Сыр тэявэс кэтанэ Дэвлэса?

1. О Дэвэл, шунэл сарэ молитвы?

Дэвэл камэл, собы о мануша тэ мангэнпэс лэскэ и адякэ онэ явэна кэтанэ лэса (Псалом 65:2). Нэ ёв шунэл нанэ сарэ молитвы. Например, если мурш накучь отлыджялпэс кэ пэскири ромны, то Дэвэл можэт тэ надэл ответо прэ лэскирэ молитвы (1 Петра 3:7). Дэвэл нашунэлас израильтянэн, кэдэ онэ саек кэрнас пэскирэ налаче делы. Нэ ёв камэл тэ шунэл, одолэн, кон раскаивается дрэ пэскирэ грэхи. Чеинэ тэ рипирас, со тэ мангаспэс Дэвлэскэ — ада бари патыв. Прогин Исаии 1:15; 55:7.

Подык видео «О Дэвэл, шунэл сарэ молитвы?»

2. Сыр чеинэ тэ мангэлпэс?

Тэ мангэлпэс чеинэ только Яхваскэ, палдава со ёв амаро Творцо и екх чачуно Дэвэл (Матфея 4:10; 6:9). Нэ амэ сарэ бияндыям грешна, палдава чеинэ тэ мангэлпэс через Исусостэ, саво мэя пал амарэ грэхи (Иоанна 14:6). Яхва накамэл, собы амэ тэ ракирас заученна молитвы и тэ гинас лэн молитвенникэндэр. Ёв камэл, собы амэ тэ ракирас, со амэндэ прэ годы и со дро ило. Прогин Матфея 6:7; Филиппийцам 4:6, 7.

Амаро Творцо шунэл дажэ одолэ молитвы, савэ амэ ракирас дрэ пэстэ (1 Самуила 1:12, 13). Ёв камэл, собы амэ тэ мангаспэс дро любо времё. Явэла кучь, если начинать и заканчивать пэскиро дэвэс молитваса, тэ мангэлпэс пал хабэ и кэдэ амэнгэ пхаро. Прогин Псалом 55:22; Матфея 15:36.

3. Соскэ христиане должны тэ скэдэнпэс кэтанэ?

Тэявэс кэтанэ Дэвлэса нанэ локхэс, палдава со амэ дживас машкир адасавэндэ манушэндэ, савэ напатян дрэ Дэвлэстэ и санпэс прэ одова, со ёв камэл тэ кэрэл прэ пхув о раё (2 Тимофею 3:1, 4; 2 Петра 3:3, 13). Палдава амэнгэ чеинэ общаться одолэнца, кон патял дрэ Яхвастэ и тэ подрикирас екх екхэс. Прогин Евреям 10:24, 25.

Общениё, одолэнца, кон камэл Дэвлэс, поможэт амэнгэ тэявас кэтанэ лэса. Встречи прэ савэ явэн Яхваскирэ Свидетели помогают зоралэдыр тэ патяс дрэ Дэвлэстэ. Прогин Римлянам 1:11, 12.

4. Сыр тэявэс кэтанэ Дэвлэса?

Ту явэса кэтанэ Дэвлэса, если лэса тэ думинэс пал одова, со уґалыян лэскирэ Лавэстэр. Думинэ пал лэскирэ делы, законы и одова, со ёв скэрла. Адава поможэт тукэ тэ удыкхэл, сыр Дэвэл тут камэл и саво ёв мудро. Прогин Иисуса Навина 1:8; Псалом 1:1—3.

Ту сможэшь тэявэс кэтанэ Дэвлэса, если лэса доверять лэскэ и тэ патяс дрэ лэстэ. Патябэн, ада сыр яг, собы ей тэ хачёл чеинэ тэ подчурдэс о кашта. Собы и дальше тыро патябэн тэ явэл зоралэдыр, чеинэ тэ мангэспэс, и тэ думинэс, соскэ ту патяс, со адалэ библейска учения чачунэ. Прогин Матфея 4:4; Евреям 11:1, 6.

5. Соскэ кучь тэявэс кэтанэ Дэвлэса?

Яхва доринэл и подрикирэл одолэн, кон лэс камэл. Ёв ракхэл амэн сарэстэр, со можэт тэ пхагэл амаро патябэн дрэ лэстэ и тэ отлэл вечно джиипэн (Псалом 91:1, 2, 7—10). Дэвэл ракхэл амэн одолэстэр, со закэдэл амэндэр састэпэн и бах. Яхва помогает амэнгэ тэ джял пир само лачё дром. Прогин Псалом 73:27, 28; Иакова 4:4, 8.