Eaa ta te Patireia o te Atua ka Akatupu?
Te pauanga a te Pipiria
Ka mono te Patireia o te Atua i te au kavamani katoatoa a te tangata e ka tutara ki rungao i te enua katoa. (Daniela 2:44; Apokalupo 16:14) A te reira taime, na te Patireia o te Atua e . . .
Takore i te aronga kino, no to ratou tu kino ki te katoatoa. “Ka tipu keia ra te aronga kino i te enua nei.”—Maseli 2:22.
Takore i te tamaki. “Kua akakore [te Atua] i te tamaki e tae rava akenei ki te openga enua.”—Salamo 46:9.
Apai mai i te oraanga meitaki e te ponuiaau ki te enua. “E noo ‘au ratou ravarai ki raro ake i tana uaorai vine, e tana uaorai suke, e kare tetai e tamataku ia ratou.”—Mika 4:4, Good News Translation.
Akariro i te enua ei parataito. “Ka rekareka te medebara maro; e te ngai vaiavare ua ka rekareka e ka puera te tiare.”—Isaia 35:1, Contemporary English Version.
Oronga mai i te angaanga meitaki ki te katoatoa. “E rekareka tei ikiia e [te Atua] ra, i te angaanga a to ratou uaorai rima. Kare ratou e angaanga puapinga kore ua.”—Isaia 65:21-23.
Akakore i te maki. “Kare oki to reira e karanga e, Kua maki au.”—Isaia 33:24.
Akakore i te oraanga ruaine. “E maata oki te poria o tona ra kopapa i to te tamariki ra: e oki aia ki te au rā o tona ou anga ra.”—Iobu 33:25.
Akaora i te aronga tei mate. “E akarongo ei te aronga katoa i roto i te rua i [to Iesu] reo, e kua aere mai ki vao.”—Ioane 5:28, 29.