УРОК 10
Сыр тэ лакхэс чачуны религия?
1. Чачуны религия — екх или бут?
«Ракхэнпэс хоханэндэр пророкэндэр» (МАТФЕЯ 7:15).
О Исусо сыклякирлас пэскирэн ученикэн, со исы только екх чачуны религия. Можно тэ пхэнэс, со ада дром, саво лыджял ко вечно джиипэн. Исусо пхэндя, со нанэ сарэ лакхэна адава дром (Матфея 7:14). Дэвэл прилэл только екх поклонениё, саво сыклякирэл пир лэскиро лав Библия. Сарэ чачунэ Дэвлэскирэ служители кэтанэ скэдэнэ дрэ екх вера. Прогин Иоанна 4:23, 24; 14:6; Эфесянам 4:4, 5.
Подык видео «Прилэл Дэвэл сарэ религии?»
2. Со Исусо пхэндя пал хоханэ христианэндэ?
«Онэ ангил сарэндэ ракирэн, со джинэн Дэвлэс, нэ делэнца отпхэнэнпэс лэстэр» (ТИТУ 1:16).
Исусо ракирдя, со явэна хоханэ пророки, савэ перекэрна христианство. Лэн не всегда локхэс отличить чачунэндэр христианэндэр. Нэ онэ накхарэн пэс одолэнца, кон джял палэ Христостэ и накхарэн пэскирэ кхангирья христианска. Нэ тэ полэс, кон исы кон, саек возможно. Сыр? Только дрэ чачуны религия можно тэ удыкхэс лаче христианска делы и качества. Прогин Матфея 7:13—23.
3. Сыр тэ уґалёс чачунэн Дэвлэскирэн служителен?
Подыкхаса панчь отличии.
Чачунэ христиане патян, со Библия — ада Дэвлэскиро Лав. Онэ стараются тэ дживэн пирэ библейска принципы. Адалэса чачуны религия дриван отличается сарэ религиендэр, савэ сыклякирэн пирэ манушитка взгляды (Матфея 15:7—9). Кэ чачунэ христиане лава нарозджянпэс делэнца. Прогин Иоанна 17:17; 2 Тимофею 3:16, 17.
Чачунэ Исусоскирэ ученики славинэн Дэвлэскиро лав, Яхва. Кэдэ Исусо ракирдя манушэнца, ёв часто накхарлас Дэвлэскиро лав, и адя лэскиро лав славинэласпэс. Ёв роспхэнэлас манушэнгэ пал Дэвлэстэ и сыклякирлас лэн тэ мангэнпэс, собы Дэвлэскиро лав тэ свэнтынэлпэс (Матфея 6:9). Кон дрэ тэро форо роспхэнэл пал Дэвлэскиро лав? Прогин Иоанна 17:26; Римлянам 10:13, 14.
Чачунэ христиане роспхэнэн пал Дэвлэскиро Царство. Дэвэл бичадя Исусос тэ роспхэнэл бахталы весть пал Царство. Только Царство сможэт решить манушытка проблемы. Иисусо роспхэнэлас пал лэстэ саро пэскиро джиипэн, ко само последнё вздохо (Луки 4:43; 8:1; 23:42, 43). Ёв пхэндя, со одолэ кон джял пал лэстэ лэна тэ кэрэн адяжэ. Дрэ сави религия поджян ко мануша, собы тэ ракирэн пал Дэвлэскиро Царство? Прогин Матфея 24:14.
Одолэ, кон джял пал Исусостэ наподрикирэн адава холямо миро. Лэн можно тэ уґалёс пир одова, со онэ наджян дрэ политика и накошэнпэс барэ ранца (Иоанна 17:16; 18:36). Адякэ жэ онэ накэрэн налаче делы и надуминэн адя, сыр мануша дрэ адава миро. Прогин Иакова 4:4.
Чачунэ христиане сарэ илэстэр тэрдэнпэс екх пал екхэстэ. Дэвлэскиро лав сыклякирдя лэн уважать сарэн манушэн, сарэ нациендэр. Хоханэ религии подрикирэн войны и джян дро военна конфликты, чачунэ христиане отпхэнэнпэс адава тэ кэрэн (Михей 4:1—3). Онэ отдэн пэскиро времё и ловэ, собы помогать манушэнгэ и тэ подрикирэн лэн, кэдэ лэнгэ пхаро. И кэрэн адава без выгоды. Прогин Иоанна 13:34, 35; 1 Иоанна 4:20.
4. Сыр тэ уґалёс чачуны религия?
Сави религия сыклякирэл пирэ Библия, славинэл Дэвлэскиро лав и ракирэл пал одова, со только Дэвлэскиро Царство решит манушэнгирэ проблемы? Кон манушэндэр, савэ патян дрэ Дэвлэстэ камэн екх екхэс сарэ илэстэр и отпхэнэнпэс тэ джян про войны? Сыр ту думинэс, кон адя кэрэл? Прогин 1 Иоанна 3:10—12.