Сыр э семья можэт тэявэл бахталы?

1. Соскэ важно зарегистрировать пэскиро бьяв?

Бахталы весть джял Яхвастэр, бахталэ Дэвлэстэр, саво камэл, собы сарэ семьи прэ пхув тэявэн бахталэ (1 Тимофею 1:11). Кокоро Дэвэл создал семья. Собы семья тэявэл бахталы, дриван важно зарегистрировать пэскиро бьяв. Адава дэла защита сарэ семьякэ и чаворэ лэна тэ барьён дрэ бах. Одолэ, кон камэн тэ кандэн Дэвлэс, должны уважать местна законы и зарегистрировать пэскиро бьяв. Прогин Луки 2:1, 4, 5.

Сыр Дэвэл отлыджялпэс кэ семья? Ёв камэл, собы ром и ромны тэявэн кэтанэ саро джиипэн. Яхва камэл, собы ром и ромны тэявэн верна екх екхэскэ (Евреям 13:4). Дэвэл ненавидит разводо (Малахия 2:16). Нэ ёв домэкэл тэ розлыджялпэс одолэскэ христианиноскэ, савэс явир ячкирдя и лэя пэскэ явирэс ромэс или ромня. Прогин Матфея 19:3—6, 9.

2. Сыр ром ромняса должны тэ отлыджянпэс екх кэ екх?

Яхва создал муршэс и джювля адякэ, собы онэ тэ подрикирэн екх екхэс (Бытие 2:18). Ром — хулай дрэ семья. Ёв должэн тэ яндэл ловэ дро кхэр и тэ сыклякирэл пэскири семья пирэ Библия. Ром дорожит пэскэрэ ромняса и палдава ёв должэн тэ думинэл нанэ только пал пэстэ нэ и пал латэ. Ром ромняса должны тэ ракхэн и уважать екх екхэс. Сарэ мануша грешна. Палдава амэнгэ чеинэ тэ простинас роднонэн манушэн. Э семья явэла бахталы, если ту джинэс прощать. Прогин Эфесянам 4:31, 32; 5:22—25, 33; 1 Петра 3:7.

3. Со тэ кэрэс, если дрэ семья нанэ бах?

Если дрэ семья явэла пхаро времё ромэскэ и ромнякэ чеинэ тэ камэн екх екхэс еще бутыр (1 Коринфянам 13:4, 5). Дрэ Библия ракирэлпэс, со Дэвэл накамэл, собы пало проблемы конта лэндэр тэ уджял кхэрэстэр. Прогин 1 Коринфянам 7:10—13.

4. Чаворэ, со камэл ваш тумэнгэ Дэвэл?

Яхва камэл, собы тумэ тэ радынэнпэс джиипнаскэ. Ёв сыклякирэл тут, собы тэрэ тэрнэ бэрша тэявэн бахталэ. Ёв камэл, собы тумэ тэ шунэнпэс дадэс и да, палдова со онэ мудрее и проджиндэ бутыр тумэндэр (Колоссянам 3:20). А еще Яхва камэл, собы тумэ тэ кэрэн адя, сыр ёв камэл и лэскиро Чаво, и тэдэ тумэ явэна бахталэ. Прогин Экклезиаст 11:9—12:1; Матфея 19:13—15; 21:15, 16.

5. Дад и дай, со тумэ можэте тэ скэрэн ваш пэскирэ чаворэнгэ?

Тумэнгэ чеинэ тэ кэрэн адя, собы, кэ тумарэ чаворэ тэявэл хабэ, урьяибэн и кхэр (1 Тимофею 5:8). Нэ собы чаворэ тэ барьён бахталэ, чеинэ тэ сыклякирэл лэн тэ камэл и тэ кандэл Дэвлэс (Эфесянам 6:4). Тэрэ чаворэ дыкхэн прэ тутэ, сыр ту камэс Дэвлэс, адя и онэ лэна тэ камэн лэс. Дэвлэскиро Лав поможэт тумэнгэ воспитать тумарэ чаворэн, собы онэ тэ выбарьён лаче манушэнца. Прогин Второзаконие 6:4—7; Притчи 22:6.

Чаворэн чеинэ тэ шарэс и тэ ракирэс со лэн камэн. Нэ и адяжэ лэнгэ чеинэ тэ ракирэс, сыр пэс правильно тэ лыджял и тэ дэл наказаниё. Адава заракхэла лэн делэндэр, савэ могут тэ хаськирэн лэнгиро детство и потом саро джиипэн (Притчи 22:15). Нэ наказаниё не должно тэявэл дриван холямо или жестоко. Прогин Колоссянам 3:21.

Кэ Яхваскирэ Свидетели исы книги, савэ помогут дадэскэ, дакэ и лэнгирэ чаворэнгэ. Адалэ книги сыклякирэн пирэ Библия Прогин Псалом 19:7, 11.