‘Congregaciongunapi huauquipanicunatami shinlliyachinajurca’

1-3. a) Pablotaca ¿pita compañashpa rigrijurca y paimandaca imata yachapanchi? b) Cai capitulopica ¿imatata yachajushun?

SHUJ llactamanda, chaishuj llactacunaman nali ñangunata yalijushpaca, Pabloca paita compañashpa rijuj Timoteota ricushpaca pensarishpami quidan. Paica más o menos 20 añoscunatami charin paica joven caimandami ashtaca fuerzata charin. Timoteoca ashtahuan ashtahuanmi Listra, Iconio llactacunamanda caruyashpa rin. Shinapash paicunataca ¿imashi pasanga? Pabloca problemacuna, shuj llaquicuna tianataca alimi yachan. Porque caihuanga Pabloca ñami ishcai viajeta congregaciongunata visitangapaj rijurca. Pero Timoteoca ¿imashinata llaquicuna ricurijpica aguantaita ushanga?

² Pabloca Timoteopica ninandami confian. Congregaciongunata chaira visitangapaj rishcamandami Pabloca ali compañerota charina minishtirishca cashcata ali yachan. Pablo y Timoteoca congregaciongunata shinlliyachingapami visitagrinajun. Pero Bernabehuan ima pasashcata yuyarishpami Pabloca Timoteohuan shujllashna cana cashcata y paicunapa asignacionda aliguta pactachina cashcata pensarin. Bernabehuan culirashpami ishcandimanda caruyarirca.

³ Cai capitulopica shujcunahuan problemacunata charishpa imashina chai problemacunata arreglai ushana cashcatami yachajupashun. Pablo imamanda Timoteota compañashpa richun agllashcatami ricupashun. Shinallata superintendente de circuitopi sirvij huauquicuna imacunatalla rurajtami yachajupashun.

 4. Pabloca ¿imamandata cutin congregaciongunata visitangapaj ringapaj munarca?

⁴ Chai shuj capitulopica circuncisionmanda ima decisionda japishcata villangapaj, shinallata huauquipanicunata shinlliyachingapaj y animangapami Pablo, Bernabé, Judas y Silas Antioquía llactapa congregacionman rishcata ricuparcanchi. Jipamanga ¿imata pasarca? Pabloca Bernabetaca cashnami nirca: “Jehová Diospa shimita predicashca tucui llactacunapi huauquicuna imashina cajta ricungapaj jacu visitagripashun” (Hech. 15:36). Pabloca cutin rishpaca chairalla bautizarishca cristianocunata visitangapajllaca na rijurcachu. Hechos libropica Pablo y paipa cumbacuna imapa cutin rishcatami ricuchin. Paicunaca, Jerusalenmanda ancianocuna y apostolcuna ima decisionda japishcata villangapami rinajurca (Hech. 16:4). Shinallata paicunaca como superintendente viajante cuendami congregaciongunapi huauquipanicunata shinlliyachingapapash rinajurca (Rom. 1:11, 12). Cunan tiempopica Jehová Diosca paipa organizacionda ñaupaman pushachunga ¿pitata utilizan?

 5. Cuerpo Gobernantemanda huauquicunaca congregaciongunaman instrucciongunata cungapaj y animangapaca ¿imatata ruran?

⁵ Cunan punllacunapica Cuerpo Gobernantepi sirvij huauquicunatami congregaciongunata ñaupaman pushachunga Jesusca churashca. Cai ungido huauquicunami mundo enteropi tiaj congregaciongunata animangapaj, instrucciongunata cungapaca cartacunata, publicaciongunata, videocunata, tandanajuicunata y shuj cosascunatapash utilizan. Shinallata Cuerpo Gobernantepi sirvij huauquicunaca ashtaca anciano huauquicunatami como superintendente sirvichun agllashca. Paicunami mundo enteropi tiaj congregaciongunata visitan.

6, 7. Superintendente huauquicunaca ¿ima responsabilidadcunatallata charin?

⁶ Superintendente huauquicunaca congregaciongunapi huauquipanicunata shinlliyachingapaj, shinallata cada unomanda preocuparishcata ricuchingapami visitan. Chaita rurashpaca apóstol Pablopa ejemplota catijushcatami ricuchin. Pabloca superintendentecunataca cashnami consejarca: “Taita Diospa shimitaca predicanami cangui. Ali tiempocunapipash y shinlli tiempocunapipashmi tucui shunguhuan villachina cangui. Shinallata, pacienciahuan y aliguta yachachishpami imata nali ruranajushcata ricuchina cangui, corregina cangui y consejana cangui”. Caitapashmi nirca: “Ali villaicunatapash predicanami cangui” (2 Tim. 4:2, 5).

⁷ Apóstol Pablopa consejota catishpami superintendentecunaca cazarashca cashpaca, paicunapa huarmigucunandi congregaciongunata visitashpa predicacionman llujshishpa apoyan. Superintendentecunapa alipacha ejemplota ricunami huauquipanicunataca ninanda animan. Paicunaca alipacha yachachijcuna, predicanatapash ninanda gushtajcunami can (Rom. 12:11; 2 Tim. 2:15). Paicunaca shujcunamanda tucuita rurangapaj munajcuna, ninanda juyajcunami can. Yapata tamiajpi, yapata indipipash o peligroso pushtucuna cajpipash congregaciongunata visitangapami tucuita ruran (Filip. 2:3, 4). Shinallata discursocunata cushpami huauquipanicunataca animan, yachachin y consejan. Tucuicunami superintendentecunapa ejemplota catingapaj esforzarina capanchi (Heb. 13:7).

 8. Pablo huauquipanicunata cutin visitangapaj jacu nijpica Bernabeca ¿imatata rurarca?

⁸ Huauquipanicunata cutin visitangapaj jacu nishpa Pablo nijpica Bernabeca alimi chasquirca (Hech. 15:36). Pablohuan Bernabehuanga ali cumbacunami carca. Shinallata paicuna visitashca congregaciongunatapash alimi rijsirca (Hech. 13:2-14:28). Ishcandi cutin pacta trabajana ali cajpipash shuj problemami ricurirca. Hechos 15:37​pica “Bernabeca, Marcos nishpa rijsishca Juandapacha pushashun nishpami nijurca”. Caita ricushpaca Bernabe paipa primo Marcosta apangapapacha munashcatami ricupanchi.

 9. Pablohuan Bernabehuanga ¿imamandata culirarirca?

⁹ Pabloca Marcosta apashpa ringapaca na munarcachu. Marcostaca ¿imamandata na apangapaj munarca? “Porque Marcosca villachingapaj na cumbashpami, Pablota y Bernabetaca Panfilia llactapi saquishpa rishcarca” (Hech. 15:38). Marcosca, Pablota Bernabetami congregaciongunata visitangapaj cumbajurca. Shinapash paicunata saquishpami tigrarca (Hech. 12:25; 13:13). Panfilia llactapi cashpallatami Marcosca paipa asignacionda saquishpa Jerusalén llactaman tigrarca. Bibliapica Marcos chashna rurashcamanda Pablo imashina sintirishcataca na ninllu. Shinapash Pabloca chashna rurachunga na gushtashcangachu. Chaimi Marcospica ñana confiarca.

10. Pablo y Bernabé culirarishca cashcamandaca ¿imata pasarca?

¹⁰ Bernabeca Marcostaca paicunahuan apangapapachami munarca shinapash Pabloca paita apangapaca na munarcachu. “Chaimi Pablo y Bernabeca ninanda culirarishpa, cada uno ñanda japishpa rirca” (Hech. 15:39). Bernabé y Marcoshuanga Chipre llactamanmi rirca. Cutin Pabloca congregaciongunata visitangapami rirca. Bibliapica cashnami nin: “Pabloca Silastami paihuan richun agllarca. Pablota cuidapangui nishpa huauquicuna Jehová Diosta mañashca jipami, Pablo y Silasca rirca” (Hech. 15:40). “Paicunaca congregaciongunapi huauquipanicunata shinllichishpami, Siria y Cilicia llactacunata yalirca” (Hech. 15:41).

11. Shuj huauqui o shuj pani culirachijpi ali tucungapaca ¿ima cualidadta charinata minishtirin?

¹¹ Tucuicunami juchayucuna capanchi. Pablo y Bernabeca Cuerpo Gobernantepi sirvij huauquicunamanda cachashcami carca. Talvez jipaca Pablopash Cuerpo Gobernantemandami tucushcanga. Ali huauquicuna cashpapash juchayucuna caimandami culirarirca. Shinapash ¿culirarimandallachu ali amigocuna canataca saquirca? Na. Juchayucuna cashpapash ishcandimi Jesuspa ejemplota catimanda humildecuna carca. Tiempohuanga ali cristianocuna cashcata ricuchishpami ali tucurca y ali amigocuna cashpapash catirca (Efes. 4:1-3). Shinallata huaquin huatacuna jipami Pablo y Marcosca shuj asignaciongunapi pacta trabajarca (Col. 4:10).a

12. ¿Ancianocunaca Pablo y Bernabepa maijan cualidadcunata charingapata esforzarin?

¹² Bernabé y Pablo jaicata culirajcuna cashcataca shujcunaca na rijsircachu. Bernabetaca José shutipi ninapa randica apostolcunaca Bernabé juyaj, imagutapash caraj cashcamandami Bernabé nishpa shutichirca. Bernabé nishpaca “shujcunata cushichij” cashcatami ningapaj munan (Hech. 4:36). Pablotapash juyaj, llaquij cashcatami huauquipanicunaca rijsin carca (1 Tes. 2:7, 8). Ancianocuna y superintendentecunaca Pablo y Bernabepa ejemplota catishpami humilde cangapaj esforzarina can. Shinallata shuj ancianocunata, shuj huauquipanicunatapash juyaihuan, llaquishpami tratana can (1 Ped. 5:2, 3).

13, 14. a) ¿Timoteoca pita carca? Pabloca Timoteotaca ¿imashinata rijsirca? b) Pabloca Timoteopica ¿imatata ricurca? c) Timoteomanga ¿ima responsabilidadta mingarca?

¹³ Pabloca cutin congregaciongunata visitangapaj rishpaca Galacia llactamanmi chayarca y chai llactapica huaquin congregaciongunami ña tiarca. Bibliapica “Derbe llactaman chayashca jipami Pabloca Listra llactaman yalirca” nin. Shinallata “Chai llactapica, Timoteo shuti discipulomi causarca. Paica Judea llactamanda Jesusta catij huarmigupa churimi carca. Pero paipa taitaca griegomi carca” nin (Hech. 16:1).b

¹⁴ Pabloca paipa primer viajeta rurashpami Timoteopa familiataca más o menos huata 47​pi rijsishcanga. Ishcai o quimsa huatacuna jipami congregaciongunata cutin visitangapaj rishpaca Timoteota ashtahuan rijsingapaj munashcanga. Pabloca ¿imamandata Timoteotaca rijsingapaj munarca? Porque Hechos libropi nishcashnaca Listra Iconio llactamanda huauquipanicunaca “alicunatami Timoteomandaca parlan carca”. Listra llactaca Iconio llactamandaca 30 kilometrocunata carupimi carca (Hech. 16:2). Ancianocunaca espíritu santo ayudajpimi, Pablota y Silasta cumbashpa richun Timoteotaca superintendente cachun agllarca (Hech. 16:3).

15, 16. Timoteoca shujcunapa ñaupapica ¿imamandata ali ricurirca?

¹⁵ Timoteoca huauquipanicunapaca ¿imamandata rijsishca carca? ¿Yapa inteligente, jari jari y tucuita yachaj cashcamandachu rijsishca cashcanga? Gentecunaca shujcuna imashina cajta, imata ruranata yachajtallami ricun. Por ejemplo shuj viajeca profeta Samueltapash chashna cuendami pasarca. Chaimi Jehovaca Samueltaca cashna nirca: “Mandaj Dios ñucaca, runashnaca na ricunichu. Runaca, paipaj ñavipi ricurishcatallami ricun. Ashtahuangarin Mandaj Dios ñucaca, shungutami ricuni” (1 Sam. 16:7). Huauquipanicunaca Timoteo imashna cajtallaca na ricurcachu ashtahuangarin paipa ali cualidadcunatami ricurca.

¹⁶ Huaquin huatacuna jipaca Pabloca Timoteopa ali cualidadcunamandami parlarca. Por ejemplo, imata rurangapapash listo cashcata, juyaj cashcata, huauquipanicunamanda imatapash rurangapaj dispuesto cashcatami parlarca (Filip. 2:20-22). Shinallata Timoteo ‘tucui shunguhuan crishcatami’ nirca (2 Tim. 1:5).

17. Jovengunaca Timoteomandaca ¿imatata yachajuita ushan?

¹⁷ Cunan punllacunapi jovengunapash Timoteo cuenda ali cualidadcunata charingapajmi esforzarin. Aunque jovenguna cashpapash ali cualidadcunata charishpami Jehovapa y huauquipanicunapa ñaupapipash ali ricurin (Prov. 22:1; 1 Tim. 4:15). Paicunaca maipi cashpapash, imata rurashpapash Jehová Diosta cazungapami esforzarin (Sal. 26:4). Chaimandami Timoteo cuenda congregacionbipash ashtahuan ayudaita ushan. Jovenguna publicador tucujpi, Jehovaman mingarijpi y bautizarijpica tucuicunami ninanda cushijupanchi.

18. a) Pablo y Timoteoca ¿imatata rurarca? b) Huauquipanicuna instrucciongunata cazushcamandaca ¿imashinata beneficiarirca?

¹⁸ Pablo y Timoteoca ashtaca huatacunatami pacta trabajarca. Paicunaca cuerpo gobernantepi sirvij huauquicuna mandashcataca tucuitami pactachirca. Por ejemplo: “Shuj shuj llactacunaman rinajushpaca, chai llactacunapi huauquicuna cazuchunmi Jerusalenbi ancianocuna y apostolcunapash imata decidishcata villashpandi Pablo y paipa cumbacunaca rinajurca” (Hech. 16:4). Congregaciongunaman instrucciongunata cushcata cazuimandami huauquipanicunaca “tucui shunguhuan ashtahuan crishpa catinajurca. Cada punllami ashtahuan ashtahuan mirashpa catinajurca” (Hech. 16:5).

19, 20. Ñucanchita ñaupaman pushajcunataca ¿imamandata cazuna capanchi?

¹⁹ Cunan punllacunapipash, Jehová ñucanchita ‘ñaupaman pushajcunapa’ cushca instrucciongunata cazujpillami Jehová Diosca bendicianga (Heb. 13:17). Cunan punllacunapi ashtahuan llaquicuna mirajushcamandami ‘aliguta cazushpa, aliguta pensarishpa sirvij esclavo’ llujchishca Bibliapa yachachishcacunata aprovechana capanchi (Mat. 24:45; 1 Cor. 7:29-31). Shina rurashpami shinlli feta charishun y cai mundopa ruraicunapipash na chapurishun (Sant. 1:27).

²⁰ Pablo, Bernabé, Marcos y punda tiempomanda ungidocuna cuendami cunan punllacunamanda ancianocuna y Cuerpo Gobernantemanda huauquicunapash juchayucuna can (Rom. 5:12; Sant. 3:2). Shinapashmi paicunapica tucui shungu confiana capanchi. Porque paicunaca Bibliapa yachachishcacunata cazungapaj y apostolcunapa ejemplota catingapami esforzarin (2 Tim. 1:13, 14). Chaimi congregaciongunapash shinlli tucun y paicunapa fepash shinlliyan.