Bautizaringapaj listo cangapaca ¿imatata rurana cangui?

1, 2. a) ¿Imamandata bautizaringapaca aligutapacha pensarishpara bautizarina can? b) Nara bautizarishpallata ¿imacunapita seguro cana capangui?

¿JOVEN cashpapash bautizaringapaj munajunguichu? Bautizarinaca shuj jatun bendicionmi can. Imashinami ñaupa temapi yachajuparcanchi, bautizaringapaca aligutapacha pensarishpami bautizarina can. Bautizarishpami quiquinba causaita Jehovaman mingashpa, paitalla sirvishpa, paitalla pundapi churasha nishcata shujcunaman ricuchijungui. Chaimandami nara bautizarishpallata, ciertopacha espiritualmente shinlli cashcata, bautizarina munaimanda bautizarigrijushcata seguro cana cangui. Shinallata, nara bautizarishpallatami Jehovaman mingarina ima cajtapash ali intindishcata seguro cana cangui.

² Shinaca ¿bautizaringapaj listochu cangui? Huaquinbica nara listochu cani yanguipashchari. Cutin huaquinbica, bautizaringapaj ña listo sintirijpipash canba taitamamaca ningachari, ashata viñaringapaj o asha experienciata charingapaj shuyanarami cangui nishpa. Shinapash na desanimarinachu cangui. Bautizaringapaj listo cangapaj munashpaca ashtahuan cambiangapami esforzarina cangui. Chaimandami cai temaca, quiquinba crishcacunapi, quiquinba rurashcacunapi, Jehovata juyanapipash ashtahuan mejorachun ayudanga.

3, 4. Jovengunaca ¿imatata Timoteopa ali ejemplomandaca yachajuita ushan?

³ Pensaripai: “¿Imamandata Taita Dios tiajtaca crini? ¿Imamandata Biblia Taita Diospa Shimi cajtaca seguro cani? ¿Imamandata cai mundopa munaita catinapa randica Jehovata cazuni?” nishpa. Chai tapuicunapi pensarishpami apóstol Pablo nishca shinaca, ‘Taita Diospa munai [maijan] cajta, paita cushichinata, ima pandatapash na rurashpa causanata yachangui’ (Romanos 12:2). Cai textopi nishca shinaca, Taita Dios mandashcata pactachina ali cashcataca canllatami ricuna cangui. Shinapash ¿imamandata chaitaca canllata ricuna cangui?

⁴ Apóstol Pablopa tiempopi causashca Timoteopa ejemplota ricupashun. Timoteoca paipa mama, paipa abuela yachachijpimi Bibliapa yachachishcacunataca ali rijsirca. Shinapash Pabloca nircami: “Can crishpa yachajushcataca, aliguta catijunguilla” nishpa (2 Timoteo 3:14, 15). Pablo nishca shinaca, Taita Diosmanda alita yachajushcataca Timoteoca seguromi carca. Shinapash ¿imamandata seguro carca? ¿Paipa mama, paipa abuela yachachishcamandallachu seguro carca? Na. Timoteoca imata yachajushcapi paillata aliguta pensarishpa intindimandami, Taita Diosmanda alita yachajushcataca seguro carca. Shinaca, ashtaca jovengunami Timoteopa ali ejemplotaca cati ushan.

5, 6. ¿Imamandata cunanmandallata aliguta pensarishpa intindinata yachajuna capangui?

⁵ ¿Ñachu canbash Bibliamanda unaillaguta yachajushcangui? Shina cashpaca Timoteopa ejemplota catingapaj esforzarishpa pensaripai, Bibliapa yachachishcacuna cierto cashcataca ¿imamandata seguro cani? nishpa. Imamanda seguro cashcata aliguta pensarishpami ashtahuan shinlli feta chari ushangui. Astahuanbash canba nali munaicunapipash, canba cumbacunapa trampapipash, cai mundopa trampapipash na urmanguichu.

⁶ Ashtahuangarin, canllata aliguta pensarishpa intindinatami uchalla yachajuna cangui. Shina rurashpami, cumbacuna imata tapuchijpipash contestai ushangui. Huaquinbica cumbacunaca cashna nishpami tapun: “¿Imamandata Taita Dios tiajtaca cringui? Juyaj Dios cashpaca ¿imamandata ashtaca llaquicuna tiachun saquin? Taita Dios tucuita rurashca cajpica ¿pita Taita Diostaca rurarca?” nishpa. Canllata aliguta pensarishpa intindinata yachajushpaca pi imata tapuchijpipash na ishcai shungu tucunguichu. Ashtahuangarin, ashtahuan ali intindina munaihuanmi Bibliataca yachajungapaj munangui.

7-9. Quiquinba crishcacuna cierto cashcata seguro cangapaca ¿imatata rurana capangui?

⁷ Ashtahuan ali yachajuna munaihuan canba estudio personalpi Bibliata yachajushpaca, tapuicunata imashina contestanatapash, canllata yachangapaj munashca tapuicunatapashmi yachajui ushangui. Ashtahuangarin canba crishcacuna cierto cashcatapashmi seguro caita ushangui (Hechos 17:11). Seguro cachun ayudangapaca ashtaca publicaciongunami tian. Ashtaca jovengunaca El origen de la vida folletopi, ¿Existe un Creador que se interese por nosotros? libropimi ashtaca ayudacunata tarishca.

⁸ Bibliata ña unaillaguta yachajuimandacarin, huaquin tapuicunamanda Biblia ima nijtaca alimi yachangui. Shinapash chaicuna cierto cashcataca ¿segurochu cangui? Quiquinba estudio personalpi, publicaciongunapi investigaciongunata rurashpa yachajushpaca canba crishcacuna cierto cashcataca seguromi cai ushangui. Canba crishcacunamanda shujcuna tapujpipash paicunaman imata ninata, imashina intindichinataca alimi yachangui.

⁹ Bibliapa yachachishcacuna cierto cashcata canllata seguro cashpami bautizaringapaj listo caita ushangui. Shuj Testigo cuitsaguca ninmi: “Bautizarina yuyaita nara japishpallatami, ashtahuan ali intindina munaihuan Bibliataca yachajurcani. Shinami ali religionbi cashcataca seguropacha carcani” nishpa. Paica ninbashmi, ali religionbi cashcataca cada punllami ashtahuan seguro cani nishpa.

10. ¿Imamandata bautizarishca Testigocunaca paicunapa ruraicunahuan feta charishcata ricuchina can?

¹⁰ Bibliapica ninmi: ‘Alita ruranacunata na rurashpaca, paipa crishcapash huañushcashnami tucun’ nishpa (Santiago 2:17). Shinaca feta charishpa, canba crishcacuna cierto cashcata seguro cashpaca canba rurashcacunahuanmi ricuchina cangui. Bibliapi nishca shinaca, ‘Taita Diostalla tucui shunguhuan yariashpa, paipalla causajushcata’ ricuchij ruraicunatami rurana cangui (2 Pedro 3:11, liingui).

11. ¿Maijan ruraicunata ‘Taita Diostalla tucui shunguhuan yariashpa causajushcata’ ricuchin?

¹¹ “Taita Diostalla tucui shunguhuan yariashpa causajushcataca” ¿maijan ruraicunahuanda ricuchita ushangui? Chaipaca shuj limpio causaitami charina cangui. Último sujta quillacunata yaripai. Shuj tentacionbi cashpaca ¿ima ali cajta, ima nali cajta cuenta japircanguichu? (Hebreos 5:14). ¿Cumbacuna nalita rurachingapaj munanajushcatapash o imapash tentaciondapash mishai usharcanguichu? ¿Escuelapica ali portarishcamandachu cumbacunaca rijsin? ¿Cumbacuna na burlarichun munashpachu cumbacuna nishcata rurangui o Jehovatachu cazungui? (1 Pedro 4:3, 4). Tucuicunallatami juchayucuna canchi. Huaquingunaca tauca huatacunata Jehovata sirvishpapash Testigomi cani ninataca huaquinbica pinganayachinmi. Shinapash Jehovaman mingarishcacunaca cushijushpa, jariyashpami Testigomi cani nishpa paicunapa limpio causaihuan Testigo cashcata ricuchina can.

12. a) ¿Maijan ruraicunata ‘Taita Diospalla causajushcata’ ricuchin? b) Chai ruraicunamandaca ¿imata pensana capangui?

¹² ¿Maijan ruraicunata ‘Taita Diospalla causajushcata’ ricuchin? Congregacionhuan rurashca cosascuna, canlla cashpa rurashca cosascunami ‘Taita Diospalla causajushcata’ ricuchin. Congregacionhuan rurashca cosascunaca tandanajuicunaman rina, villachina ruraicunami can. Cutin canlla cashpa rurashca cosascunaca Jehovata mañana, Bibliamanda yachajuna cosascunami can. Jehovaman mingarishcacunaca chai ruraicunataca cushijushpami ruran. Pipash rurai nijpillaca na ruranllu. Paicunaca rey Davidshna sintirishpami nin: “Ñuca Taita Dioslla, cambaj munaita rurashpami cushijushcani. Can mandashcatapash, ñuca shungupimi charijuni” nishpa (Salmo 40:8).

13, 14. a) ‘Taita Diospalla causajushcata’ ricuchij ruraicunata rurangapaca ¿ima ayudatata charipangui? b) Los jóvenes preguntan, volumen 2 libropi 308, 309 paginacunapi tapuicunaca ¿imashinata jovengunataca ayudashca?

¹³ ‘Taita Diospalla causajushcata’ ricuchij ruraicunata rurangapaca ¿ima ayudatata charipangui? Chaipaca Los jóvenes preguntan, volumen 2 libropi 308, 309 paginacunapi tapuicunami shuj jatun ayuda can. Chaipimi cai tapuicunata contestai ushapangui: “¿Mencionas cosas específicas en tus oraciones? ¿Se nota por lo que dices que amas a Jehová?”, “¿Qué información analizas en tu estudio personal?”, “¿Sales a predicar incluso cuando no lo hacen tus padres?”. Chai paginacunapica canba oraciongunapipash, estudio personalpipash, villachinapipash mejorangapaj ima metacunata charishcatami escribinalla cangui.

¹⁴ Chai libropi informacionmi bautizaringapaj munanajuj ashtaca jovengunataca ayudashca. Tilda shuti Testigo cuitsagu nishca shinaca, chai libropi tapuicunami paitaca metacunata charichun ayudarca. Tildaca ninmi: “Chai metacunataca asha ashami pactachishpa catircani. Shinami ña shuj huata tucujpica bautizaringapaj listo carcani” nishpa. Patrick shuti Testigo huambragupash ninmi: “Huaquin metacunapica pensarishcallami purijurcani. Shinapash ñuca pensashca metacunata escribishpami, chaicunata pactachingapaj ashtahuan esforzarircani” nishpa.

15. ¿Imamandata ninchi, Jehovaman mingarina munaica canba shungumandami llujshina can nishpa?

¹⁵ Los jóvenes preguntan libropica cai tapuipashmi tian: “Si tus padres o tus amigos dejaran la verdad, ¿seguirías sirviendo a Jehová?” Shinaca, Jehovaman mingarina munaica canba shungumandami llujshina can. Jehovaman mingarishpa bautizarishpaca, canmi Jehovapa amigo tucungui, shinallata imata rurashcata, imamanda rurashcatapash Jehovaman ricuchinami tucungui. Canba taitamama o shujcuna alita rurajpipash, canba rurashcacunahuanmi can ali cashcataca Jehovaman ricuchina cangui. Cunanmandallata Jehová Diosta tucui shunguhuan yariashpa, paipalla causajushcata ricuchishpami Taita Diosmanda alita yachajushcata, Jehovapa mandashcacunata cazungapaj munashcatapash ricuchingui. Shinami, bautizaringapaca ñalla listo caita ushangui.

16, 17. a) ¿Imamandata bautizarina capangui? b) Ñucanchita salvashcamanda Jehová Diosta, Jesusta tucui shunguhuan agradicingapaca ¿ima ejemplopita pensari ushapangui?

¹⁶ Shuj punllaca Moisesman Cushca Leyta alipacha rijsij runami Jesustaca tapurca, mandashcapica ¿maijan leyta ashtahuan minishtirishca? can nishpa. Shina nijpimi Jesusca nirca: ‘Canba Taita Diostaca tucui shunguhuan, tucui almahuan, tucui yuyaihuan juyangui nijunmi’ nishpa (Mateo 22:35-37). Imashinami ricupanchi, pipash bautizarishpa Jesusta catingapaj munashpaca Jehovata juyaimandami bautizarina can. Shinaca Jehovata ashtahuan juyangapaca ¿imatata rurana cangui? Jehovata ashtahuan juyangapaca, ñucanchita salvangapaj Jesús paipa causaita cushcapimi pensarina cangui (2 Corintios 5:14, 15; 1 Juan 4:9, 19, liingui). Jehová Dios paipa Churita canmanda huañuchun cachamushcapi pensarishpami ashtahuan cushijushpa tucui shunguhuan agradicingapaj munangui.

¹⁷ Pensaripai. Yacupi can ahogarijujpi pipash shamushpa yacumanda llujchishpa salvashcanman. ¿Imatata canga ruranguiman? ¿Na agradicishpa mutiyashca ropata huasipi cambiaringapaj upalla ringuimanllu? Na. Salvashcamandaca cutin cutinmi agradicinguiman. Ñucanchicunapash juchamanda, huañuimandami tucuicunallata yacupi ahogarijuj cuenda canchi. Shinapash, Jehová Diospash Jesuspash ñucanchita juyaimandami ñucanchita salvarca. Paicuna salvashcamandami shuj juyailla paraíso Alpagupi para siempre causana esperanzata charinchi. ¿Nachu chaipi aliguta pensarishpaca tucui shunguhuan paicunata agradicingapaj munanchi?

18, 19. a) ¿Imamandata Jehovaman mingarinataca na manllana capangui? b) ¿Imamandata Jehovata sirvinata agllashpaca ashtahuan ali causangui?

¹⁸ Canda salvashcamanda Jehovata agradicingapaj munashpaca Jehovaman mingarishpami bautizarina cangui. Imashinami ña yachajuparcangui, Jehovaman mingarishpaca Jehovatami nijungui, siempremi canba munaita rurashpa causasha nishpa. Shina nishpa Jehovaman mingarinataca na manllanachu cangui. Jehová Diosca can ali causachunmi munan. Ashtahuangarin paita cazujcunataca bendiciangapami shuyajun (Hebreos 11:6). Jehovaman mingarishpa, bautizarishpaca ashtaca cushijuicunatami charingui. 24 huatacunata charij shuj Testigo huauquica nara ali solteroyashpallatami bautizarirca. Paica ninmi: “Bautizaringapaj huaquin huatacunata shuyashpaca bautizarina ima cajtaca ashtahuan alimi intindiman carcani. Shinapash, bautizarinami huaquin tentaciongunapi ama urmachun ayudahuarca” nishpa.

¹⁹ Imashinami ña niparcanchi, Jehová Diosca can ali causachunmi munan. Cutin Diabloca can nali causachunmi munan. Diablopa munaita rurashpaca, llaquicunatallami charingui. Ashtahuangarin, shamuj punllacunapica Diabloca tucuringami, ima esperanzatapash paica na charinllu (Apocalipsis 20:10). Chaimandami Diabloca ali villaicunata, shamuj punllacunapi ali causai tianataca gentecunamanga na villai ushan.

20. Jehovaman mingarishpa bautizaringapaj listo cangapaca ¿imatata rurai ushapangui? (“Jehová Diosman ashtahuan quimiringapaj ayudacuna” nishca recuadrotapash ricupangui).

²⁰ Jehovaman mingarina decisionda agllanaca alipacha decisionmi can. Shinaca ¿ñachu listo cangui? Ña listo cashpaca na manllashpami Jehovaman mingarishpa bautizarita ushapangui. Cutin, nara listochu cani yashpaca cai temapi yachajushca yuyaicunata catishpami mejorana capangui. Apóstol Pabloca Filipos congregacionbi huauquicunataca, ashtahuan mejorashpa catinataca na saquinachu canguichi nishpami consejarca (Filipenses 3:16). Canbash chai consejota catishpaca ñallami Jehovaman mingarishpa bautizaringapaj listo caita ushapangui.