Yesaya

 2 Kubera iki muguma mutanga amahera ku bitari ibifungurwa,

mugasohora ayo mwabiriye akuya* ku bintu bidahaza?

Nimunyumvirize mwitonze, murye ibifungurwa nyavyo+,

muryohererwe cane ibifungurwa vyizavyiza*+.

Nimwumvirize ni ho muzobandanya kubaho.

Nanje nzoheza ngirane namwe isezerano ryamaho+ ndabikunze,

nisunze isezerano ry’urukundo* nagiranye na Dawidi. Iryo sezerano ni iryo kwizigirwa+.

 4 Raba! Namugize icabona+ ku mahanga,

ndamugira indongozi+ n’umutware+ ku mahanga.

 5 Raba! Uzohamagara ihanga utazi,

kandi abo mw’ihanga ritari rikuzi bazokwiruka baza iwawe

kubera Yehova Imana yawe+, wa Mweranda wa Isirayeli,

kuko azoguha icubahiro+.

 7 Umubisha nahebe inzira yiwe+,

umunyakibi ahebe ivyiyumviro vyiwe.

Nagaruke kuri Yehova, azomugirira imbabazi+,

agaruke ku Mana yacu, kuko izomubabarira cane*+.

 8 «Kuko ivyiyumviro vyanje atari vyo vyiyumviro vyanyu+,

n’inzira zanyu si zo nzira zanje», ni ko Yehova avuze.

 9 «Nk’uko ijuru riri hejuru y’isi,

ni ko n’inzira zanje ziri hejuru y’izanyu,

n’ivyiyumviro vyanje bikaba hejuru y’ivyanyu+.

10 Kurya nyene imvura na shelegi* bikoroka bivuye mw’ijuru,

ntibisubireyo bitanywesheje isi, bigatuma yimbuka ikamera,

uwubiba akaronka imbuto, n’uwurya akaronka ibifungurwa,

11 ni ko n’ijambo riva mu kanwa kanje rizomera+.

Ntirizongarukako ata co rishitseko+,

ahubwo rizoshitsa vy’ukuri ikimpimbara* cose+,

riroranirwe ata kabuza mu co naritumye.

12 Kuko muzosohoka munezerewe+,

mugarukanwe mu mahoro+.

Imisozi n’imirambi bizonezerwa bibasanganize akamo k’umunezero+,

kandi ibiti vyo mw’ishamba vyose bizokoma amashi+.

13 Mu gishingo c’ibisaka vy’amahwa hazomera igiti c’umuberoshi+,

mu gishingo c’igisuru hamere igiti c’umuhadasi*.

Ivyo bizotuma Yehova aba rurangiranwa*+,

bibe ikimenyetso camaho kitazokwigera kivaho.»