Ka Pō ‘e Tese ‘Ạmis La‘ se Kato‘ag Titi‘u?

Ka pō ‘e tes ta famori maf kakahā? ‘E rēko iris täe ‘e ‘otomis kato‘agat. La fak se iris lelea‘ ea‘ ‘on ‘Ạitu ‘e ‘on mumua ne fas‘ȧk la tạunȧ‘ a‘fol fạut, ‘ạmis kạt se av ne ‘ạmis la tē ag‘esea ‘e kato‘ag tape‘i. (Nā Hoi‘ạkiạg ne Foho 16:16) ‘E te‘ ne fạu ‘i, ‘ạmis ma kato‘ag he fol: kato‘ag terȧn ‘esea ne kạugarueaga ne a‘sok a‘ruạ fạut, ma kato‘ag ti‘ ne väeag hanua. Ka tapen ‘es‘ao ne kato‘ag ‘i se ‘ạmisa?

Kato‘ag ‘i a‘ne‘ne‘ạkia ‘otomis hugag ‘esea. Lelea‘ Isireli ‘oaf la voivoi‘ạkia Jihova “‘e te‘ ne tạunạ‘i,” ‘ạmis tape‘ma a‘pumuạ‘ȧk la tē ag‘esea ‘e ‘otomis titi‘ạkiga se Jihova ‘e kato‘ag tape‘i. (Salamo 26:12; 111:1) Kato‘ag tape‘i iạ sal leleit la hạipoag ma tē ag‘esea ma iris Uetnes ‘e kạurotuạg tūtū, ne hanuạ tūtū. ‘Ạmis ‘ā tē iạniạn ‘e utut ne kato‘ag ta a‘soko la pō la ‘ạmis la tē ag‘esea ka la hại‘ineag ma ‘otomis hensạsiga. (Garue 2:42) ‘E kato‘ag ‘i ‘ạmis kel se hanisi ma hugag‘esea ‘on “hensạsiạg ‘atakoa” ‘e rȧn te‘.​—1 Pita 2:17.

Kato‘ag ‘i hạiasoagan ‘ạmis la ‘ut fak‘at. Lelea‘ Isireli pō ‘on ‘es‘ao ‘e rēko iris “taf‘ia” se ut ne puku ne sui‘ȧk se irisa. (Nehemaia 8:8, 12) ‘Ạmis a‘pumuạ‘ȧk muạ‘ạkiạg ne Puk Ha‘a ne ‘ạmis pō ‘e tạunȧ‘ tape ‘i. Te‘ ne filo‘ ne prokräm ta ho‘am ‘e Puk Ha‘a. Maraga, marag hạitohiga ma tē kel‘ạki rak‘ạkia se ‘ạmisa ‘on la a‘sokoag ne fiongar ‘on ‘Ạitu ‘e ‘otomis mạuri. Rogrog ne ‘ạmis a‘fại ‘e ‘otomis hensạsiạg ne huạg aier ma kikia ‘e av ne iris agtạu ma noanoa, a‘ne‘ne‘ạkia ‘otomis huga. ‘E ‘otomis kato‘ag ti‘ ne väeag hanua, drama he his ne tekạim ‘e rogrog ne Puk Ha‘a, rak‘ạkia  muạ‘ạkiag ne ‘es‘ao. ‘E te‘ ne kato‘ag ‘atakoa ma ‘on papetạisot la a‘sok se iris ne pa nā‘ia ‘oris mạuri se ‘Ạitu.

• Ka ‘e rēko tese kato‘ag ‘i av ‘oaf‘ofat?

• Ka tes ta ‘on ‘es‘ao ne kato‘ag tape‘i?