Tauturu Apii

Kimi i te au Tuatua Mou no Runga ia Iehova

Me tatau tatou i te Pipiria, ka rauka ia tatou i te taangaanga i te au apinga apii tukeke kia tauturu ia tatou kia mārama i te reira. Inara, ka maata atu te meitaki me kimikimi tatou i te tika. Ka inangaro tatou i te kimi i te au tuatua mou no runga i to Iehova au tu, te ka akamaata i to tatou inangaro iaia. Kia rave i teia, ka ui tatou, ‘Eaa ta teia irava Pipiria e apii maira iaku no runga ia Iehova?’

Ka apii tatou i te au akara anga o te au tu o Iehova mei te aroa, te pakari, te tika, e te mana. Inara, kare e ko teia ua to Iehova au tu. Te ō maira tetai atu au tu tau tikai. Ka kitea te tauturu no tona au tu kiea?

Akara i tetai ua atu au tu e 50 tuma i roto i te Watch Tower Publications Index i raro i te tumu manako “Jehovah” aru mai ki te manako “Qualities by Name.” Kimi kimi i te au tu te rotai ra ki te irava Pipiria taau e tatau ra. (Me ka rauka ia koe i te akara te Research Guide for Jehovah’s Witnesses, aere ki te tumu manako “Jehovah God” aru mai ki te manako “Jehovah’s Qualities.”)