УРОК 8
Соскэ Дэвэл домэкэл налачипэн и биды?
1. Кацыр лэяпэс налачипэн?
Палдава со, Дэвэл домэкэл манушытко правлениё, амэ дыкхас, со мануша не могут решить пэскирэ проблемы
Налачипэн прэ пхув лэяпэс одолэ времёстэр, кэдэ Налачё перво моло хохадя. Сначала Налачё исыс бигрэхытко ангело, нэ ёв «наурикирдяпэс дро чачипэн» (Иоанна 8:44). Ёв закамья, собы лэскэ тэ служинэн, сыр Дэвлэскэ. А тэ служинас должны только Одолэскэ, кон саро сотворил. Налачё хохадя первонэ джювля, Ева, и уракирдя ла тэ пошунэлпэс лэс, а нанэ Дэвлэс. Адамо тэрдыя прэ Евакири строна. Пал Адамоскиро выборо сарэ попэнэ дро биды и лэнэ тэ мэрэн. Прогин Бытие 3:1—6, 19.
Налачё уракирдя Ева тэ напошунэлпэс Дэвлэс, и адякэ ёв гэя против Дэвлэскири власть. Бут мануша подрикирдэ Налачес и назакамнэ Дэвлэс сыр Правителёс. Адякэ Налачё ячья «правителё адалэ мироскиро». Прогин Иоанна 14:30; 1 Иоанна 5:19.
2. Исыс ли дрэ Дэвлэскиро творениё савота недостатко?
Сарэ Дэвлэскирэ делы совершенна. Палдава сначало мануша и ангелы могли тэ кандэн Дэвлэс дрэ саро (Второзаконие 32:4, 5). Нэ Дэвэл адяжэ дэя амэнгэ воля кокорэнгэ тэ выкэдас, сыр тэ кэрас кучь или накучь. Адая воля дэл амэнгэ выборо тэ кандас лэс, палдава со амэ лэс камас. Прогин Иакова 1:13—15; 1 Иоанна 5:3.
3. Соскэ о Дэвэл домэкэл налачипэн кэ адалэ дэвэса?
Яхва домэктя прэ савота времё, собы тэ джян против лэскиро правлениё. Нэ соскэ? Собы тэ сыкавэл, со нисаво правлениё би Дэвлэскиро наяндэла манушэнгэ бах (Экклезиаст 7:29; 8:9). Мануша дживэн ужэ 6 000 бэрш и лэнгиро джиипэн сыкадя адава. Ни екх правителё не смог тэ укэдэл о марибэна, криминало, несправедливость и насвалыпэна. Прогин Иеремии 10:23; Римлянам 9:17.
Дэвлэскиро правлениё нанэ сыр манушытко, Дэвлэскиро правлениё дэл бах (Исаия 48:17, 18). Сыго Яхва укэдэла сарэ манушытка правлении. Прэ пхув лэна тэ дживэн только одолэ, кон выкэдыя Дэвлэс пэскирэ правителёса (Исаия 11:9). Прогин Даниила 2:44.
Подык видео «Соскэ Дэвэл домэкэл о биды?»
4. Саво лачипэн амэнгэ одолэстэр, со Дэвэл адякэ долго терпинэ?
Налачё пхэндя, со ни екх мануш налэла тэ кандэл Яхвас, если лэскэ адава не выгодно. Камьян бы ту доказать, со адава нанэ чачипэн? Ту можэшь! Дэвэл терпеливо, и кажно мануш можэт тэ сыкавэл, саво правлениё ёв выкэдэла манушэнгиро или Дэвлэскиро. Саво амэ лыджяс джиипэн сыкавэл, конэскири строна амэ залыям. Прогин Иов 1:8—12; Притчи 27:11.
5. Сыр тэ выкэдэс Дэвлэс пэскирэ Правителёса?
Амарэ решения сыкавэн, камас ли амэ, собы Дэвэл тэявэл ямарэ Правителёса
Собы тэ выкэдэс Дэвлэс пэскирэ Правителёса, чеинэ тэ уґалёс, сыр Библия сыклякирэл тэ патял дрэ Дэвлэстэ и тэ дживэл адя (Иоанна 4:23). Собы тэ наподрикирэс Налаческиро правлениё, чеинэ сыр Исусо тэ рикирэспэ дрэ строна политикатэр и тэ наджяс про войны. Прогин Иоанна 17:14.
Налачё через пэскири власть, камэл тэ сыкавэл манушэнгэ биладжякунэ дэлы и явир грэхи, со ада саро адякэ должно тэявэл. Если амэ дживас адя сыр камэл Дэвэл, амари родня и пэскирэ лэна тэ санпэс прэ амэндэ. И лэна мешать амэнгэ тэ сыклёл пирэ Библия (1 Петра 4:3, 4). Палдава амэнгэ чеинэ тэ выкэдас со дрогэдыр. Яваса ли амэ машкир одолэндэ, кон камэл Дэвлэс? Ласа ли амэ тэ шунас лэскирэ мудра законы? Если амэ кэраса правильно выборо, амэ сыкаваса, со Налачё — хохано и со мануша могут тэ яченпэс верна Дэвлэскэ дажэ кэдэ пхаро. Прогин 1 Коринфянам 6:9, 10; 15:33.
Дэвлэскири любовь ко мануша — ада уверенность дрэ одова, со саро налачипэн и биды наявэна. Одолэ, кон уверена, со Дэвлэскиро дром — само лачё, лэна тэ дживэн вечно дро раё прэ пхув. Прогин Иоанна 3:16.