Ñucanchi congregaciongunaca ¿imashinata organizashca can?

Jehová Diosca tucuita ordenbi charinatami gushtan (1 Corintios 14:33). Chaimi paita sirvijcunapash organizado cachun munan. Shinapash ¿imashinashi ñucanchi congregaciongunaca organizashca can? ¿Imashinata ñucanchicunapash ayudaita ushapanchi?

1. Ñucanchi congregaciongunataca ¿pishi ñaupaman pushajun?

‘Cristoca congregacionba umashnami can’ (Efesios 5:​23). Jesusca jahua cielomandami mundo enteromanda Jehovata sirvijcuna imacunatalla rurajta ricuriajun. Jesusca alipacha experienciata charij huaquin ancianocunatami “aliguta cazushpa, aliguta yuyashpa sirvij esclavo” cachun agllarca. Paicunataca Cuerpo Gobernante nishpami rijsipanchi (Mateo 24:​45-47, liipangui). Primer siglopi imashinami apostolcuna, ancianocunapash ruran carca, shinallatami Cuerpo Gobernantepi sirvij huauquicunaca mundo enteropi congregaciongunata ricurianajun (Hechos 15:2). Shinapash paicunaca na shuj jefe cuendachu congregaciongunataca ricurianajun. Paicunaca tucuipami Jehová Diospa ayudata mascan. Shinallata Jesustapashmi cazun.

2. Ancianocunaca ¿imacunatallata ruran?

Ancianocunaca alipacha experienciata charij huauquicunami can. Chaimi paicunaca Bibliamanda cabalguta yachachin. Shinallata congregacionbi huauquipanicunatapashmi ayudan. Shina ayudashcamandaca imatapash na cobranllu. ‘Obligacionmandallapash’ na ruranllu. ‘Culquita charinamandallapash na cuidanllu Sino tucui shunguhuanmi’ imagutapash ruran (1 Pedro 5:​1, 2). Ancianocunataca siervo ministerial huauquicunapashmi ayudan. Tiempohuanga siervo ministerial huauquicunapashmi anciano tucuita ushan.

Cuerpo Gobernantemanda huauquicunami huaquin ancianocunataca superintendente de circuito shina sirvichun agllan. Cai superintendentecunami congregaciongunata visitashpa, huauquipanicunata animashpa ayudan. Shinallata cai superintendentecunami Bibliapa nishcacunata pactachinajujta ricushpa huaquin huauquicunataca anciano o siervo ministerial shina sirvichun agllan (1 Timoteo 3:​1-10, 12; Tito 1:​5-9).

3. Congregacionmanda huauquipanicunaca ¿imacunatallata ruran?

Congregacionbica tucuicunallatami “Mandaj Diospaj [Jehová] shutita” alaban. Chaipaca reuniongunapi comentariocunata cungapaj, tucui shungu villachingapapashmi esforzarin (Salmo 148:​12, 13, liipangui).

ASHTAHUAN YACHAJUPASHUNCHI

4. Jesusca tranquilo, ali sintirichunmi ayudan

Jesusca shuj alipacha invitaciondami ruran. Mateo 11:28​manda 30​caman liishpa, cai tapuita contestapangui:

• Jesusca ¿imashinata congregaciondaca ñaupaman pushajun?

VIDEO: Nepal llactapi terremoto tiashca jipaca ¿imashinata ancianocunaca ayudarca? (4:​56)

Bibliapica ancianocuna imacunatalla rurana cashcatami yachachin.

Isaías 32:2 y 1 Pedro 5:1​manda 3​caman liishpa, cai tapuicunata contestapangui:

• Ancianocunapash Jesushna shujcunata ayudangapaj esforzarinajujta ricushpaca ¿imashinata sintiripangui?

• Ancianocunaca ¿imata ashtahuan rurashpata Jesuspa ejemplota catinajushcataca ricuchin?

5. Ancianocunaca ruraicunahuanmi imagutapash yachachin

VIDEO: Anciano huauquicuna ali ejemplota cushpa ñaupaman pushaichi (7:​39)

Jesusca congregacionda ñaupaman pushaj huauquicuna imashina cana cashcatami nirca. Mateo 23:8​manda 12​caman liishpa, cai tapuicunata contestapangui:

• Bibliapi nishcashnaca ancianocunaca ¿imashinata cana can? Religiongunata ñaupaman pushajcunaca ¿Bibliapi nishcashnachu pactachinajun?

1. Ancianocunaca Jehová Diospaman quimiringapami esforzarin. Shinallata paicunapa familiatapash chaita rurachunmi ayudan

2. Ancianocunaca congregacionmanda huauquipanicunamandaca ninandami preocuparin

3. Ancianocunaca siempremi predicacionman llujshin

4. Ancianocunaca ali yachachijcunami can. Shinallata congregacionbi shuj shuj ruraicunapipashmi ayudan

6. Tucuicunallatami ancianocunataca ayudai ushapanchi

Bibliapimi ancianocunata imamanda apoyana cashcata yachachin. Hebreos 13:17​ta liishpa, cai tapuicunata contestapangui:

• Bibliapi nishcashnaca ¿imamandata ñaupaman pushajcunataca cazuna, shinallata uyana capanchi? Chaita ruranaca ¿alichu can? ¿Imatata yuyapangui?

Lucas 16:10​ta liishpa, cai tapuita contestapangui:

• Ancianocunataca ¿imamandata uchilla cosascunapipash apoyana capanchi?

YARINGAPAJ

Jesusmi congregaciongunataca ñaupaman pushajun. Ancianocunaca Jesuspa nishcacunatami cazun. Chaimandami paicunataca tucuipi cushijushpa apoyapanchi.

¿Imatata yachajupashcanchi?

• Congregaciongunataca ¿pita ñaupaman pushajun?

• Ancianocunaca ¿imashinata congregacionmanda huauquipanicunataca ayudan?

• Tucuilla Jehovata sirvijcunaca ¿imacunatallata rurana capanchi?

CAITAPASH RICUPAI

Cuerpo Gobernantemanda huauquicuna, ancianocunapash huauquipanicunamanda imashina preocuparin cashcata ricupai.

Catiriashpa llaquichinajujpimi huauquicunaca shuj huauquipanicunata aguantashpa catichun ayudan (4:​22)

Superintendente de circuito huauquicuna ima responsabilidadcunatalla charishcata ricupai.

Shuj superintendenteca shuj caru islapimi visitata ruran (4:​51)

Ñucanchi panigucuna congregacionbi imashina ayudan cashcata ricupai.

“¿Testigo de Jehovacunapica huarmicunapashchu Taita Diosmandaca yachachin?” (Villajun revista, 1 de septiembre de 2012)

Anciano huauquicuna shuj huauquipanicunata ayudangapaj imashina esforzarin cashcata ricupai.

“Ancianocunaca tucuicunallata ali causachun, Jehová Diostapash cushijushpa sirvichunmi ayudanajun” (Villajun revista, 15 de enero de 2013)