Ka ‘Ạmis Ös A‘potsusun Tapen se Tạunạ‘i?

Kepoi ka ‘äe ke hat Puk Ha‘ ma le‘et ‘e Uetnes ‘on Jihova, taf pạu ne ‘äe ‘io hö‘ se tē ne ‘äe la rako, ma kotä ‘äe a‘sok ‘ou hat puk ta. Iạ la ‘es‘ao ti‘ pạu kepoi ka ‘äe la rē tape‘, ma kotä ‘äe leum se tạunạ‘i. ‘Is la pō ‘on ‘es‘ao kepoi ka ‘is la fūfū‘ȧk a‘lelei ‘os ava.

A‘fumou‘ȧk utut ma av het ne la hat puku. Ka av hes ta lelei la ‘äe la ös a‘potsusunu? ‘E mijarȧn ta ‘e avat ne ‘äe kat minte kamat ra  ‘ou garue ne terȧn ta, ne ‘e asoah ta ‘e avat ne lä‘riri‘i mose? Kepoi ka ‘äe kal pō ra la hat puk roa, a‘fumou‘ȧk av het ne ‘äe la pō, ma matạ‘ la se ‘es ta tēet la tāopea ‘äe. Ao ta utut ne kat ‘ifaliag ra, ‘ut‘ȧk tē ne la hoa‘ tuen ‘ou a‘häe ma mös‘ạkia retio, tivi ne telefon ta. Kamat ‘e ta ro‘ạitu la hạiasoagan ‘äe la rouof kokon ne terȧn ta la pō la ‘äe la a‘häe a‘lal se fäeag ‘on ‘Ạitu.​—Filipai 4:6, 7.

Sah tög ne sại‘o, ma ös la tög sạio‘. Hat ‘atakoa la pō‘ia ‘amnȧk ne tē ne fạ‘i . Rē a‘häe se filo‘ heta ne väe ta, ‘io ne filo‘ riri‘i täe tapen se ‘amnȧk ta, sạkior se mạlu ma ‘io hö‘ se sạio‘ ne a‘tafan ‘amnȧk pạu ta. Ma kotä hat väeag ne ạfu, ma aoa tög ne sạio‘ ne pȧn sio. Säe ma hat ut ne puk ne pȧn sio, ma rē a‘häe ne iạ hạiasoag tapen se tē ne fȧ‘ sio. (Garue 17:11) ‘E avat ne ‘äe pō tög ne sại‘o, sah fȧn fäeag he his ‘e laloag ne väeag ne ạfu ne la hö‘ạkim se ‘ou a‘häe tög ne sạio‘ ta. Ma, ‘e av ne tạunȧ‘ ta, kepoi ka ‘äe pa tög a‘luạk sạio‘ ta, ‘äe la pō la suel‘ȧk ‘ou si‘u.

‘E av ne ‘äe la sạkiro e se resön tūtū ne hạihạifäegag se‘ ‘e tạunạ‘i ‘e te‘ ne gasav ‘i, ‘äe täla häe‘ȧk tē fo‘ou se ‘ou “ūt ȧf‘ạkiag koroa” ‘e ‘inea tē ne Puk Ha‘a.​—Mataio 13:51, 52.

• Ka fūfū‘ȧk tē tese tä ‘äe la pō la tạupir sin ‘e ‘ou ösös se tạutạunạ‘i?

• Ka ‘äe la pō la a‘potsusun tapen la tög sạio‘ ‘e tạunạ‘i?