Сыр библейска принципы лыджян амэн ко лачипэн?

1. Соскэ не всегда чеинэ тэ дживэл только пэскирэ годяса?

Амаро Творцо про бут мудрее и опытнее амэндэр. Ёв сыр Дад, саво амэн камэл, переживает пал амэндэ и камэл тэ уракхэл амэн лишнёнэ проблемэндэр. И амэ адя создана, со не можэм тэ дживас би Дэвлэскиро (Иеремия 10:23). Сыр тэкномас нуждается дрэ дадэскири и дакири забота, адякэ жэ и амэ нуждаемся дрэ мудро совето Одолэстэр, кон амэн создал (Исаия 48:17, 18). Библейска принципы — ада руководство ваш амаро джиипэн. Ада подарко Дэвлэстэр. Прогин 2 Тимофею 3:16.

Яхваскирэ законы и принципы ужэ дадывэс помогают амэнгэ тэ дживэл фэдыр. И онэ сыкавэн сыр, дрэ будущё амэндэ можэт тэявэл вечно джиипэн. Дэвэл амэн создал и палдава ёв джинэл пал амэндэ саро. Исыс бы мудро тэ пришунаспэс кэ лэскирэ советы и тэявас пал лэндэ благодарна. Прогин Псалом 19:7, 11; Откровение 4:11.

2. Библейска принципы. Со ада?

Дрэ Библия исы законы и принципы. Законы — ада конкретна правилы. А принципы — ада основы, савэ поджян дрэ любо ситуация, сави можэт тэявэл дро джиипэн (Второзаконие 22:8). Собы тэ полэс сыр применить адалэ Библейска принципы дрэ одоя или явир ситуация чеинэ кучес тэ подуминэс (Притчи 2:10—12). Например, Библия сыклякирэл, со джиипэн — ада Дэвлэскиро подарко. Адава главно принципо поможэт амэнгэ тэ пририкирэлпэс правилы, собы тэ сракхэл пэскиро джиипэн, кэдэ амэ сам прэ буты, кхэрэ или про отдыхо. Прогин Деяния 17:28.

3. Савэ дуй принципы сама важна?

Иисусо пхэндя, со исы дуй сама важна принципы. Дро перво ракирэлпэс саво смысло дрэ манушэскиро джиипэн — ада тэ джинэс Дэвлэс, тэ камэс лэс и преданно лэс тэ кандэс. Савэ бы решения дрэ пэскиро джиипэн тэ наприлас, амэнгэ чеинэ тэ лас дро вниманиё адава перво принципо (Притчи 3:6). Одолэ, кон адя кэрэн смогут тэявэн ближэ ко Дэвэл, тэ дживэн вечнэс и тэявэн бахталэ. Прогин Матфея 22:36—38.

Второ принципо поможэт амэнгэ тэявас дрэ лаче отношения явирэнца (1 Коринфянам 13:4—7). Собы применять адава принципо, чеинэ тэ отлыджялпэс ко мануша адякэ жэ, сыр отлыджялпэс о Дэвэл. Прогин Матфея 7:12; 22:39, 40.

4. Палсо тэ дживэс пиро библейска принципы?

Библейска принципы помогают, собы дрэ семья сарэ тэ тэрдэнпэс екх пал екхэстэ и чачунэс тэ камэн екх екхэс (Колоссянам 3:12—14). Дрэ Дэвлэскиро Лав исы еще екх важно принципо, саво кэрэл зоралэдыр семьи. Библия сыклякирэл, со семья — ада прэ саро джиипэн. Прогин Бытие 2:24.

Если тэ дживэс пирэ Библия, то можно тэ сракхэс э буты и кэ ту явэла саро необходимо ваш джиипэн, и про ило явэла спокойствиё. Например, прэ буты лэн, одолэн, кон чачуно и кон сарэ илэстэр кэрэл буты (Притчи 10:4, 26; Евреям 13:18). Дэвлэскиро Лав сыклякирэл амэн тэявас рада одолэскэ, со амэндэ исы само необходимо и дружба Дэвлэса должна тэявэл дрогэдыр, чем о ловэ. Прогин Матфея 6:24, 25, 33; 1 Тимофею 6:8—10.

Если тэ дживэс пирэ библейска принципы, то онэ помогут тэ сракхэн састыпэн (Притчи 14:30; 22:24, 25). Например, Библия сэндякирэл манушэн, савэ запьенпэс. Если амэ шунаспэс Дэвлэс и бут напьяс, то адава заракхэла дукхэндэр, савэ лыджян ко мэрибэн и явирэ бидэндэр, например тэ розмарэлпэс прэ пхурдыны (Притчи 23:20). Яхва не против, собы мануш тэ пьел, нэ дрэ мера (Псалом 104:15; 1 Коринфянам 6:10). Дэвлытка принципы сыклякирэн амэн тэ дыкхас пал пэскиро поведениё, и пал пэскирэ мысли (Псалом 119:97—100). Чачунэ христиане дживэн пир Дэвлэскирэ нормы нанэ только ваш одова, собы дадывэс тэ дживэн фыдыр, нэ и пал одова, собы тэ славинэл Яхвас. Прогин Матфея 5:14—16.