ruwanankupaq hikutaptinpas Diostaqa kasukunmankum. Chaypaq videota qawaykuy.
-