2 Koko rero, ubugingo bwanjye bufitiye Imana inyota,+ bufitiye Imana nzima+ inyota.

Nzaza ryari ngo mboneke imbere y’Imana?+

 3 Amarira yanjye ni yo yabaye ibyokurya byanjye ku manywa na nijoro.+

Umunsi wose baba bambaza bati “Imana yawe iri he?”+

 4 Ibi nzajya mbyibuka maze ubugingo bwanjye bushegeshwe n’ibyiyumvo biniganiramo.+

Najyaga njyana n’imbaga y’abantu,

Nkagenda buhoro buhoro mbarangaje imbere, tukajya mu nzu y’Imana+

Turangurura ijwi ry’ibyishimo no gushimira Imana,+

Ijwi ry’imbaga y’abantu bari mu birori.+

 5 Bugingo bwanjye, ni iki gitumye wiheba,+

Kandi ni iki gitumye umbuza amahwemo?+

Tegereza Imana.+

Nzongera nyisingize kuko ari yo impa agakiza gakomeye.+

 6 Mana yanjye, ubugingo bwanjye burihebye.+

Ni yo mpamvu nkwibuka,+

Ndi mu gihugu cya Yorodani no mu mpinga za Herumoni,+

Nkakwibuka ndi kuri wa musozi muto.+

 7 Imuhengeri hahamagara imuhengeri handi

Iyo humvise amazi yawe adudubiza.

Imivumba yawe n’imiraba yawe yose+

Yarandengeye.+

 8 Ku manywa Yehova azategeka ineza ye yuje urukundo inzeho,+

Kandi nijoro nzaririmba indirimbo ye;+

Nzasenga Imana y’ubuzima bwanjye.+

 9 Nzabwira Imana yo gitare cyanjye+ nti

“Kuki wanyibagiwe?+

Kuki ngenda mbabaye bitewe n’umwanzi unkandamiza?”+

10 Abandwanya barantutse cyane+ ku buryo numva amagufwa yanjye ameze nk’ajanjaguritse.

Umunsi wose baba bambaza bati “Imana yawe iri he?”+

11 Bugingo bwanjye, ni iki gitumye wiheba,+

Kandi ni iki gitumye umbuza amahwemo?+

Tegereza Imana.+

Nzongera nyisingize kuko ari Imana yanjye impa agakiza gakomeye.+

Ku mutware

w’abaririmbyi b’Amarebe.

Indirimbo yahimbiwe

abagore bakundwa.

 2 Uri mwiza cyane kuruta abana b’abantu.+

Mu kanwa kawe haturukamo amagambo meza cyane.+

Ni cyo cyatumye Imana iguha umugisha iteka ryose.+

 3 Kenyera inkota yawe+ ku itako wa munyambaraga we,+

Ukenyere icyubahiro cyawe n’ubwiza bwawe buhebuje.+

 4 Kenyera ubwiza bwawe buhebuje ukomeze uneshe;+

Urira ifarashi urwanirire ukuri no kwicisha bugufi no gukiranuka,+

Kandi ukuboko kwawe kw’iburyo kuzakwigisha gukora ibintu biteye ubwoba.+

 5 Imyambi yawe iratyaye; abantu bo mu mahanga bakomeza kugwa imbere yawe.+

Izahinguranya umutima w’abanzi b’umwami.+

 6 Imana ni yo ntebe y’ubwami bwawe kugeza ibihe bitarondoreka, ndetse iteka ryose;+

Inkoni y’ubwami bwawe ni inkoni yo gukiranuka.+

 7 Wakunze gukiranuka+ wanga ubwicamategeko.+

Ni cyo cyatumye Imana, ari na yo Mana yawe,+ igutoranya+ igusutseho amavuta yo kwishima+ kurusha bagenzi bawe.+

 8 Imyambaro yawe yose ihumura ishangi n’umusagavu na kesiya;+

Umuzika w’inanga uturuka mu ngoro y’akataraboneka itatswe amahembe y’inzovu,+ watumye wishima.

 9 Abakobwa+ b’abami ni bamwe mu bagore bawe b’agaciro kenshi.

Umwamikazi+ ari iburyo bwawe arimbishijwe zahabu yo muri Ofiri.+

10 Umva wa mukobwa we, urebe kandi utege amatwi;

Wibagirwe ubwoko bwawe n’inzu ya so.+

11 Umwami azifuza ubwiza bwawe,+

Kuko ari umutware wawe;+

Nuko rero, umwunamire.+

12 Umukobwa w’i Tiro na we azazana impano,+

Abatunzi bo mu mahanga bazakugusha neza.+

13 Umukobwa w’umwami ari mu nzu, afite ubwiza buhebuje.+

Imyenda ye itatswe zahabu.

14 Bazamushyira umwami yambaye imyenda iboshye.+

Bagenzi be b’abari bazazanwa aho uri bamushagaye.+

15 Bazaza bishimye banezerewe,

Binjire mu ngoro y’umwami.

16 Mu cyimbo cya ba sokuruza+ hazaba abahungu bawe,+

Ni bo uzagira abatware mu isi yose.+

17 Abo mu bihe bizaza bose nzababwira izina ryawe.+

Ni yo mpamvu abantu bo mu mahanga bazagusingiza kugeza ibihe bitarondoreka, ndetse iteka ryose.