21 Ubwo nyene Musa aca ahamagara abashingantahe bo muri Isirayeli+, ababwira ati: «Nimugende mwitorere ibitungwa* bikiri bito vy’imiryango yanyu, mukerere ibimazi vya Pasika. 22 Hanyuma muzofate agakama k’uduti twa ezobu, mugakoze mu maraso ari mw’ibesani, muce muyamijagira ku gice co hejuru c’umuryango no ku bishimaryango bibiri. Nta n’umwe akwiye kuva mu nzu iwe gushika mu gitondo. 23 Yehova niyaca mu gihugu gutikiza Abanyamisiri akabona ayo maraso ku gice co hejuru c’umuryango no ku bishimaryango bibiri, Yehova azoca arengana uwo muryango. Ntazoreka ico cago c’urupfu* ngo cinjire mu mazu yanyu+.