Дэвлэскиро Царство, со ада?

1. Дэвлэскиро Царство, со ада?

Дэвлэскиро Царство — ада правительство про болыбэн. Ёв парувэла сарэ манушытка правительствы и скэрла Дэвлэскири воля сыр про болыбэн, адякэ и прэ пхув. Весть пал Дэвлэскиро Царство — ада бахталы весть. Сыго Дэвлэскиро Царство исполнит манушэнгиро желаниё пал лачё правительство. И сарэ, кон дживэл прэ пхув явэна кэтанэ. Прогин Даниила 2:44; Матфея 6:9, 10; 24:14.

Дро любо Царство исы царё. Яхва чудя дрэ пэскиро болыбнытко Царство Царёса пэскирэс Чавэс, Исусос Христо́с. Прогин Откровение 11:15.

Подык видео «Дэвлэскиро Царство. Со ада?»

2. Соскэ Исусо — само лачё Царё?

Дэвлэскиро чаво — само лачё Царё, палдова со ёв добро и справедливо (Матфея 11:28—30). И адякэ жэ, лэстэ бари зор, палдова со ёв правинэл болыбнастэр. Палдава ёв сможэт фэдыр помочь манушэнгэ. Исусо ґаздэяпэс про болыбэн, после одова, сыр воскрес. Ёв бэштя Яхвастэр пиро право васт (Евреям 10:12, 13). Кэдэ явья времё, Дэвэл дэя саро дрэ лэскирэ васта, и ёв лэя тэ правинэл. Прогин Даниила 7:13, 14.

3. Кон лэла тэ правинэл Исусоса?

Кэтанэ Исусоса про болыбэн лэна тэ правинэн мануша, савэ накхардэ дрэ Библия «свэнтонэнца» (Даниил 7:27). Лэн выкэдэл кокоро Яхва. Перва адалэ манушэндэр исыс верна Исусоскирэ апостолы. И кэ амарэ Дэвэса о Дэвэл выкэдэл «свэнтонэн» — муршэн и джювлен, савэ преданна Дэвлэскэ. Адя жэ сыр о Исусо, онэ воскрешаются про болыбэн сыр ангелы. Прогин Иоанна 14:1—3; 1 Коринфянам 15:42—44.

Кэцык манушэн джяла про болыбэн? Исусо накхардя лэн «набаро стадо» (Луки 12:32). Всего лэн явэла 144 000. Онэ лэна тэ правинэн пхувъяса кэтанэ Исусоса. Прогин Откровение 14:1.

4. Со кэрдяпэс кэдэ Иисусо ячья тэ правинэл?

Дэвлэскиро Царство ячья тэ правинэл дро 1914 бэршa. Пэскиро правлениё Исусо начал одолэстэр, со счурдыя Налачес и лэскирэ ангелэн прэ пхув. Налачё загэя дрэ холи и лэя тэ кэрэл манушэнгэ екх бибах пал явир (Откровение 12:7—10, 12). Одолэ времёстэр ко мануша ячьнэ бут биды. Марибэна, бокх, насвалыпэна и пхув лэя тэ издрал — саро адава исы «признакоскири» часть, сави сыкавэл, со Дэвлэскиро Царство сыго явэла. Прогин Луки 21:7, 10, 11, 31.

5. Со яндэла Дэвлэскиро Царство?

Пал Дэвлэстэ роспхэнэн пир сари пхув, палдава Дэвлэскиро Царство ужэ дадывэс скэдэл кэтанэ бут манушэн сарэ народэндэр. Миллионы мануша лаче илэса, лэна тэ дживэн тэло Исусоскиро правлениё. Дэвлэскиро Царство заракхэла лэн дрэ одова времё, кэдэ лэла тэ хасёл адава холямо миро. Палдава сарэнгэ, кон камэл тэ дживэл тэло Дэвлэскиро Царство чеинэ тэ сыклёл тэ кандэл Исусос. Прогин Откровение 7:9, 14, 16, 17.

Кэдэ явэла Исусоскиро Тысячелетнё правлениё о Царство скэрла одова, со задуминдя о Дэвэл ваш манушэнгэ дро само начало. Раё явэла пир сари пхув. После адава Исусо пиридэла Царство пэскирэскэ Дадэскэ (1 Коринфянам 15:24—26). Конэскэ бы ту камьян тэ роспхэнэс пал Дэвлэскиро Царство? Прогин Псалом 37:10, 11, 29.